Սիրիայում ռուս գեներալ է զոհվել
Ռուսաստանի պաշտպանության նախարարությունը հայտնել է Սիրիայում ռուս ռազմական խորհրդականների խմբի ավագի՝ գեներալ-լեյտենանտ Վալերի Ասապովի զոհվելու մասին։
Ռազմական գերատեսչության տվյալներով՝ գեներալը զոհվել է «Իսլամական պետություն» ծայրահեղական խմբավորման զինյալների ականակոծման հետեւանքով:
«ԴԱԻՇ-ի զինյալների անակնկալ ականակոծման հետեւանքով գեներալ-լեյտենանտ Վալերի Ասապովը մահացու վերք է ստացել ականի պայթյունից»,- հայտնել է պաշտպանության նախարարությունը:
Ասապովը գտնվում էր սիրիական զորքերի հրամանատարական կետում, որտեղ օգնություն Էր ցուցաբերում Դեյր Զոր քաղաքի ազատագրման գործողությանը: Հաղորդվում է, որ հրամանատարությունը զոհվածին «հետմահու ներկայացրել է պետական բարձր պարգեւի»:
