Իրանն ու ԱԷՄԳ-ը համաձայնության են եկել Արաքի միջուկային ռեակտորի շուրջ. աղբյուր
Իրանական IRNA լրատվական գործակալության փոխանցմամբ՝ Իրանի ատոմային էներգիայի կազմակերպությունն ու ԱԷՄԳ-ը համաձայնության են եկել Արաքի՝ ծանր ջրով աշխատող միջուկային ռեակտորի ստուգման մեթոդի շուրջ: Այս մասին գործակալությանը հայտնել է Իրանի ատոմային էներգիայի կազմակերպությունում նրա աղբյուրը:
Նրա խոսքերով՝ ԱԷՄԳ-ի փոխտնօրեն Մասիմո Ապառոն նման համաձայնության է եկել Արաքի ռեակտորի ներկայացուցիչների հետ հանդիպման ժամանակ: Ապառոն հայտարարել է, որ Արաքի ռեակտորը հանդիսանում է ԱԷՄԳ-ի ու Իրանի ատոմային էներգիայի կազմակերպության միջև ձեռք բերված համաձայնագրի կետերից մեկը: Համաձայնագիրը բաղկացած է 7 կետից:
