Մամուլ

Հայտնի գործարար, մեծահարուստ, Դիլիջանի միջազգային դպրոցի և միջազգային այլևայլ պրոյեկտների հեղինակ Ռուբեն Վարդանյանի որդին այս օրերին ծառայում է Ղարաբաղում՝ Հադրութում, ընդ որում՝ այն նույն զորամասում, որտեղ ծառայում է Բակո Սահակյանի որդին։

ՀԺ»-ի հետ զրույցում Աբովյանի հարսը` Դուշիկ Բեջանյանը, նշեց, որ սկեսուրը չէր կարող մոլորվել, քանի որ ճանապարհը նրան անծանոթ չէր։ Հարսը բացատրեց, որ սահմանը հատելու համար Լ.Աբովյանը պետք է անցներ խորը փորված խրամատով, ինչը նա չէր կարող անել:

Այո, տառապանքը փորձ ունի, 90-ականների փորձ ունեցողները գիտեն, որ փորձ ունի, բա իհարկե ունի։ Որովհետեւ բոլորս ենք ականատես եղել այդ ամենին, ինչ կատարվել է։ Արմատախիլ ենք անելու բոլոր նեգատիվ երեւույթները, եւ հանրաքվեի վրա ստվեր գցող քաղաքական ուժը կամ գործիչը պարզապես չի ցանկանում այս երկրի լավը տեսնել։

Ինձ թվում է՝ շատ պարզ բան. եթե դուք, ասենք, հայ եք, քրիստոնյա եւ ՀՀԿ-անդամ, ապա ոչնչով ավելի կամ պակաս չեք, քան, ենթադրենք, եզդին, արեւապաշտը եւ ՀԱԿ անդամը:

Քաղծառայության աշխատակիցներից «Ժողովուրդ»-ը ահազանգ ստացավ այն մասին, որ ՀՀ իշխանությունները որոշել են միառժամանակ, այսպես կոչված, «13-րդ աշխատավարձ» չվճարել: Սովորաբար պետական կառույցների աշխատակիցները, քաղծառայողները տարվա վերջին իրենց մեկ ամսվա աշխատավարձի չափով հավելավճար են ստանում:

Ըստ շրջանառվող տեղեկությունների՝ նախկին պատգամավոր, ՀՀԿ անդամ Լևոն Սարգսյանը, նույն ինքը՝ Ալրաղացի Լյովը, բնակության նպատակով տեղափոխվել է Չեխիա։ Թե կոնկրետ ինչ գործունեություն է ծավալում Լևոն Սարգսյանը Չեխիայում, դեռևս հայտնի չէ։ «Ժողովուրդ»-ն այս լուրերի իսկությունը պարզելու համար զրուցել է Աժ ՀՀԿ խմբակցության պատգամավոր Աշոտ Աղաբաբյանի՝ Բուռնաշի հետ, որը ինչպես հայտնի է՝ Սարգսյանի եզակի մտերիմ ընկերներից է։ «Ես տեղյակ չեմ»,- մեր հարցը լսելուց հետո պատասխանեց Աշոտ Աղաբաբյանը։

Մեր տեղեկություններով, Գառնիկ Իսագուլյանն այս ամսվա սկզբից արդեն իսկ ֆորմալ աշխատանքի մեջ է ԼՂ-ում, սակայն առայժմ մտմտում են նրա վերջնական ստատուսի մասին` ԼՂ նախագահ Բակո Սահակյանի գլխավոր խորհրդակա՞ն, անվտանգության գծով խորհրդակա՞ն, թե՞ պարզապես խորհրդական:

Նրա բարեկամի տունը հայ-ադրբեջանական սահմանից հեռու է մոտ 2 կմ: Կոթիի գյուղապետ Ֆելիքս Մելիքյանը հայտնեց, որ Լուսիկ Աբովյանը երկու տղա եւ երկու աղջիկ ունի, տղաներից մեկը Կոթիում առանձին է ապրում, վերջինիս ընտանիքը զբաղվում է անասնապահությամբ եւ հողագործությամբ:

Երեկ մեզ հայտնի դարձավ, որ այն գիտնականները, որոնք չեն աշխատում մեկ լրիվ դրույքով, կառավարության համապատասխան որոշման համաձայն՝ սույն թվականի հոկտեմբերից այլևս չեն ստանա գիտական աստիճանի համար տրվող հավելավճարները։ Նշենք, որ գիտությունների թեկնածուներին տրվող հավելավճարի չափը 25 հազար դրամ է, իսկ գիտությունների դոկտորինը՝ 50 հազար դրամ։

Ներկաները պատմում են, որ շատ ճոխ, մեծ հարսանիք էր, Եգանյանը հրավիրել էր հեռու-մոտիկ ընկերներին, ծանոթներին ու «կիսածանոթներին»՝ էլիտար հարսանիքների մշտական «սաստավին»՝ անկախ նրանից, թե ում հետ ինչքան է մտերիմ»։

Երեկ հայտնի դարձավ, որ ՌԴ «Փոխադրումների կազմակերպիչ» պետական ծառայությունը հայտնաբերել է Մոսկվա-Երեւան անօրինական ուղեւորափոխադրում իրականացնող ավտոբուս: Ավտոբուսը պատկանում է հայկական «Վագտրանս» ընկերությանը, որին սպառնում է մինչեւ 150 հազար ռուբլու (2 հազար 500 դոլար) տուգանք:

ՀՀ սփյուռքի նախարարության աշխատակիցներն այս ամիս պարտադրված են եղել իրենց աշխատավարձի մի մասը փոխանցել «Հայաստան» համահայկական հիմնադրամին, որն այս անգամ խոստանում է բազմազավակ ընտանիքներին ապահովել բնակարանով։

Գյուղերից մեկում համայնքի ղեկավարն իր մոտ էր կանչել գյուղացիներից մեկին, որի որդին ձերբակալված էր: Գյուղապետը նրան ասել էր. «Քո որդին կարող է ստանալ 2 տարի պայմանական, իսկ կարող է ազատազրկվել 10 տարով: Դա կախված է քեզնից. եթե գյուղը «ճիշտ» քվեարկի, որդիդ կգա տուն: Հակառակ դեպքում դու նրան 10 տարի չես տեսնի»: Դուք լինեիք այդ գյուղացու տեղը, ինչպե՞ս կվարվեիք:

Հոկտեմբերի 31-ին Եգիպտոսում տեղի ունեցած ողբերգական ավիավթաը՝ Շարմ էլ Շեյխ-Սանկտ Պետերբուրգ ինքնաթիռի աղետը, պատճառ է դարձել, որպեսզի շատ երկրներ հրաժարվեն Եգիպտոս չվերթներից, իսկ շատ մարդիկ՝ Եգիպտոս մեկնելու ծրագրերից։ Ռուսական մամուլը գրում է, որ այս ողբերգությունը ծանր կնստի Եգիպտոսի տուրիստական ոլորտի վրա, չէ՞ որ ամեն տարի տասնյակ հազարավոր մարդիկ են հանգստանում ծովափին, եւ հատկապես շատ են Ռուսաստանի քաղաքացիները։

«Հազար անգամ ասել ենք՝ պատահական մարդկանցից տնկանյութ չառնեն։ էդ Թուրքիայի տնկանյութից է եկել։ Խաչատրյան Լյովան, թե ինչի է այս հարցը բարձրացնում, զարմանում եմ, թող որպես պատգամավոր գնար նախարարություն, պահանջեր կարանտին, ոնց որ մենք թուղթը պատրաստեցինք, ուղարկեցինք, բայց կարանտին չմտցրեցին»։

Լեռնային Ղարաբաղի հակամարտության կարգավորման շուրջ անդրկուլիսյան նոր գործընթաց է ընթանում, որի հիմնական նախաձեռնողը Ռուսաստանի Դաշնությունն է: Խոսքը ԼՂ հարակից մի քանի շրջան Ադրբեջանին հանձնելու մասին է:

Այս օրերին մեքենաների ապակիները մգացնելու համար նախատեսված կետերում մեծ հերթեր են գոյացել, քանի որ ՀՀ ճանապարհային ոստիկանությունն առաջիկայում կսկսի ստուգել ՀՀ-ում առկա մեքենաների ապակիների մգեցվածության աստիճանը: Եվ որպեսզի խուսափեն տուգանքից, վարորդները լծվել են իրենց մեքենաների ապակիների մգեցվածությունը թուլացնելու գործին: «Ժողովուրդ»-ի տեղեկություններով` ՃՈ-ն այդ ստուգումները նախատեսում է սկսել նոյեմբերի 11-ից:

Դրամի արժեզրկումը արձանագրվում է արդեն երկրորդ շաբաթն անընդմեջ: Հոկտեմբերի 22-ին դրամը կտրուկ աժեւորվեց հասնելով մեկ դոլարը` 469 դրամ փոխարժեքի որից հետո սկսեց կտրուկ արժեզրկվել:

Սերժ Սարգսյանի հետ հանդիպումից հետո տարածած հաղորդագրության մեջ նշվում է, որ Սարգսյանը բարձր է գնահատել ՌԴ դերը ԼՂ հիմնախնդրի կարգավորման գործընթացում եւ տարածաշրջանում անվտանգության ու կայունության հաստատման գործում, իսկ Լավրովն ընդգծել է, թե հիմնախնդրի խաղաղ կարգավորումն այլընտրանք չունի:

ՀՀ ՊՆ ռազմական ոստիկանությունում աշխատող, կոչումով փոխգնդապետի որդու` Արսեն Հերիքյանի մահվան դեպքից որոշ մանրամասներ են հայտնի դարձել «Ժողովուրդ»-ին: Այս տարվա նոյեմբերի 7-ին՝ ժամը 18:30-ի սահմաններում, Բաշինջաղյան 6-րդ շենքի բակում երիտասարդ տղայի դի էր հայտնաբերվել:

Դուրս եկանք մի հետաքրքիր վայր, որը հնագույն բնակատեղի էր հիշեցնում. քարից կերտված տարաներ կային, որոնցում հնարավոր է հատիկավոր բույսեր են մանրել, ալյուր են աղացել կամ ձեթ են քամել հնագույն շրջանում: Հանդիպեցինք սարկոֆագ հիշեցնող քարից կերտվածքի: Շատ էին ժայռափոր քանդակներ հիշեցնող կերտվածքները, սալե պատեր հիշեցնող քարեր կային, որոնք ամենայն հավանականությամբ՝ եղել են պատեր, ժամանակին շրջվել են:

1995-ի նոյեմբերի 5-ին՝ սրանից ուղիղ 20 տարի աոաջ, էներգետիկ սուր ճգնաժամի պայմաններում վերագործարկվեց Հայկական ատոմակայանը։ Դա պատմական իրադարձություն էր, որը կենսական նշանակություն ուներ մեզ համար, եւ որին դեմ էր ամբողջ աշխարհը։ Թե ինչպես հաջողվեց ББЭР-440 աոաջին սերնդի ռեակտորը վերագործարկել՝ հաշվի առնելով վտանգներն ու ռիսկերը, ինչ ճնշումների ենթարկվեց այն ժամանակ կառավարությանը, այս թեմայի շուրջ զրուցեցինք նախկին վարչապետ Հրանտ Բագրատյանի հետ։

ԱԺ էթիկայի ժամանակավոր հանձնաժողովը նոյեմբերի 10-ին սկսելու է Հել սինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Աաքանցի դիմումի քննարկումն՝ ընդդեմ Աժ ՀՀԿ խմբակցության պատգամավոր Առաքել Մովսիսյանի՝ Շմայսի։

Ոչ ոք չի ասում` «ես` Պողոս Պողոսյանս», կամ «ես` Պետրոս Պետրոսյանս այս հարցի մասին այս բանն եմ մտածում»: Գերադասելի է համարվում ասել, որ «իմ կուսակցությունը կոչ է անում այս կամ այն բանն անել»: Դա ունի երկու «առավելություն». նախ՝ դու ոչ թե պարզապես քո կարծիքն ես հայտնում, այլ «կոչեր» ես հնչեցնում: Հետեւաբար դու ոչ թե սովորական մարդ ես, այլ «գործիչ» ես: Երկրորդ՝ դու «վոժդ» ես եւ ունես հետեւորդներ, ադեպտներ:

Սեզոնին, երբ որ մասնավորապես թարմ պտուղ-բանջարեղենի արտահանման սեզոնն է լինում, մեքենաների էական կուտակում է լինում, մենք էդ հարցը եւ վրացական, ե՛ւ ռուսական կողմի հետ քննարկել ենք՝ նախարարությունների մակարդակով (ֆինանսների եւ էկոնոմիկայի), նույնիսկ հարցը հասցվեց վարչապետի մակարդակի, վարչապետն այց ունեցավ, տեղումնւսյեցին, եւ պայմանավորվածություն ձեռք բերվեց, որպեսզի կուտակումներից խուսափենք, ու Լարսի սահմանային անցակետի աշխատանքային ժամերը հնարավորինս երկարացվեն։

Եթե ռուս-իրանական հարաբերությունները անցնում Են դաշնակցային կամ ամենաբարձր համագործակցեցին փուլ, ապա 2 կողմերին էլ ձեռնտու է ոչ թե մրցակցել էներգետիկ ոլորտում, այլ համագործակցել։ Իսկ Հայաստանը կարող է դաոնալ լավագույն հարթակը ռուս–իրանական համագործակցության համար։ Հիմա 2 կողմերից էլ այդ ազդակները կան, համենայնդեպս, իրանական կողմից՝ ավելի հստակ։

Ռուսաստանի Դաշնությունում Հայաստանի դեսպանության մամուլի քարտուղար Լևոն Թորգոմյանը հաստատեց մեզ հասած լուրերը, ըստ որի՝ զոհվածների հարազատները չեն կարողանում գտնել աշխատած գումարները, որոնք ավտովթարի պահին եղել են ուղևորներր մոտ։ Նոյեմբերի 3-ին տեղի ունեցած ավտովթարի զոհերի մի քանի հարազատներ այս խնդրով դիմել են դեսպանատուն. «Մեզ մի քանի հարազատ դիմել են, որ զոհվածների մոտ գումար է եղել, բայց հարցն ինչումն է, այդ մարդիկ, ովքեր մեզ դիմել են, իրենց խորհուրդ ենք տվել գնալ դիահերձարան կամ, եթե դա եղել է հիվանդանոցում, գնալ հիվանդանոց և այնտեղ ճշտել։

Մինչեւ Սերժ Սարգսյանի հայտարարությունը Հայաստանը գնում էր բոլորովին այլ, կարելի է ասել՝ հակառակ ուղղությամբ` դեպի Եվրամիության հետ ասոցացման, եւ ակնարկ անգամ չկար, որ մենք կարող է եւ դառնանք ԵՏՄ անդամ: Բայց Սերժ Սարգսյանի հայտարարությունից հետո մինչ այդ ԵՄ-ի հետ ասոցացումը գովերգող մեր չինովնիկները մեկեն դարձան ԵՏՄ-ի երկրպագուներ:

Նոյեմբերի 5-ին՝ ժամը 16:30-ի սահմաններում, ադրբեջանական զինուժը Հայաստան-Վրաստան միջպետական ավտոճանապարհի Ոսկեպար-Բաղանիս հատվածում գնդակոծել է Բաղանիս գյուղի ծայրին երթեւեկող մեծ բեռնատարը: Գնդակներից վնասվել է «ֆուռի» շարժիչը, անիվներից մեկը շարքից դուրս է եկել: Ոսկեվանի մի քանի բնակիչ բեռնատարի (ազգությամբ օս) վարորդին իրենց տուն են տարել, հյուրասիրել:

Դեռեւս հոկտեմբերի 28-ին Աժ ՀՀԿ խմբակցության ղեկավար Վահրամ Բաղդասարյանը հայտարարել էր, որ Հանրապետական կուսակցությունը նոյեմբերի 1-ին կսկսի սահմանադրական փոփոխությունների ակտիվ քարոզչությունը։ Սակայն մինչեւ այսօր ՀՀԿ-ն որեւէ ակտիվություն չի ցուցաբերում՝ բացի ՀՀԿ շտաբում երեկոյան ժամերին անցկացվող հանդիպումները։