Շվեյցարիայի դաշնային խորհրդի 33 պատգամավորներ նամակ են հղել՝ հորդորելով երկրի կառավարությանը ճնշում գործադրել Թուրքիայի վրա իր տարածքում, ինչպես նաև Հայաստանում, Սիրիայում, Լիբիայում և Իրաքում մարդու իրավունքների կոպիտ ոտնահարումների փաստերի առնչությամբ: Պատգամավորները կոչ են արել կառավարությանը հետաձգել Թուրքիայի հետ ազատ առևտրի մասին նոր համաձայնագիրը, քանի դեռ այդ երկիրը չի կատարել Մարդու իրավունքների եվրոպական դատարանի որոշումները:
ւմ հայտնաբերված հրթիռների բեկորները ինչ տեսակի «Իսկանդեր» համազարկային կրակի ռեակտիվ համակարգերից են արձակվել: Այս մասին հայտարարել է Ադրբեջանի ականազերծման գործակալության օպերատիվ շտաբի պետ Իդրիս Իսմայիլովը, գրում է minval.az կայքը:
Մարտի 30-ին Իսրայելն իր քաղաքացիներին նախազգուշացրել է չմեկնել Թուրքիա, Բահրեյն և Արաբական Միացյալ Էմիրություններ: Այս մասին հաղորդագրություն է տարածել Իսրայելի ազգային անվտանգության խորհուրդը: Այս մասին տեղեկացնում է ermenihaber.am-ը։
«Ալիևը հայերի հետ հարաբերությունները կարգավորելու միայն մեկ ճանապարհ է տեսնում՝ Հայաստանը գրավել, ոչնչացնել հայերին կամ հեռացնել այստեղից: Հետևաբար, այսօր խոսել խաղաղությունից, նշանակում է՝ չունենալ պատկերացում անձնական անվտանգության մասին, երկրորդ՝ չունենալ առհասարակ պատկերացում, թե հայ ժողովուրդն ինչպես պետք է ապրի իր սեփական արարած հողի վրա, և ապագա չկառուցել այս երկրի վրա»:
Ռուս քաղաքական վերլուծաբան Ֆյոդոր Լուկիանովը մեզ հետ զրույցում, անդրադառնալով զուգահեռաբար տեղի ունեցող իրադարձություններին, ասաց, որ Ռուսաստանը պարզապես շարունակում է համակարգել եռակողմ աշխատանքները, որոնք ուղղված են տարածաշրջանում ապաշրջափակման գործընթացներին:
«Անկասկած, կա միտում։ Սյունիքն այսպիսի իշխանությունների պարագայում վտանգված է, որովհետև ծայրամասային է, փոքր բնակչությամբ, իսկ սահմաններ կան, որ գտնվում են Նախիջևանից և Լաչինից 25 կմ հեռավորության վրա, իսկ այդ տարածությունը կտրելն այսօրվա ռազմական տեխնիկայի դեպքում ընդհանրապես խնդիր չէ, ուստի պետք է հասկանալ՝ Սյունիքի ճակատագիրը որոշվում է ոչ այնքան Սյունիքում, որքան Երևանում։
Արցախյան երկրորդ մեծ պատերազմի ընթացքում ռուսական «Իսկանդեր-Է» օպերատիվ մարտավարական հրթիռային համակարգերի կիրառման հարցը դարձավ այս պատերազմի ամենամութ, սակայն անկյունաքարային և վճռորոշ հանգրվաններից մեկը: Եվ դա պատահական չէ, քանի որ «Իսկանդեր» համակարգերը ՌԴ ուժային և միջուկային իմիջի ամենաառանցքային հենասյուներն են և ՀՀ զինանոցի ամենահզոր զենքը:
Ադրբեջանի նախագահ Իլհամ Ալիևը «Ղարաբաղյան նշան» մեդալով է պարգևատրել «Բայրաքթար» հարվածային ԱԹՍ-ներն արտադրող թուրքական «Baykar Savunma» ընկերության տեխնիկական տնօրեն, էրդողանի փեսա Սելչուք Բայրաքթարին:
Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը հեռախոսազրույցի ընթացքում նշել են, որ Լեռնային Ղարաբաղում իրավիճակը հիմնականում կայուն է, հրադադարի ռեժիմը խստորեն պահպանվում է, հաղորդում է «ՌԻԱ Նովոստի»-ն`Կրեմլի մամուլի ծառայությանը հղումով:
Հայաստանում տարբեր պաշտոնատար անձանց շուրթերով Թուրքիայի ու Ադրբեջանի հետ հարաբերությունները կարգավորելու ու «մոտեցումները շտկելու» վերաբերյալ հայտարարությունների ֆոնին Թուրքիան ցավակցական ուղերձ է հղել Ադրբեջանին «1918 թ.-ին հայերի կողմից ցեղասպանության ենթարկվելու» կապակցությամբ:
Ադրբեջանի նախագահ Իլհամ Ալիեւը հայտարարել է, որ Լեռնային Ղարաբաղում իրավիճակի սրման ռիսկերը նվազագույն են:
ՌԴ-ն ինտենսիվ աշխատանքների միջոցով ավարտին է հասցնում Արցախում տեղակայված խաղաղապահ զորախմբի համար նախատեսված զինվորական ավանների հավաքման-կառուցման միջոցառումները։ Այսպես ասած, ամուր տեղավորվում է։
Ադրբեջանի նախագահ Իլհամ Ալիևը «զրոյական» է անվանել ԵԱՀԿ Մինսկի խմբի աշխատանքը: Այս մասին տեղեկանում ենք minval.az կայքից:
Վրաստանում կորոնավիրուսով վարակման հայտնաբերված դեպքերի թիվը վերջին օրն ավելացել է 616-ով: Մահացել է հինգ մարդ:
Իլհամ Ալիևը Զանգեզուրը համարել է ադրբեջանական հնագույն հող ու հայտարարել, որ Զանգեզուրը անկյունքարային դեր կխաղա թուրքական աշխարհի միավորման գործում:
Ապրիլյան պատերազմի ավարտից հետո մենք ևս մեկ պատերազմական գործողության մեջ ենք, և այդ պատերազմի կիզակետում դրված է Հայաստանի պետականության լինելիության հարցը, իսկ այն, ինչ տեղի է ունենում վերջին շրջանում, մասնավորապես, Թուրքիայի հետ մոտեցումներ շտկելու վերաբերյալ, ապա դա ինձ մոտ առաջացնում է բազմաթիվ հարցեր։ 168 TV-ի «Ռեվյու» հաղորդաշարի եթերում, խոսելով հայաստանյան ներքաղաքական զարգացումների, ինչպես նաև Թուրքիայի հետ հարաբերություններ հաստատելու պատրաստակամության մասին, ասաց Հայաստանի Ամերիկյան համալսարանի քաղաքագիտության և միջազգային հարաբերությունների ամբիոնի վարիչ, թուրքագետ Վահրամ Տեր-Մաթևոսյանը։
Վրաստանի Հիվանդությունների վերահսկման ազգային կենտրոնի ղեկավար Ամիրան Գամկրելիձեն հայտարարել է երկրում համաճարակաբանական իրավիճակի վատթարացման մասին:
Վրաստանի փոխվարչապետ, ֆինանսների նախարար Իվանե Մաչավարիանին հրաժարական է տվել:
«Իսկանդերի» հրթիռների բեկորներ, ըստ ադրբեջանական Ականազերծման գործողությունների գործակալության (ANAMA), հայտնաբերվել է մարտի 15-ին։ Այսինքն 15 օրվա փորձաքննությունը ոչինչ չի ասել, բացի նույնականացման համարից, որը բաց ինտերնետային հասանելիության համար է։ Նախ 15 օրում չեն կարող փորձագիտական աշխատանք կատարել և նույնականացնել հրթիռի բեկորները։ Դրանք դեռևս չունեն միջազգային նմանատիպ գործակալությունների վերստուգիչ եզրակացություն, որը սովորաբար կատարվում է։
Թուրքիայի նախագահ Ռեջեփ Թայիփ Էրդողանի խոսափող համարվող թուրքական «Sabah» թերթի կայքի տեղեկացմամբ՝ Անկարան ապրիլի 24-ին ընդառաջ գաղտնի դիվանագիտություն է վարում ԱՄՆ-ի հետ, քանի որ անհանգստացած է Վաշինգտոնից ստացված ազդակներից:
ՄԻՊ Արման Թաթոյանի խոսքով՝ Ադրբեջանում գտնվող գերիների (ՄԻՊ կանխավարկածով՝ գերիների թվում կարող են լինել զինվորականներ, քաղաքացիական անձինք, կանայք) չվերադարձնելու հարցը, անհայտ կորածների, այդ թվում՝ մարմինների որոնման հարցերում Ադրբեջանի դրսևորած քաղաքականությունն ամբողջությամբ տեղավորվում են այդ երկրից Հայաստանի ու հայերի նկատմամբ եկող ատելության ու թշնամանքի քաղաքականության կոնտեքստում:
2020թ․ նոյեմբերի 9-ի և 2021թ․ հունվարի 11-ի հայտարարություններից հետո պարբերաբար խոսվում է տարածաշրջանի ապաշրջափակման մասին: ՄԻՊ Արման Թաթոյանի խոսքով՝ տարածաշրջանի ապաշրջափակման հարցերը քննարկելիս մենք պետք է նկատի ունենանք այն հանգամանքը, որ գործ ունենք մի պետության հետ, ով Հայաստանի և հայ ժողովրդի նկատմամբ տրամադրված է խորքային ատելությամբ և մեզ համարում է իրենց գլխավոր թշնամին: Խոսքն Ադրբեջանի վարած ատելության ու թշնամանքի քաղաքականության մասին է, որին նպաստում է նաև Թուրքիան:
Մարդու իրավունքների պաշտպան Արման Թաթոյանի խոսքով՝ ինչ էլ լինի՝ որևէ հարց չի կարող հանգեցնել մարդու իրավունքների խախտումների: Մինչդեռ, ՄԻՊ-ի խոսքով, այսօր մենք ունենք մեր սահմանային բնակչության համար բնականոն կյանքի խաթարման խնդիր, իրավունքների կոպիտ խախտում և վտանգված լինելու խնդիր: Թաթոյանի խոսքով՝ կոպտորեն խախտվել են սեփականության իրավունքը, ձեռնարկատիրական գործունեություն իրականացնելու իրավունքը, ու վտանգված են միջազգայնորեն ճանաչված այնպիսի իրավունքներ, ինչպիսիք են կյանքի իրավունքը, առողջության իրավունքը, հոգեկան և ֆիզիկական անձեռնմխելիության իրավունքը:
Լեռնային Ղարաբաղում 44-օրյա պատերազմի ընթացքում Հայաստանն Ադրբեջանի դեմ կիրառել է «Իսկանդեր» հրթիռային համակարգեր, ադրբեջանական Ականազերծման գործողությունների գործակալությանը (ANAMA) հղումով գրում է Minval-ը։
Ամերիկյան «Goldman Sachs» ներդրումային բանկի տնտեսագետները մարտի 30-ի հրապարակված զեկույցում Թուրքիայի վերաբերյալ ոչ բարենպաստ կանխատեսումներ են արել: Այս մասին տեղեկացնում է ermenihaber.am-ը։
Թուրք դերասանուհի Նիլյուֆեր Այդանը (Այդան Ջանբուլա) 11 ամիս 20 օրվա ազատազրկման է դատապարտել Թուրքիայի նախագահ Ռեջեփ Թայիփ Էրդողանին վիրավորելու համար:
«Գուցե թուրանական ծրագրերը չիրագործվեն այնպես, ինչպես ներկայումս կարող ենք կանխատեսել, այդ թվում՝ թուրանական բանակը, բայց դրանց ուրվագծման ընթացքում բազմաթիվ զարգացումներ են տեղի ունենում՝ ի վնաս անվտանգության»,- այս մասին մեզ հետ զրույցում ասաց ռուս արևելագետ Վիկտոր Նադեին-Ռաևսկին՝ անդրադառնալով ՀՀ իշխանությունների և որոշ շրջանակների պնդումներին, թե պետք է շտկել մոտեցումները Թուրքիայի հետ հարաբերությունների հարցում և սկսել երկխոսել:
Թուրքիայի նախագահ Ռեջեփ Թայիփ Էրդողանի հասցեին քննադատական հայտարարություններով հայտնի ամերիկաբնակ թուրք բասկետբոլիստ Էնես Քանթերը նորից հայտնվել է թուրքական մամուլի ուշադրության կենտրոնում։ Այս մասին տեղեկացնում է ermenihaber.am-ը։
Արաբագետ Արմեն Պետրոսյանի խոսքով՝ Հունաստանի, Ֆրանսիայի, Սաուդիան Արաբիայի, Արաբական Միացյալ Էմիրությունների, Եգիպտոսի, Բահրեյնի և Կիպրոսի միջև համատեղ դաշինքի և այդ դաշինքում ներառված երկրների հետ առանձին հարաբերությունների համատեքստում վերջին շրջանում Հայաստանի կողմից նկատվում է ջանքերի, նախաձեռնողականության ակտիվացում։
Իրանի իշխանություններն ուրանի հարստացման 20 տոկոս մակարդակի իջեցման չեն գնա, մինչեւ ԱՄՆ-ը չվերացնի Թեհրանի նկատմամբ պատժամիջոցները: Մարտի 30-ին այդ մասին հաղորդել է Press TV հեռուստաալիքը՝ վկայակոչելով իրանցի՝ անունը չհայտնած բարձարստիճան պաշտոնյայի։
