Մամուլ

Այս պահին օրենսդիրների մեծ մասի մակարդակը ահավոր ցածր է: Մենք ասում ենք՝ Ազգային ժողով, հասկանում ենք՝ Շմայս, գեներալ Մանվել, Թոխմախի Մհեր եւ այլն:

Ոչ, ոչ, հիմա էլ ով երկրին, բա­նակին, ղեկավարությանը, իմ երկրի նախագահին, իմ երկրի դրոշին ով կփորձի ուրիշ աչքով նայել, էլի պատժվելու ա։ Աստված ասում ա՝ եթե քեզ սիլլա են տալիս, մյուսներդ էլ դեմ տուր, բայց մենք արագ պատաս­խան ենք տալիս, եղա՞վ։

Այդ ճակատներից ոչ մեկն ինձ չի հետաքրքրում, որովհետեւ ես գիտեմ՝ իշխանությունն ինչ ձեռ­նարկում է, վատ բան է։ Ես այդպես եմ սովորել այս 20-25 տար­վա ընթացքում եւ չեմ հիշում մի որեւէ բան, որ իրենք անեն, ու հետո լավ լինի։

ՀՀ իշխանությունների ներկայացուցիչները հատկապես առաջիկա խորհրդարանական ընտրությունների մասին խոսելիս, որպես կանոն, իրենց չափից ավել ինքնավստահ են պահում, քանի որ համոզված են, որ ինչպես նախորդ ընտրություններում, այս անգամ էլ կհաջողվի իրենց համար ցանկալի արդյունք արձանագրել։ Իսկ որտե՞ղ են թաքնված ինքնավստահության արմատները։

Հայ-արաբական միջազգային իրավական խորհրդի գլխավոր քարտուղար Վահե Մահշիկյանը, որը ծագումով Քեսաբից է եւ բնակվում է Սիրիայի մայրաքաղաք Դամասկոսում, այն անձանցից է, որ շփվել է վերջերս բացահայտված «հանցավոր խմբի» անդամ Արթուր Վարդանյանի հետ։

ՀՀԿ-ականներն այս հինգշաբթի գործադիր մարմնի նիստ կհրավիրեն եւ Սերժ Սարգսյանին կներկայացնեն սահմանադրական փոփոխությունների քարոզչության արդյունքները»:

Հայաստանի ընդդիմադիր գործիչների կոնկրետ թիվ չենք կարող նշել, բայց որ նրանց մատների վրա կարելի է հաշվել՝ փաստ է։ Նկատի ունենք եւ արմատական ընդդիմադիրներին, եւ ոչ արմատականներին։ Այսօր արմատականներ համարվում են նրանք, ովքեր ոչ միայն սահմանադրական փոփոխություններին են «ոչ» ասում, այլեւ նախագահի հրաժարականն են պահանջում։ Իսկ նրանք, ովքեր սահմանադրական փոփոխություններին դեմ են, բայց նախագահի հրաժարականը չեն պահաննջում, համարվում են ոչ լիարժեք ընդդիմադիր, այսինքն՝ կիսաընդդիմադիր։

Ես, բնականաբար, դեմ եմ պարանոյային եւ ամեն տեղ արտասահմանյան «լրտեսներ» տեսնելուն: Եթե որեւէ մեկն անկեղծ եւ բաց ձեւով արտահայտում է իր տեսակետը, ապա նրան «ամերիկյան լրտես», «ռուսական կագեբեի գործակալ» կամ «հինգերորդ շարասյուն» անվանելը խոսում է հենց այդ՝ անառողջ հոգեբանության մասին: Նույնը՝ երբ որեւէ քաղաքական կամ հասարակական գործչին դասում են «ներքին թուրքերի» թվին:

Ռուսաստան-Թուրքիա հարաբերությունների սրացումից հետո ռուսական բարոզչամեքենայի կոդմից նետված «խայծը»՝ Հայոց ցեղասպանության ժխտման համար քրեական պատասխանատվության մասին, դրականորեն Հայաստանում չարժանացավ այն արձագանքին, ինչն ակնկալում էին Ռուսաստանում:

Այն, ինչ անում են նրանք հիմա, դա պարզապես անճարության ցուցանիշ է, նրանց արածը խոսում է այն մասին, որ մարդիկ անճար են եւ ի վիճակի չեն սահմանադրական ճանապարհով գնալ, ցանկանում են անկարգություններ, այսինքն, երկրին անկայունություն են ցանկանում, որը իրենց չի հաջողվի, բնականաբար, մենք թույլ չենք տա, որ նման էլեմենտները խարխլեն մեր ներքաղաքական իրավիճակը, մեր երկրի ապագա զարգացումը։ Նրանք պարզապես վրեժխնդիր մարդիկ են եւ չգիտես ինչ անձնական վիրավորվածություն ունեն, վրեժ են ցանկանում լուծել սեփական ժողովրդից։

Մենք զրուցեցինք լուսանկարիչ եւ լրագրող Համո Մոսկոֆյանի հետ, որը ճանաչում էր Արթուր Վարդանյանին։ Նա ասաց, որ վերջինս գումարներ էր հավաքում սփյուռքահայերից եւ մասնավորապես իրեն խնդրել էր ծանոթացնել հայկական սփյուռքի երեւելի գործիչների հետ։

Տավուշի մարզի Նոյեմբերյան քաղաքում վերջին օրերին այլ մարզերից բերված կարտոֆիլ է վաճառվում՝ կիլոգրամը 150 դրամով: Վաճառողներն ասում են, որ կարտոֆիլը բերված է Գեղարքունիքի մարզի Գավառի տարածաշրջանից է: Վաճառվող խոշոր, լավ տեսքով կարտոֆիլն իրականում վարակված է ինչ-որ հիվանդությամբ: Այդ փաստն ի հայտ է գալիս կարտոֆիլը մաքրելիս միայն:

Ազատամարտիկ Սուրեն Սարգսյանը չի կարծում, որ հանցավոր համագործակցություն ստեղծելու կամ մասնակցելու եւ ապօրինի զենք, ռազմամթերք, սարքեր ձեռք բերելու ու իրացնելու կասկածանքով կալանավորված իր մարտական ընկեր, ազատամարտիկ Խաչիկ Ավետիսյանը լուրջ ներգրավվածություն ունի այդ ամենի մեջ: «Խաչիկը հերոս տղա է, մեր երկրի համար գործ արած պիտանի մարդ է»,- ասաց Սուրեն Սարգսյանը:

Մեզ հասած տեղեկություններով՝ օրերս Երևանի Խաչատուր Աբովյանի անվան հայկական պետական մանկավարժական համալսարանում ծեծի է ենթարկվել «ոչ»-ի կողմնակից, փիլիսոփայական գիտությունների թեկնածու Հովհաննես Հովհաննիսյանը։ Ըստ լուրերի՝ նրան ծեծել են ՀՀԿ-ական «այո»-ականները հենց սահմանադրական փոփոխությունների հողի վրա:

«Նուբարաշեն» ՔԿՀ-ի մոտ մարտի 4-ին սպանված Լևոն Ղազարյանի, Դրաստամատ Թադևոսյանի և Մեսրոպ Նազարյանցի գործով նախաքննությունն ավարտվում է։ Մեր աղբյուրները հայտնեցին, որ մինչև տարեվերջ գործը կուղարկվի դատարան։

Մեր ունեցած տեղեկություններով՝ կալանավորումից առաջ Ա. Հայրապետյանը հնարավորություն է ունեցել հ/ը հատուկ պահպանվող տարածք մուտք գործել իր սեփական մեքենայով:

Այդ խումբը՝ «Հայոց վահան», որի անդամները դիմակներով նկարվել են, գնացել են Քեսաբ, բայց շեղվել ու խաչակրաց արշավանք են կատարել։ Հարց է առաջանում, եթե գնացել են քեսաբցու կողքին կանգնեն, ինչո՞ւ են դիմակներ հագել, թող ափաշքարա իրենց դեմքով կանգնեին, ինչի՞ են երեսները ծածկում, սեւերես են եղել, դրա համար։ Ուրեմն ինչ-որ մի բան այն չի եղել։

Գիտեք ինչ՝ Սահմանադրությունն ամենակարող չէ, որ բոլոր հարցերին միանգամից պատասխան տա, սա ժողովրդի սոցիալական վիճակի հետ ոչ մի կապ չունի, նրա հարցերի հետ որեւէ կապ չունի, Սահմանադրության բարեփոխումները վերաբերում են ընդամենը կառավարման նոր մոդելին։

Երբ որ Սիրիայում դեպքերը զարգանում էին, մենք Քեսաբում որոշակի քաղաքական գործունեություն ծավալեցինք, որ կարողանանք սիրիահայությանը պաշտպանել։ ԱՄՆ-ից զանգ եկավ ինձ, որ կան տղաներ, որոնք ցանկանում են զինյալ պայքարի մեջ մտնել։ Փոխանցեցին հեռախոսի համարները։ Ես կապվեցի իրենց հետ, Արթուրն էր, խոսեցինք։ Ես ասեցի՝ մի գնացեք զինված որեւէ բանի, չի կարելի, որովհետեւ ավանդական կուսակցությունները Քեսաբում են։ Եթե դրանք չեն ցանկանում խառնվել, եթե Հայաստանի Հանրապետությունը չի ցանկանում մասնակցել, ուրեմն խնդիրներ կան։ Ինքն ասեց՝ չէ, մենք շատ ենք տուժել որպես ազգ, շատ ենք տառապել, պետք է մասնակցենք, որպեսզի ոգին վերականգնվի։

ՀՀ մարզպետներից շատերը, որոնք նաև ղեկավարում են «Այո»-ի մարզային շտաբները, այս օրերին փորձում են տարբեր ճնշումներ գործուղել «ՈՉ»-ի ճակատի ընդդիմադիր ակտիվիստների նկատմամբ։ «ՉԻ» տեղեկություններով, այս հարցում ամենաակտիվը Կոտայքի մարզպետ Կարո Գուլոյանն է։

«Ժողովուրդ»-ին տեղեկություններ հասան այն մասին, որ թիվ 37 ընտրատարածքի մի շարք տեղամասերում «Ժառանգություն» կուսակցության կողմից նշանակված ՏԸՀ անդամներն իրականում աjս կուսակցության հետ կապ չունեն, ավելին՝ նրանց մեջ անգամ կան այնպիսիք, որոնք օրաթերթի հետ զրույցում ուղղակի հայտարարեցին, որ իրենք ՀՀԿ անդամ են և այո-ի կողմնակից»:

Արդեն մի քանի օր է, ինչ հայ հասարակությունը շարունակում է քննարկել հանցավոր խմբավորման անդամների մասին լուրերը. ովքե՞ր են նրանք` ի վերջո, ահաբեկիչնե՞ր, թե՞ Հայաստանում հեղափոխություն անելու նպատակ ունեցողների մի խումբ: Թվում էր, թե այս հարցերի պատասխանները երեկ հրավիրված ասուլիսի ընթացքում պետք է տար ազգային անվտանգության ծառայության քննչական վարչության պետի տեղակալ Միքայել Համբարձումյանը, բայց, ընդհակառակը, նոր հարցականներ ի հայտ եկան:

Ակնկալել թե ՛պաշտոնական Անկարան հւսնկարծակի, կտրուկ փոխել է դիրքորոշուկմը եւ առանց ԼՂ խնդրի կարգավորումը շահարկելու այսուհետ լծվելու է Հայաստանի հետ հարաբերությունները կարգավորելուն՝ նույնպես միամտություն է։

Եթե դուք «ստատուս» եք գրում, ապա բնական է, որ ակնկալում եք, որ տակը կգրվի՝ «խզարեցիր», «պորտը տեղը դրեցիր», «դիմակը պատռեցիր», «սպանիր»: Քո գրությունը նախատեսված է հենց նման գնահատականի համար, եւ շատ բնական է, որ դրա ոճային ուղղվածությունը պետք է լինի «խզարելը»:

Մենք տեսնում ենք այնտեղ այլ արժեհամակարգ, որտեղ գործում է մանաթը, խավիարը եւ այլն։ Այս վիճակում, եթե մենք անգամ փոխենք հայկական պատվիրակության կազմը՝ ընդգրկելով ակադեմիկոսներ եւ այլն, ապա դրանով ոչ մի բան չի փոխվի։ Այնպես չէ, որ նրանք որեւէ բան չեն անում կամ տեղյակ չեն, թե ինչ է կատարվում, նրանք ակտիվ աշխատում են, ուղղակի այնտեղ մարտահավերն այլ է։

Ժողովուրդ»-ին տեղի ունեցած սպանությունից որոշ մանրամասներ են հայտնի դարձել: Թերթին հաջողվեց պարզել, թե ինչ խնդիր է ունեցել Մկրտիչ Պողոսյանը «Անելիք բանկի» հետ եւ ինչու է սպանվել:

Երեկ հայտնի դարձավ, որ գյումրեցի Ավետիսյանների ընտանիքի յոթ անդամների սպանության գործը Շիրակի մարզի ընդհանուր իրավասության դատարանում քննելու է դատավոր Հարություն Մովսիսյանը: Հիշեցնենք, որ Ավետիսյանների ընտանիքին սպանելու մեջ մեղադրվում է ՌԴ 102-րդ ռազմաբազայի զինծառայող Վալերի Պերմյակովը:

ԱԱԾ-ի կողմից վնասազերծված «հանցավոր» խմբի անդամներից երեքը՝ Ավետիս Բարեյանը, Վաղինակ Ստեփանյանը եւ Արթուր Եղիազարյանը, Արմավիրի մարզի Արեւիկ գյուղի բնակիչներ են: Մեր զրույցում Արեւիկի գյուղապետ Գառնիկ Ծատուրյանը նշեց, որ երեքն էլ խելոք տղաներ են: Նա անձամբ ճանաչել է երեք ձերբակալվածներին, որոնք մշտապես աչքի են ընկել նորմալ պահվածքով։ «Երեքի ընտանիքն էլ սոցիալապես վատ պայմաններում է ապրում: Իրենք ընկերներ են, ազատամարտի մասնակից:

ԱԱԾ-ականները ոչ մի բացատրություն չեն տվել, թե ինչու են խուզարկում գրասենյակը, վստահեցրել են, թե մինչեւ ժամը 13.00-ը կավարատեն խուզարկությունը:

Ես բառեր չեմ գտնում նկարագրելու, թե նա ինչ ահավոր մտքեր ուներ։ Ես հնար չունեի նրան ձերբա­կալելու կամ ձերբակալության առաջարկ անելու Բեյրութում, բայց միշտ մտածում էի, որ այս տղան ինչքան շուտ ձերբակալվի, այնքան նախեւառաջ կփրկվի ինքը։ Նրա մտքերը հեռուն տանող էին, երբ երեկ տեսա, ուրախացա, որ վերջապես ձերբա­կալված է: