Վրաստանը, Թուրքիան ու Ադրբեջանը քննարկել են պաշտպանական ոլորտում համագործակցության հարցը
Грузия Online-ի փոխանցմամբ՝ Թբիլիսյան գագաթաժողովի շրջանակներում քննարկվել է Վրաստանի, Թուրքիայի ու Ադրբեջանի միջև պաշտպանական ոլորտում եռակողմ համագործակցության հարցը: Այս մասին այսօր լրագրողների հետ զրույցում հայտարարել է Վրաստանի անվտանգության խորհրդի քարտուղար Իրինա Իմերլիշվիլին.
«Մենք ռազմական համագործակցության մեջ ենք ինչպես Թուրքիայի, այնպես էլ Ադրբեջանի հետ: Դրանք երկկողմ հարաբերություններ են: Խոսքը գնացել է եռակողմ համագործակցությանն անցում կատարելու մասին: Պաշտպանության նախարարները համագործակցում են շատ սերտորեն, սակայն այդ համագործակցությունը դեռ երկկողմ ձևաչափով է»:
