Մայիսի 9-ին Սև ծով կմտնի ամերիկյան Vella Gulf հածանավը. աղբյուր
Ռուսական ИТАР-ТАСС լրատվական գործակալության փոխանցմամբ՝ ակնկալվում է, որ մայիսի 9-ին (Հաղթանակի օրը) Սև ծով մուտք կգործի ԱՄՆ ռազմածովային ուժերի Vella Gulf հածանավը, որը հագեցած է Aegis համակարգով: Այս մասին գործակալությանը հայտնել է նրա ռազմա-դիվանագիտական աղբյուրը:
Մայիսի 9-ին Սևաստոպոլում պլանավորված է զորահանդես, որին մասնակցելու են աննախադեպ քանակությամբ մարտական ինքնաթիռներ՝ 70 հատ: Աղբյուրը հավելել է, որ ԱՄՆ ռազմածովային ուժերի Taylor ֆրեգատը Սև ծովի ջրատարածությունը լքելու է մայիսի 12-ին: Նա Սև ծովում էր հայտնվել ապրիլի 22-ին:
