ԵՄ-ը պատրաստ է տնտեսական պատժամիջոցներ սահմանել Ռուսաստանի դեմ. Ռոմպեյ
Ռուսական ИТАР-ТАСС լրատվական գործակալության փոխանցմամբ՝ Եվրոպական խորհրդի նախագահ Հերման վան Ռոմպեյը հայտարարել է, որ Ուկրաինայում իրավիճակի ապաէսկալացման բացակայության դեպքում ԵՄ-ը պատրաստ է տնտեսական պատժամիջոցներ սահմանել Ռուսաստանի դեմ.
«Մենք պատրաստ ենք որոշումներ ընդունել, եթե դա պահանջվի: Եվրահանձնաժողովը շարունակում է նախապատրաստական աշխատանքներ տանել Ռուսաստանի դեմ առևտրա-տնտեսական հնարավոր պատժամիջոցների մշակման ուղղությամբ:
Մեր գնահատմամբ՝ Ուկրաինայի կառավարությունն ընդունել է մի շարք քայլեր՝ կապված ժնևյան պայմանավորվածությունները կատարելու հետ: Մեր գնահատմամբ Ռուսաստանը հավատարիմ չի մնում իր պարտավորություններին: Մենք մտադիր ենք փորձագետների առաքելություն ուղարկել, որը կգնահատի տվյալ ոլորտում Ուկրաինայի իրական կարիքները»:
