Թուրքիան ստեղծում է սեփական ինտերնետային համակարգ` www-ի փոխարեն ttt
Թուրքական TRT Haber հեռուստաալիքի փոխանցմամբ` Թուրքիայի կառավարությունը պատրաստվում է ստեղծել սեփական բաշխիչ համակարգը` www համաշխարհային սարդոստայնի փոխարեն:
Արդեն իսկ մեկնարկել են նոր համակարգին անցում կատարելու նախապատրաստական աշխատանքները, որի հապավումը ենթադրաբար բաղկացած է լինելու 3 հատ t տառից` ttt:
Նշվում է, որ Թուրքիայի իշխանությունները տվյալ քայլին գնացել վերջին նշանակալից դեպքերից հետո, որոնք են Թուրքիայում հեռախոսազրույցների գաղտնալսումը, ԱՄՆ-ի կողմից ինտերնետային ռեսուրսներին գաղտնալսելը, ինչպես նաև Twitter-ի ու Youtube-ի հետ կապված որոշակի խնդիրները:
Ընդգծվում է, որ ԵՄ-ի բազում անդամներ և հատկապես Գերմանիան ու Ֆրանսիան վաղուց աշխատում են այլընտրանքային համակարգի մշակման ուղղությամբ: Բացի այդ, Թուրքիան պահանջում է սոցցանցերի մասին միջազգային կոնվենցիայի ընդունում, որը կկանոկարգեր դրանցից օգտվելու կանոնները:
