««Մանչեսթեր Յունայթեդը» կրկին նման է «Մանչեսթեր Յունայթեդին»». Ուեյն Ռունի
«Մանչեսթեր Յունայթեդի» նախկին հարձակվող Ուեյն Ռունին խոսել է թիմի ներկայիս գլխավոր մարզիչ Մայքլ Քերիքի աշխատանքի մասին: Մարզչի ղեկավարությամբ մանկունիանցիները հաղթել են Պրեմիեր լիգայի երեք խաղերից երեքում՝ հաղթելով «Մանչեսթեր Սիթիին» (2:0), «Արսենալին» (3:2) և «Ֆուլհեմին» (3:2):
««Մանչեսթեր Յունայթեդը» կրկին նման է «Մանչեսթեր Յունայթեդին»: Կարծում եմ՝ Մայքլը հիանալի աշխատանք է կատարում, և անկախ նրանից, թե ինչ են ասում մյուսները, եթե նա այսպես շարունակի մինչև մրցաշրջանի ավարտը, ակումբը պետք է նրան մշտական աշխատանք առաջարկի»,- Ռունիի խոսքերն է մեջբերել BBC-ն:
24 խաղից հետո «Մանչեսթեր Յունայթեդը» 41 միավորով չորրորդ տեղում է՝ հետ մնալով առաջատար «Արսենալից» 12 միավորով:
