Աշխարհ

Ես դիմում եմ ձեզ բոլորիդ, Վեհաժողովի ողջ ղեկավարությանը, ինչպես նաև քաղաքական խմբերի նախագահներին ու 47 երկրների ներկայացուցիչներին` խնդրում եմ, ուշադիր կարդացեք ԼՂՀ Ազգային ժողովի հայտարարությունը և կզգաք այդ հանրապետության ժողովրդի ձգտումները:

Այսօր մի քանի ժամ տևած հորդառատ անձրևը ջրով է ծածկել Սոչի քաղաքի մի մասը:

Թուրքիայի քրդերը մեղադրել են Անկարային ԴԱԻՇ ահաբեկչական խմբավորման զինյալներին աջակցելու մեջ: Այս մասին հայտարարել է Թուրքիայի Ժողովուրդների դեմոկրատական կուսակցության ղեկավար Ֆիգեն Յուկսեկդաղը:

Սոչիի իշխանությունները տարհանում են ջրհեղեղից տուժած շրջանների բնակիչներին, կասեցվել է օդանավակայանի ու երկաթուղային կայարանի աշխատանքը, հայտնում է Interfax-ը՝ վկայակոչելով Կրասնոդարի մարզի ադմինիստրացիայի մամլո ծառայությանը:

Հայաստանը զրկվել է ընտրության ազատությունից՝ էներգետիկ առումով լիակատար կախման մեջ գտնվելով Ռուսաստանից, Trend գործակալության հետ զրույցում հայտարարել է ԱՄՆ պետքարտուղարի՝ Հարավային Կովկասի հարցերով նախկին օգնական, Ադրբեջանում ԱՄՆ նախկին դեսպան Մեթյու Բրայզան՝ անդրադառնալով Երևանում էլեկտրաէներգիայի սակագնի բարձրացման դեմ բողոքի ակցիաներին:

Ռուսաստանը բաց երկիր է, որը հանդես է գալիս բոլորի հետ համագործակցելու ու գործընկերային հարաբերություններ հաստատելու օգտին, ով դրան պատրաստ է: Մենք չունենք ու չենք կարող ունենալ ագրեսիվ պլաններ:

Վարչապետ Հովիկ Աբրահամյանն այսօր ընդունել է Հայաստանի Հանրապետությունում Գերմանիայի Դաշնային Հանրապետության արտակարգ և լիազոր դեսպան Ռայներ Մորելին, ով ավարտում է դիվանագիտական առաքելությունը մեր երկրում:

Կապված Ադլերի շրջանում առատ տեղումների հետ`Սոչիում արտակարգ դրություն է հայտարարվել, հայտնում է «Ռոսբալտը»:

«Տեսանյութում լրագրողը, ձեռքին բռնած LifeNews-ի միկրոֆոնը, ուղիղ միացում է վարում Երևանից, որտեղ բնակիչները բողոքում են ընդդեմ էլեկտրաէներգիայի սակագնի բարձրացման»:

ՌԴ ԱԳՆ-ն հանգստացրել է որոշ ռուսական լրատվամիջոցների, որոնք Երևանում բողոքի ակցիաների սկզբից փորձել էին դրանցում տեսնել ինչ-որ քաղաքական բողոք, «մայդան», գրում է REGNUM-ը:

«Հետևում ենք Հայաստանում ստեղծված իրավիճակին, հուսով ենք՝ այդ ամենը դուրս չի գա իրավական դաշտից: Հույսեր ենք կապում առողջ բանականության, հայ ղեկավարության իմաստության հետ: Մեր տվյալով՝ կարելի է հուսալ, որ ցուցարարների արծարծած հարցերի վերաբերյալ փոխզիջումային որոշում կգտնվի»:

Gazeta.ru-ն, վերլուծելով երևանյան վերջին իրադարձությունները, գրում է, որ Հայաստանում բողոքի ցույցերը հենց սկզբից դատապարտված էին Կիևի Մայդանի հետ համեմատության:

ԵԱՀԿ հատուկ մոնիթորինգային առաքելության ղեկավարի տեղակալ Ալեքսանդր Հուգը հայտարարել է, որ առաքելության աշխատակիցները ապրիլի վերջից Ուկրաինայի արևելքում արձանագրում են խաղաղ բնակչության շրջանում զոհերի թվի աճ:

Հեղինակավոր Reuters պարբերականը նշում է, որ արդեն մի քանի օր է, ինչ հարյուրավոր հայեր ցույցերի են դուրս եկել Երևանում՝ իրենց դժգոհությունը հայտնելով էլեկտրաէներգիայի սակագնի բարձրացման դեմ:

Երևանում շարունակվում են բողոքի ակցիաները, որոնք սկսվել են էլեկտրաէներգիայի սակագնի բարձրացման հետևանքով, գրում է «Գրուզիա օնլայնը»:

Ցուցարարները, որոնք երրորդ գիշերը շարունակ բողոքում են էլկտրաէներգիայի սակագնի բարձրացման դեմ, քաղաքային հավաքարարների հետ մաքրել են տարածքն ու լվացել ասֆալտը, գրում է Interfax-ը:

«Պիկետի մասնակիցների տրամադրությունը, ովքեր մնում են Երևանի կենտրոնի Բաղրամյան պողոտայում, բարձր է: Երիտասարդների խումբը պարում էր հայկական պարեր, հավաքվածները ծափահարում էին, ակցիայի մասնակիցներին ջուր էին բաժանում»,-գրում է BBC-ի ռուսական ծառայությունը:

Ուկրաինայում Ռուսաստանի գործողությունները մեզ համար անսպասելի էին. Պենտագոն

Պենտագոնի ղեկավար Էշթոն Քարտերը հայտարարել է, որ Ուկրաինայում Ռուսաստանի գործողությունները իրենց համար անսպասելի են եղել: «Մենք չէինք ցանկանում այդ նոր մարտահրավերները, քանի որ վերջին 15 տարում մենք զբաղված էինք Իրաքով ու Աֆղանստանով, մենք բազմաթիվ գործեր ունեիք աշխարհում: Սակայն հետո անսպասելիորեն նման վարքագիծ եղավ Ռուսաստանի կողմից»,-հայտարարել է գերատեսչության ղեկավարը՝ հանդես գալով ԱՄՆ զինծառայողների առաջ, ովքեր մասնակցում են BALTOPS զորավարժություններին: Այս մասին տեղեկացնում է RIA Novosti-ն:
Հիշեցնենք, որ ՆԱՏՕ-ն BALTOPS զորավարժությունները հակակշիռ է համարում Ուկրաինայում ռուսական ագրեսիային:

«Ցուցարարները պառկում են Երևանի փողոցներին: Հարյուրավոր ցուցարարներ չեն ենթարկվում ոստիկանությանը՝ անտեսելով հեռանալու կոչերն ու սպասելով նոր օրվա՝ այդկերպ ուշադրություն հրավիրելով էլեկտրականության սակագնի բարձրացման ու ոստիկանական բռնության նկատմաբմ»,-գրում է The Guardian-ը

Բացարձակապես պարտադիր չէ, որ Էլեկտրամայդանն ավարտվի իշխանափոխությամբ, թեև որևէ մեկը դա չի կարող բացառել, ոչ մեկը չգիտի` ինչով այս ամենը կավարտվի: Կարևոր է այլ բան, կարևոր է երիտասարդության էներգետիկան ակտիվացնելը, քանի որ այդ երիտասարդությունն այսօր պայքարում է իր ապագայի համար: Իսկ դա նշանակում է, որ իր ապագան նա այլևս ոչ մեկին չի նվիրի:

Փարիզում ԱՄՆ դեսպան Ջեյն Հարթլեյին կանչել են Ֆրանսիայի ԱԳՆ՝ քննարկելու ամերիկյան հատուկ ծառայությունների կողմից ֆրանսիացի ղեկավարների խոսակցությունները գաղտնալսելու հարցը:

ԴԱԻՇ ահաբեկչական խմբավորումը սկսել է թողարկել սեփական դրամներ՝ դինարներ, հայտնում է The Telegraph-ը: Ընդ որում՝ 1 ոսկե դինարը հավասար է 139 դոլարի:

Եվրոպայի խորհրդի խորհրդարանական վեհաժողովը (ԵԽԽՎ) հանդես է եկել ռուսական պատվիրակության նկատմամբ պատժամիջոցների պահպանման օգտին, սակայն առաջարկում է հաստատել նրա լիազորությունները, հայտնում է BBC-ի ռուսական ծառայությունը:

Ռուսաստանը 1 տարով երկարաձգում է ԵՄ-ի երկրների դեմ պատասխան պատժամիջոցները՝ ի պատասխան Եվրամիության գործողությունների, հայտարարել է ՌԴ նախագահ Վլադիմիր Պուտինը ՌԴ կառավարության նիստում: Այս մասին հայտնում է «Ռոսբալտը»:

ՌԴ նախագահ Վլադիմիր Պուտինը հայտարարել է, որ նավթի ցածր գների պատճառով Ռուսաստանը չի կարող այլևս զեղչել Ուկրաինային մատակարարվող գազի սակագինը, հայտնում է RIA Novosti-ն:

«Մենք ուշադիր հետևում ենք իրադարձություններին ու հուսով ենք՝ այդ հարցը կլուծվի խաղաղ ճանապարհով՝ իշխանությունների ու ցուցարարների միջև բանակցությունների միջոցով»:

Հունաստանի վարչապետ Ալեքսիս Ցիպրասը հայտնել է, որ միջազգային վարկատուները չեն ցանկանում ընդունել երկրի կառավարության առաջարկությունը բարեփոխումների հարցով, որոնք անհրաժեշտ են Աթենքին ֆինանսական օգնության տրամադրման համար, հայտնում է RT-ն:

«Ներկայիս իրադարձությունները, ինչպես ես եմ կարծում, ուժեղ խթան կհանդիսանան Հայաստանում քաղաքացիական հասարակության ձևավորման համար: Բողոքի ակցիաների հաջողության դեպքում հասարակությունը կհամոզվի իր ներուժի և երկրում կարևոր որոշումների վրա ազդելու իր հնարավորությունների մեջ»:

Ռուսաստանցի քաղաքագետ Սերգեյ Մարկովը, Facebook-ի իր էջում անդրադառնալով երևանյան վերջին իրադարձություններին, գրում է, թե Հայաստանում անհանգստությունների պատճառն էլեկտրականության սակագների բարձրացումն է, սակայն դա ընդամենը առիթ է:

Հեղինակավոր The New York Times ամսագրի Lens ֆոտոբլոգում ամեն օր ընտրում են օրվա լուսանկար՝ հաշվի առնելով լուսանկարի հետաքրքրությունը, բացառիկությունը և արդիականությունը: Այս անգամ բլոգերները, որպես օրվա լուսանկար՝ ընտրել էին նկար Բաղրամյան 26-ում տեղի ունեցող իրադարձություններից: