G7 գագաթնաժողովում չեն քննարկվի ԵՄ ներքին հարցերը
Եվրախորհրդի նախագահ Անտոնիու Կոշտան հայտարարել է, որ Ֆրանսիայում կայանալիք G7 գագաթնաժողովում չեն քննարկվի Եվրամիության ներքին հարցերը։
«Մենք չենք քննարկի Եվրամիության ներքին հարցերը G7-ի շրջանակներում», -ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին Անտոնիու Կոշտան ասել է՝ պատասխանելով լրագրողի այն հարցին, թե արդյոք գագաթնաժողովում կբարձրացվի Կիևի ԵՄ-ին մասնակի անդամակցության հարցը։
Նա նշել է, որ ԵՄ ընդլայնման հարցը կքննարկվի համայնքի առաջիկա գագաթնաժողովում, սակայն, Ուկրաինայից բացի, ԵՄ օրակարգում է նաև Բալկանյան երկրների և Մոլդովայի հնարավոր անդամակցությունը։
