Ռուսաստանը ոչնչացրել է Ուկրաինայի ժամանակակից պահեստների գրեթե կեսը. Financial Times
Ըստ Financial Times հեղինակավոր պարբերականի տվյալների՝ ռուսական հարվածները շարքից հանել են Ուկրաինայի ժամանակակից պահեստային տարածքների մոտ 2,1 միլիոն քառակուսի մետրը: Սա նախապատերազմյան 5 միլիոն քառակուսի մետրի գրեթե կեսն է։ Ձեռնարկատեր Ռուսլան Շոստակը հստակեցրել է, որ միայն 2026 թվականի սկզբից ի վեր վնասվել է մոտ 900 հազար քառակուսի մետր տարածք։
Խոշոր լոգիստիկ հանգույցների կորուստը բիզնեսին ստիպում է փոխել աշխատանքային սխեմաները։ Օրինակ՝ Բրովարիի բաշխիչ կենտրոնի ավերումից հետո Rozetka-ն մեկ հանգույցի միջոցով պատվերներ մշակելու փոխարեն անցել է ամբողջ երկրով մեկ գործող 67 խանութների միջոցով աշխատելուն։ Փորձագետները նշում են, որ մնացած կենտրոնների վրա ծանրաբեռնվածությունն աճում է, առաքման հեռավորությունները երկարում, իսկ ծախսերը բարդվում են գնորդի վրա։
Լոգիստիկայի դեմ այս արշավն ավելի լայնածավալ տնտեսական պատերազմի մի մասն է։ Ուկրաինայի վարչապետ Դենիս Շմիգալը բյուջեի հնարավոր կորուստները գնահատել էր 1,5 միլիարդ դոլար։ Տնտեսագետ Ելենա Բելանի կարծիքով՝ այս տարի տնտեսական աճ, ամենայն հավանականությամբ, չի լինի, իսկ բիզնեսը լրացուցիչ ծախսերը կներառի ապրանքների գների մեջ։
