Մոսկվայի տեսլականը համընկնում է Սերբիայի նախագահի կարծիքի հետ. Եվրոպայում նկատվում են ուժեղ ռազմшմետ տրամադրություններ. Պեսկով
«Մոսկվայի տեսլականը համընկնում է Սերբիայի նախագահ Վուչիչի կարծիքի հետ. եվրոպական երկրներում իսկապես նկատվում են ուժեղ ռազմամետ տրամադրություններ», – հայտարարել է ՌԴ նախագահի խոսնակ Դմիտրի Պեսկովը։
Ռուսաստանի նախագահի մամուլի քարտուղարը նշել է մի շարք երկրներում ռազմական բյուջեների ավելացումը։ Սակայն, նրա կարծիքով, այս մոտեցումն ավելի մեծ վնաս կհասցնի ԵՄ-ին։
«Դա հանգեցնում է տնտեսական գերծանրաբեռնվածության և միջնաժամկետ հեռանկարում ավելի ծանր հետևանքներ կունենա», – վստահեցրել է Պեսկովը։
Պեսկովն ընդգծել է, որ Մոսկվան միշտ հասկանում էր, որ նման վտանգ գոյություն ունի, ուստի՝ նախապես ձեռնարկվել են բոլոր միջոցները իր շահերն ու անվտանգությունն ապահովելու համար։
