Նյու Դելիում գնահատեցին դա․ Թրամփը խոսել է Հնդկաստանի հետ հատուկ հարաբերությունների մասին
Հնդկաստանի վարչապետ Նարենդրա Մոդին շաբաթ օրը հայտարարել է, որ Նյու Դելիի և Վաշինգտոնի հարաբերությունները շարունակում են մնալ «շատ դրական», հատկապես այն բանից հետո, երբ ԱՄՆ նախագահ Դոնալդ Թրամփը ընդգծել է իրենց անձնական բարեկամությունը և մեղմել իր նախկին հայտարարությունները այն մասին, թե Հնդկաստանը «կորցնում է» իր դիրքերը Չինաստանի օգտին, փոխանցում է AFP-ն։
Այս կարծիքների փոխանակումը տեղի է ունենում այն բանից հետո, երբ Վաշինգտոնը 50 տոկոս մաքսատուրք է սահմանել հնդկական ապրանքների ներմուծման վրա՝ մեղադրելով Նյու Դելիին ռուսական նավթ գնելու միջոցով Ուկրաինայի վրա Ռուսաստանի հարձակումներին աջակցելու համար։
«Խորապես գնահատում եմ և լիովին կիսում եմ նախագահ Թրամփի զգացմունքները և մեր հարաբերությունների նկատմամբ նրա դրական գնահատականը», — գրել է Մոդին «X» սոցիալական ցանցում։ Նա հավելել է, որ Հնդկաստանը և Միացյալ Նահանգները կապված են «շատ դրական, հեռանկարային, համապարփակ և գլոբալ ռազմավարական գործընկերությամբ»։ Ավելի վաղ Թրամփը լրագրողներին հայտարարել էր, որ «միշտ կլինի Մոդիի ընկերը»։
«Հնդկաստանն ու ԱՄՆ-ն հատուկ հարաբերություններ ունեն։ Անհանգստանալու պատճառ չկա», — ասել է Թրամփը՝ մեղմելով իր ավելի վաղ հայտարարությունները այն մասին, թե Հնդկաստանը «կորսվում է»՝ Չինաստանի օգտին։
Նախորդ շաբաթ Մոդին այցելել է Չինաստան՝ Շանհայի համագործակցության կազմակերպության նիստին մասնակցելու համար և դա նրա առաջին այցն էր այդ երկիր վերջին յոթ տարվա ընթացքում, ինչը վկայում է երկու ասիական տերությունների միջև հարաբերությունների ջերմացման մասին։ Թրամփը, կարծես, նյարդայնացած է Նյու Դելիի գործողություններից, քանի որ նա փորձում է իրեն վերագրել այն, ինչ նա անվանում է Նոբելյան մրցանակի արժանացած դիվանագիտություն՝ մայիս ամսին միջուկային զենք ունեցող հարևանների միջև տասնամյակների ընթացքում ամենածանր հակամարտությունից հետո Պակիստանի և Հնդկաստանի միջև խաղաղություն հաստատելու միջնորդության համար, հաղորդում է AFP-ն։
Հնդկաստանը, որը կտրականապես մերժում է Քաշմիրի հարցով ցանկացած երրորդ կողմի միջնորդությունը, այդ ժամանակվանից սառն է վերաբերվում Թրամփին։
