Քաղաքականություն

Դպրոցականների տեղափոխող ավտոբուսը Թուրքիայում բախվել է բեռնատարի: ՃՏՊ-ի հետևանքով մահացել է 3 երեխա, ևս 7-ն ստացել է վնասվածքներ: Այս մասին հայտնում է Hurriyet թերթի ինտերնետ վարկածը:

Արցախի Հանրապետության Նախագահ Բակո Սահակյանը հունիսի 10-ին այցելել է Բելգիայի Մեխելեն քաղաք:

Վրաստանի նախագահ Գեորգի Մարգվելաշվիլին հայտարարել է, որ Ռուսաստանն անհրաժեշտության դեպքում կարող է ապակայունացնել Եվրասիայի կեսը:

ԵԱՀԿ Մինսկի խմբի ամերիկացի համանախագահ Ջեյմս Ուորլիքը հաստատել է հունիսի վերջին Լեռնային Ղարաբաղի հակամարտության կարգավորման հարցով հանդիպման փաստը:

«Կարծում եմ՝ իշխանության դիրքից է կախված՝ որ իշխանությունն ինչ կերպ ու ինչ չափով է փորձում ճնշումներ գործադրել»,- Պոլսո Հայոց պատրիարքարանի փոխանորդ Արամ Աթեշյանի՝ Էրդողանին ուղղված բաց նամակի մասին ասում է Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը:

Կրեմլում չեն բացառում Ռուսաստանի, Հայաստանի և Ադրբեջանի նախագահների հանդիպումը Սանկտ Պետերբուրգում: Այդ ուղղությամբ աշխատանք տարվում է: Ինչպես հայտնում է RIA Novosti-ն, այդ մասին հայտարարել է ՌԴ նախագահի մամուլի քարտուղար Դմիտրի Պեսկովը:

168.am-ը հարցի առնչությամբ պարզաբանումներ ստացավ ՌԴ ԱԳ նախարարության պաշտոնական ներկայացուցիչ Մարիա Զախարովայից: Զախարովան ասաց, որ ՌԴ ԱԳՆ կայքում հրապարակվել էր սխալ ձևակերպմամբ հաղորդագրություն, որն իրենք հստակեցրել են:

Գերմանիան ոչ առաջինն է, ով անում է այդ քայլը, ոչ էլ վերջինը կլինի: Եվրոպայում Գերմանիան հետևեց Ավստրիայի, Ֆրանսիայի, Շվեդիայի և մի շարք այլ պետությունների օրինակին, որոնք նախորդ տարիներին ճանաչել են Հայոց ցեղասպանությունը:

ԴԱԻՇ-ի պարագլուխ Աբու Բաքր Ալ-Բաղդադին ու խմբավորման մի շարք անդամներ վիրավորվել են իրաքա-սիրիական սահմանին ավիահարվածի հետևանքով, հայտնում են արաբական լրատվամիջոցները:

ԲՀԿ-ն ակտիվ մասնակցելու է աշնանը սպասվելիք ՏԻՄ ընտրություններին, հատկապես՝ Վանաձորում և Գյումրիում: Այս մասին այսօր լրագրողների հետ զրույցում տեղեկացրեց ԱԺ ԲՀԿ խմբակցության պատգամավոր Միքայել Մելքումյանը:

Հայաստանն ու ԼՂՀ-ն իրենց առջև ծառացած խնդիրներն ու մարտահրավերները պետք է լուծեն սեփական ուժերով՝ հաշվի առնելով, որ ռազմավարական առումով տարածաշրջանում, ընդհանուր առմամբ, նաև՝ ողջ աշխարհում չունեն գործընկեր: Միաժամանակ, մշտապես փոփոխվող աշխարհում ստեղծվում են նպաստավոր իրավիճակներ, որոնք պետք է օգտագործել խելամիտ դիվանագիտությամբ:

Մենաշնորհների դեմ պայքարը վարչապետի հայտարարությամբ չի սկսվել: Այսօր Ազգային ժողովում բրիֆինգների ժամանակ այս մասին հայտարարեց ԱԺ ՀՅԴ խմբակցության քարտուղար Աղվան Վարդանյանը, ըստ որի՝ այս պայքարի սկիզբը դրել են երեք փաստաթղթեր:

Հիմնադրամի նախագահ Հարութ Սասունյանը տեղեկացրել է, որ ապրիլին և մայիսին «Հայաստան Արցախ» հիմնադրամի տեղ հասցրած օժանդակությունը ներառում է անհրաժեշտ դեղորայք` քաղցկեղի, սրտի, աղիքային և մտավոր հիվանդությունների բուժման համար, ինչպես նաև դեղեր և բժշկական պարագաներ` պատերազմի պատճառով ստացված վերքերի բուժման համար:

Կապված անտանգության ոլորտում փոփոխված իրավիճակի հետ՝ Գերմանիայի Բունդեսվերը հայտարարել է բազմամիլիարդանոց ներդրումների անհրաժեշտության մասին, գրում է DW-ն:

4 ահաբեկիչներ, որոնք առնչություն են ունեցել Ղազախստանի Ակտոբե քաղաքում զենքի խանութի ու զորամասի վրա հարձակումներին, ոչնչացվել են քաղաքում անցկացված հատուկ օպերացիայի ժամանակ:

ԱԺ պատգամավոր Թևան Պողոսյանն այսօր լրագրողների հետ հանդիպման ընթացքում նշեց, որ Արցախում տեղի ունեցած դեպքն ամբողջովին կհաղթահարվի, երբ ամբողջ քննությունը թափանցիկ ներկայացվի, դատաքննությունը թափանցիկ տեղի ունենա, և բոլոր մեղավորներն իրենց պատիժը կրեն. «Եթե մեղավորներն իսկապես պատժվեն, ապա կհամարենք, որ Արցախում մեկ քայլով առաջ ենք գնացել դեպի ժողովրդավարություն: Մամուլը պետք է պահանջատիրական լինի, որ տեղեկություններ տրամադրեն, թե ինչ գործողություններ են եղել, և իշխանությունները հասկանան, որ հետևում են, իրենց շնչին կանգնած են, ու իրավունք չունեն այս գործին մատների արանքով նայել»:

ԱԺ ՀՅԴ խմբակցության քարտուղար Աղվան Վարդանյանն ուրախ է, որ այս շաբաթ ԱԺ քառօրյայի ընթացքում «լրագրողները վնասվածքներ չեն ստացել»: Այսօր ԱԺ-ում բրիֆինգների ժամանակ լրագրողները հետաքրքրվեցին՝ իսկ քաղաքական ուժերը վնասվածքներ ստացե՞լ են այս քառօրյայի ընթացքում:

Իշխանական մեր աղբյուրների պնդմամբ, երկար որոնումներից հետո Գյումրու քաղաքապետի թեկնածության հարցում կանգ են առել ոչ թե ՀՀԿ տեղական կառույցի պատասխանատու, մարզպետարանի կրթության վարչության պետ Սահակ Մինասյանի վրա, այլ գործող քաղաքապետ Սամվել Բալասանյանի, որը կառաջադրվի ՀՀԿ ցուցակով։

Քրդական «Քուրդիստանի ազատության ճուռակներ» խմբավորումն ստանձնել է Ստամբուլում հունիսի 7-ին տեղի ունեցած ահաբեկչության պատասխանատվությունը, որը խլել էր 11 մարդու կյանք:

Թել Ավիվի վերջին ահաբեկչությունից հետո իսրայելցի զինվորականները որոշում են կայացրել արգելափակել Գազայի հատված և Հորդանան գետի Արևմտյան ափ տանող ճանապարհները:

Իտալիաի նախկին վարչապետ Սիլվիո Բեռլուսկոնիին, որը վերջերս սրտի նոպա էր ունեցել, կենթարվի սրտի վիրահատության: Այս մասին, ինչպես տեղեկացնում է BBC-ին, հայտնել է նրա բժիշկը՝ Ալբերտո Զանգրիլոն:

Թուրքիայի նախագահ Ռեջեփ Թայիփ Էրդողանի` ԱՄՆ կատարած այցն ուղեկցվել է սկանդալային միջադեպով, որի կենտրոնում կրկին հայտնվել են Էրդողանի թիկնապահները:

Նշվում է, որ Ալիի հոգեհանգստի արարողության ժամանակ Էրդողանը ցանկացել է քիսուայի (իսլամական ծածկոց) մի մասը դնել դագաղի վրա, սակայն ստացել է «Մենք հետո կդնենք» պատասխանը, ինչը նա դժգոհությամբ է ընդունել: Բացի այդ, մերժվել է «Ղուրան» կարդալու իր և Կրոնական գործերի նախարար Մեհմեթ Գյորմեզի ցանկությունը:

Վիեննայի 2011թ. փաստաթղթի շրջանակներում հունիսի 7-10-ը ՀՀ ՊՆ զորամիավորումներից մեկում գնահատման այց է իրականացրել Էստոնիայի բազմազգ գնահատման խումբը:

Ազգային ժողովի օրակարգում արդեն ընդգրկվել է ՀՀ և ՌԴ միջև հարավային անվտանգության կովկասյան տարածաշրջանում ՀՕՊ միավորված տարածաշրջանային համակարգ ստեղծելու մասին 2015 թ. դեկտեմբերի 23-ի համաձայնագիրը (այսուհետև՝ Համաձայնագիր) վավերացնելու հարցը:

Ամերիկացի լեգենդար բռնցքամարտիկ Մուհամմեդ Ալիի հայրենի Լուիսվիլ քաղաքում (ԱՄՆ Քենտուքի նահանգ) տեղի է ունենում նրա հուղարկավորության երկօրյա արարողությունը, հայտնում է BBC-ն:

ԱՄՆ-ում հաջողությամբ են անցել այն նոր տեխնոլոգիայի փորձարկումները, որը սրտի պատվաստման հերթի կանգնած հիվանդներին թույլ է տալիս առանց այդ կենսականորեն կարեւոր օրգանի դիմանալ երկար ժամանակ:

Մատչելի ուսանողական բնակարանների դեֆիցիտի խնդիրը լուծելու նպատակով Բեռլինում մեկնարկում է միկրոբնակարանների մոդուլային կառուցման ծրագիրը: Global Construction Review-ի հաղորդմամբ՝ կառուցված շենքերը կարող են նաեւ օգտագործվել միգրանտներին տեղավորելու համար:

Զգեստավորված տղամարդու սեւ կոստյումով, սպիտակ վերնաշապիկով եւ կարմիր փողկապով՝ Մերիլ Սթիփը դերասանուհի Քրիստի Բարանսկիի հետ, որը ներկայացրել է Հիլարի Քլինթոնին, կատարել է «Թարմացրու քո Շեքսպիրին» երգը Քոուլ Փորթերի «Համբուրիր ինձ, Քեթ» մյուզիքլից:

Քաղաքականությունը, մեղմ ասած, տարօրինակ երևույթ է: Այդ ոլորտում գերիշխողը միշտ էլ շահն է: Ազգային ու պետական շահը: Բայց չգիտես ինչու, մենք՝ հայերս, շարունակում ենք բարոյական արժեքներ փնտրել այդ ոլորտում: