Սաակաշվիլին Լեհաստանում հանդիպել է Բարաք Օբամայի ու Ջոն Քերիի հետ (տեսանյութ)
Новости-Грузия լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլին Լեհաստանում հանդիպել է ԱՄՆ-ի նախագահ Բարաք Օբամայի ու պետքարտուղար Ջոն Քերիի հետ:
Հանդիպումը կայացել է Լեհաստանի ժողովրդավարացման (կոմունիզմից ձերբազատվելու) 25-ամյակի կապակցությամբ կազմակերպված միջոցառումների շրջանակներում: Այդ մասին Սաակաշվիլին գրել է Facebook-ի իր էջում:
Սաակաշվիլին այդ միջոցառումներին մասնակցելու հրավեր է ստացել Լեհաստանի նախագահից: Դրանց շրջանակներում Սաակաշվիլին դռնփակ հանդիպումներ է ունեցել տարբեր երկրների առաջնորդների հետ:
