«Գագիկ Ծառուկյանը պատրա՞ստ է այդ պլատֆորմով համագործակցելու». Մյասնիկ Մալխասյան
«Նախագահն իր ելույթում ասաց՝ ում հետ կարելի է համագործակցել։ Ովքեր այդ պլատֆորմում պատրաստ են համագործակցելու, բոլորի հետ էլ, ասեց, համագործակցելու ենք»,- այսօր ՀԱԿ համագումարի ժամանակ լրագրողների հետ զրույցում ասաց Մյասնիկ Մալխասյանը՝ պատասխանելով 168.am-ի հարցին, թե արդյոք պատկերացնո՞ւմ է համագործակցություն Գագիկ Ծառուկյանի հետ։
Մեր հարցին, թե որքանո՞վ է Գ. Ծառուկյանը վստահելի քաղաքականությունից հեռանալու պարագայում, Մ.Մալխասյանը հարցով պատասխանեց. «Իսկ Ծառուկյանը պատրա՞ստ է այդ պլատֆորմով համագործակցելու»։
Գ. Ծառուկյանի պատրաստ լինելու դեպքում արդյոք ՀԱԿ-ը համաձա՞յն է նորից նույն գետը մտնել։ Մեր այս հարցին ի պատասխան Մ.Մալխասյանը կրկնեց ՀԱԿ համագումարում Լևոն Տեր-Պետրոսյանի խոսքերը, որ ովքեր այդ պլատֆորմում պատրաստ են համագործակցելու, բոլորի հետ էլ կգնան. «Հստակ չի՞ այստեղ ասված»։
