Դեռևս 8 ամիս առաջ «Լուսավոր Հայաստան» խմբակցության նախկին պատգամավոր Մանե Թանդիլյանը հայտարարեց, որ տևական ժամանակ ունեցած առողջական խնդիրները անհամատեղելի են իր քաղաքական գործունեության հետ, և ստիպված է վայր դնել պատգամավորական մանդատը։
168.am-ի տեղեկություններով՝ Արդարադատության նախարարը ՀՀ Վերաքննիչ քրեական դատարանի Ալեքսանդր Ազարյանի նկատմամբ կարգապահական վարույթ հարուցելու խնդրով դիմել է Բարձրագույն դատական խորհրդին:
Ի դեպ, 168.am-ի՝ իրավապահ համակարգում գտնվող աղբյուրների հավաստի տեղեկություններով՝ երեկ Ռուբեն Վարդազարյանը շուրջ 6 ժամ առերես հարցաքննվել է իր մասով ցուցմունք տված Ազգային անվտանգության ծառայության տնօրենի նորանշանակ տեղակալ, նախկին դատավոր Անդրանիկ Սիմոնյանի հետ: Մեզ հետ զրույցում Ռուբեն Վարդազարյանը չմեկնաբանեց մեր տեղեկությունը՝ հորդորելով սպասել մամլո ասուլիսին: Այն չմեկնաբանեցին նաև Հատուկ քննչական ծառայությունից:
Նիկոլ Փաշինյանն անընդհատ խոսում է հարևանների նկատմամբ թշնամական վերաբերմունքի փոփոխության, խաղաղության մասին։ Առաջին հայացքից անմեղ ու անվտանգ այս հայտարարությունների տակ թաքնված են այլ նպատակներ, որոնք բացահայտվում են իշխանության զանազան խոսնակների ու Նիկոլ Փաշինյանի այլ հայտարարությունների արդյունքում։
«Ինչպես Բորիս Ավագյանը նշեց, ինչպե՞ս կարելի է Հայաստանի դաշնակցի պետական այրերին արժանացնել այն վերաբերմունքին, որին արժանացնում են պաշտոնյաները, քանի որ մեր անվտանգությունը նրանք են ապահովում։ Ավագյանի բոլոր խոսքերի հետ համաձայն եմ, որովհետև տեսանք, թե օրեր առաջ ինչպես իշխանությունները գերեվարվածների ու անհատ կորած զինվորների ծնողներին ուղղորդեցին Պաշտպանության նախարարություն։ Իրենք բանակը տարան պարտության, իսկ հիմա փորձում են պարզապես ոչնչացնել այն։ Եթե համազգեստ կրողը կամք է ունեցել և արտահայտել է իր կամքը, որը ճիշտ է, ուրեմն՝ այդ մարդն իրենց պետք չէ։ Իրենց պետք են խամաճիկներ, որոնք կկատարեն իրենց հրամանները»,- եզրափակեց Մետաքսե Հակոբյանը։
«Ռոբերտը զանգում է իր մամային, ասում է՝ մամ, մուռը հանել եմ, թուրք եմ խփել։ Դա էլ է հպարտություն, ու մենք հպարտանում ենք այդ երեխեքով, մենակ Ռոբերտով ու Արտյոմով չէ, մենք հպարտանում ենք մեր հայ ազգի բոլոր զինվորներով, բոլոր-բոլորի անմեղ թափած արյուններով, որ այսօր մտածում ես՝ ո՞վ է պատասխան տալու, ո՞ր մի ղեկավարությունը, ես անհատական անուններ չեմ ուզում տամ, բոլորս էլ լավ հասկանում ենք՝ սրա մեղավորներն ովքեր են, Աստված իրենց տույժը կտա, որ այս երեխեքը դարձան զոհեր»։
«Փաշինյանը մի քանի պարզունակ թեզեր է աշխատեցնում՝ նախկիններ և ներկաներ սխեման է գործում հիմա դարձյալ, և չկա որևէ անդրադարձ այն խնդրին, թե մեր տարածաշրջանում ի՞նչ է կատարվում ու ի՞նչ է մեզ սպասվում այդ կատարվողից։ Այս մասով բացարձակ խոսակցություն չի տարվում, փոխարենը՝ պարզունակ խոսակցություններն են, որով նա փորձում է քաղաքականություն կառուցել։ Այդ պարզունակ խոսակցություններին հիմա նաև ավելացել է շանտաժը՝ ուղղված Ռուսաստանին»,- ասաց Ստեփան Դանիելյանը՝ հիշեցնելով Վայոց ձորի մարզում Փաշինյանի այն հայտարարությունը, թե եթե հանկարծ Հայաստանի դեմ պատերազմ սկսվի, դա կնշանակի՝ պատերազմ Ռուսաստանի դեմ։
«Զարմացած եմ՝ Գլխավոր շտաբում նստածները Նիկոլին չե՞ն բացատրում, որ չի կարելի նման բան անել, փաստացի պարզվում է, որ մենք Հայաստանում զինվորական էլ չունենք։ Ինչպե՞ս կարելի է, ԳՇ-ն Նիկոլին չհուշի, որ՝ այ տղա, քո արածով հայ ազգին ու բանակին տանում ես կործանման, սա այն նույն պատմությունն էր, որ բանակին ելակով էին պահում։ Երեք տարի շարունակ ես Նիկոլին անվանել ու անվանում եմ «ցռան Վերգո», բայց ափսոսում եմ, որ միայն անուն եմ տվել ու այլ քայլի չեմ գնացել ու այսօր զգում եմ դրա հետևանքները»,- ընդգծեց նա։
«Հայկական բանակ այլևս չկա և չպետք է լինի։ Մենք երբեք թույլ չենք տա, որպեսզի մեզ համար սպառնալիք ստեղծվի, կամ ազատագրված տարածքներ վերադարձող մեր քաղաքացիների համար վտանգներ ի հայտ գան»,- ընթացիկ տարվա փետրվարին հայտարարել էր Ալիևը: Մինչդեռ կանոնավոր բանակի լինելիությանն ու Ռուսաստանի աջակցությամբ հայկական բանակի արդիականացմանը դեմ Ալիևը նույն ժամանակահատվածում հայտարարել էր՝ Ադրբեջանում փորձելու են ստեղծել թուրքական բանակի փոքր մոդել, ավելին, արդեն իսկ գործուն քայլեր են անում:
168․am-ի հետ զրույցում գերմանացի միջազգայնագետ Սյուզան Ստյուարտն ասաց, որ Վիկտորիա Նուլանդը Պետքարտուղարությունում առանցքային ֆիգուր է, ում դիրքորոշումները որոշիչ են՝ հաշվի առնելով նրա անցած ճանապարհը թե՛ Հարավային Կովկասի երկրների հետ ամերիկյան քաղաքականությունն ուրվագծելու, թե՛ Արևելյան գործընկերության երկրների հետ աշխատելու ընթացքում։
«Մեզ հայտնի դարձավ, որ նա կոտրել է կապարակնիքը, դուռը բացելու համար կանչել է ընթերականերին, հայտարարել, թե «ինձ չի հետաքրքրում, դուռը բացեք ոնց ուզում եք» և մեխանիկական ուժ կիրառելով՝ բացել է տվել դուռը»,- գրել է կայքը:
«Եթե խոսքը Մեղրիի միջանցքի ապաբլոկավորման մասին է, ապա դա ընդամենն Ադրբեջանը Թուրքիային կապող միջանցք է հանդիսանալու, որտեղ Հայաստանն ընդհանրապես որևէ տնտեսական օգուտ չի կարող ունենալ»:
«Անպայման պետք է: Գլուխը պատին է տալիս Ադրբեջանի նախագահը, որ ասում է՝ պետք է չօգնեն: Երկրի իրավիճակից ելնելով՝ կարծում եմ, որ ծառայությունը 5 տարին մեկ 3 ամսով դարձնելը միգուցե խարխլի կանոնավոր բանակի հիմքերը: Մեղրիով միջանցք երբեք չեն տա, ես ինքս մեղրեցի եմ, մեղրեցիք չեն տա, 100 % չի լինելու»,- ասաց մի տղամարդ:
168.am-ի հետ զրույցում ԱԺ պատգամավոր Վարդան Աթաբեկյանն անդրադառնալով այս խնդրին, ասաց. «Չեմ կարծում, որ Բորիս Ավագյանին պաշտոնից ազատած լինեին, բայց նա գար ԱԺ, ու իրենք հրամանով նրա պաշտոնից ազատելը չհրապարակեին։ Թող բարի լինեն իրենց ասած խոսքերի տակ հիմնավորումը դնեն, թե երբ են ազատել աշխատանքից»։
Արցախի Հանրապետության արտակարգ իրավիճակների պետական ծառայության փոխտնօրեն, Արցախի նախագահի հատուկ ներկայացուցիչ, գնդապետ Բորիս Ավագյանն այսօր խորհրդարանում լրագրողների հետ զրույցում անդրադարձավ ինչպես հասարակության, այնպես էլ պաշտոնյաների այն տեսակետին, թե հայ գերիների հարցի պատասխանատուն նաև Ռուսաստանն է և անձամբ ՌԴ նախագահը։
Փրկչի փնտրտուքը սոսկ վտանգավոր չէ, այն կործանարար է: Բանն այն է, որ առաջին հերթին, փրկիչը պետք է սիրված և հարգված լինի բացառապես բոլորի կողմից: Երկրորդ, նա պարզապես պարտավոր է դառնալ հայկական իրականության Հերակլեսը, որը մաքրում է նիկոլյան ախոռները: Երրորդ, իր վրա վերցնելով այդ բեռը` նա պետք է միանգամից դրական արդյունքներ ցույց տա: Չորրորդ, պետք է պատրաստ լինի նրան, որ միակ բանը, որ կստանա իր աշխատանքի համար, կլինի հայկական մշտական մուննաթը:
«Այն մարդիկ, որոնք իրենց բոլոր ջանքերը գործադրում են նրա համար, որ օգնեն մեզ՝ որպես մեր դաշնակից, ստանում են նման վերաբերմունք, և որևէ մեկը իշխող կուսակցությունից չհայտարարեց, որ այդ ամենն առնվազն անթույլատրելի է։ Պետք է դադարեցվի այն պրակտիկան, ըստ որի՝ ՀՀ պետական այրերի կողմից սոցիալական ցանցերում քննարկումներ են ծավալվում, որովհետև դա ստեղծում է մեծ խնդիրներ գրեթե բոլոր հարցերում»,- հավելեց նա։
Մարդու իրավունքների պաշտպան Արման Թաթոյանի խոսքով՝ Արցախյան պատերազմից հետո Սյունիքում ադրբեջանական զինված ուժերի կամ սահմանապահ զորքերի ներկայացուցիչների հայտնվելու պատճառով, խախտվել են ՀՀ սահմանային բնակիչների իրավունքները, սեփականության, ձեռնարկատիրության և այլ իրավունքներ։
Հարևաններին ընտրելու հնարավորություն տրված չէ։ Հայերն այստեղ ապրում են դարերով և պետք է շարունակեն ապրել և արարել։ Դրա համար անհրաժեշտ է խաղաղություն և համագործակցություն։ Դրա համար հարկավոր է հասկանալ, որ խաղաղությունն ու համագործակցությունը՝ կառուցված ազգային առաջնորդների վախի զգացողության, ցանկացած գնով իրենց իշխանությունը պահելու և սեփական ժողովրդի զգացմունքները մանիպուլացնելու նրանց ձգտման վրա, մեր տարածաշրջանում միշտ ընկալվելու է որպես թուլություն, հարկադրանք և, ի վերջո, նվաստացում: Ընդ որում, այդպիսի բացասական ընկալումն ինքնաբերաբար տարածվելու է ամբողջ ժողովրդի վրա։
Ապրիլի 1-ին կայացած կառավարության նիստը բացելուց հետո Նիկոլ Փաշինյանը շտապեց հայտարարել, որ տնտեսական բնույթի կարևոր լուրեր ունի հայտնելու։ Վարչապետի ասած կարևոր լուրերից մեկը վերաբերում էր բյուջեի առաջին եռամսյակի հարկային եկամուտների կատարողականին։
Նիկոլ Փաշինյանի վարչապետության 3 տարիները ցույց տվեցին, որ հասարակությունը կրկին խաբվեց իր ընտրության մեջ։ Նա այն մարդը չէր, ով կարող էր հավակնել երկրի վարչապետի պաշտոնին, առավել ևս՝ լուծել այն լրջագույն խնդիրները, որոնք կանգնած էին պետության ու հասարակության առջև։
Միքայել Մինասյանը բաց նամակով դիմել է Ամենայն Հայոց Կաթողիկոսին։
Արդեն հրապարակվել են 2020թ․ հիմնական տնտեսական հաշվետվությունները: Հետևաբար՝ արդեն կարելի է տեսնել, թե նոր իշխանությունները՝ իրենց անփորձությամբ, ու անողոք համավարակն ինչ հետք են թողել տնտեսության վրա:
Օրերս Վիճակագրական կոմիտեն հրապարակեց աշխատաշուկայի վերաբերյալ հերթական տվյալները։ Առաջին աչք ծակող նորությունն այն էր, որ չնայած տնտեսության վիճակի վատացմանը՝ գործազուրկների թիվը մեր երկրում կտրուկ պակասել է։ Այն էլ՝ ղարաբաղյան պատերազմի ժամանակ և պատերազմից հետո։
«Տեսեք, ասում ենք՝ մեր ժառանգությունն ադրբեջանցիները վերագրում են աղվաններին, ուդիներին, այնտեղ ապրած քրիստոնյաներին և այլն: Իսկ մեր կողմից ոչ մի պատասխան չկա: Մեզ պետք չէ իրենց ուղղակի պատասխանել, մեզ պետք է հետևողական, լուրջ աշխատանք տանել մասնագիտական ոլորտներում: Աշխարհում գոյություն ունեն բազմաթիվ հայագիտական կենտրոններ, հայագետներ, որոնք կարող էին լծվել այդ գործին, եթե մենք ունենայինք ինքնուրույն գործող կառույցը:
19-րդ դարավերջին և 20-րդ դարասկզբին թուրքերը հայկական տարբեր քաղաքներում, գյուղերում և բնակավայրերում իրականացրեցին կոտորածներ։ 1915 թվականի ցեղասպանությունից առաջ և հետո թուրքերը վայրագություններ ու կոտորածներ էին իրականացնում առանձին քաղաքներում և բնակավայրերում։ Շուշիի, Նախիջևանի կոտորածները դրա վառ ապացույցն են։ Հայերի նկատմամբ թուրքական արյունալի քաղաքականությունից չկարողացավ վրիպել նաև Վան քաղաքը։ 1896 թվականի հունիսին սկսվեց քաղաքի հայ բնակչության կոտորածը։
Մեր ընտրությունը մեծ չէ՝ կամ ընտրում ենք պարտության սիմվոլին, կամ՝ վերելքի հնարավորությունը։ Ի դեպ, նման ընտրության համար քվեարկությունն ամենևին պարտադիր չէ։
Հայաստանում ապրիլի 18-ի դրությամբ հաստատվել է կորոնավիրուսով վարակման 547 նոր դեպք, վարակվածների ընդհանուր թիվը հասել է 208 520-ի:
Կառավարության անգործության հետևանքով՝ Կենտրոնական բանկը դժվարին կացության մեջ է. ոչ այն է՝ գնաճը ճնշի, ոչ այն է՝ մտածի տնտեսությունը խթանելու մասին։ Վերաֆինանսավորման տոկոսադրույքը բարձրացնում է՝ տնտեսությունն է տուժում, չի բարձրացնում՝ գներն են թռնում։
Կառավարությունն անցած տարվա դեկտեմբերի վերջին փոխել է խոշոր հարկատուների դասակարգումը։ Ըստ այդմ՝ խոշորների ցանկում որոշել են ներառել նաև պետական կառավարման մարմիններին։ Ստացվել է այնպես, որ խոշոր հարկատու են դարձել նախարարություններն ու գերատեսչությունները՝ ի դեմս իրենց աշխատակազմերի։ Անգամ Ազգային ժողովն ու կառավարությունն են ընդգրկվել խոշոր հարկատուների ցանկում։
