Ռուսաստանի երկնքում խոցվել է ուկրաինական 1951 անօդաչու թռչող սարք․ կան զոհեր և վիրավորներ
Ռուսաստանի պաշտպանության նախարարությունը հայտարարել է, որ ուկրաինական ուժերի կողմից քաղաքացիական ենթակառուցվածքների վրա իրականացված հարձակումներին ի պատասխան կավելացնի Կիևում գտնվող ռազմական թիրախների դեմ հարվածների ինտենսիվությունը։
«Ուկրաինական ռեժիմի կողմից Ռուսաստանի տարածքում գտնվող քաղաքացիական օբյեկտների դեմ հարձակումներին ի պատասխան՝ Ռուսաստանի Դաշնության զինված ուժերը կշարունակեն և կուժեղացնեն բարձր ճշգրտության զենքով հարվածները Կիևում գտնվող ռազմական օբյեկտների նկատմամբ», — հայտարարել են գերատեսչությունից։
Նախարարության տվյալներով՝ սեպտեմբերի 19-20-ին Ուկրաինայի զինված ուժերը փորձել են իրականացնել զանգվածային հարձակում՝ ընտրությունները խափանելու նպատակով, սակայն այդ փորձը ձախողվել է։ Գերատեսչությունը նշել է, որ մեկ օրվա ընթացքում Ռուսաստանի շրջանների երկնքում խոցվել է ուկրաինական 1951 անօդաչու թռչող սարք և մեծ հեռահարության ութ թևավոր հրթիռ։
Ավելի վաղ Մոսկվայի մարզի նահանգապետ Անդրեյ Վորոբյովը հայտնել էր, որ տարածաշրջանի դեմ իրականացված անօդաչու թռչող սարքերի զանգվածային հարձակման հետևանքով զոհվել է երեք խաղաղ բնակիչ։ Տուժել է ավելի քան 20 մարդ, այդ թվում՝ մի քանի երեխա, իսկ 15 վիրավոր հոսպիտալացվել է։
