Մշակույթ

«Ֆրունզի՛կ, երբեմն այնտեղից հետևի՛ր մեզ, մենք քեզ հիշում ու սիրում ենք»․ Հայ թատրոնի եւ կինոյի ականավոր դերասան Մհեր Մկրտչյանի գործընկերուհին` «Ունայնություն ունայնությանց» (Суета сует) ֆիլմի ռեժիսոր, ՌԴ ժողովրդական արտիստ Ալլա Սուրիկովան, այսպես է սկսել իր վիդեոուղերձը` շնորհավորելով Մհեր Մկրտչյանի 90-ամյակը։

Մեծանուն ճարտարապետ Ալեքսանդր Թամանյանի թոռը՝ Գագիկ Թամանյանը, ամեն օր քնում ու արթնանում է այն հույսով, որ, ի վերջո, կզանգահարեն ու կասեն՝ Ալեքսանդր Թամանյանի թանգարան-ինստիտուտը վերաբացվելու է։

Գիտնական և գրող Ռուբեն Վարդանյանի «Selfнекролог или Реквием по Несбывшемуся» («Ինքնամահախոսական կամ Ռեքվիեմ չիրականացվածի մասին») գիրքը դրվել է ընթերցողի սեղանին։

Վանաձորի Հովհ. Աբելյանի անվան պետական դրամատիկական թատրոնը հուլիսի 4-ին առցանց կցուցադրի Ալ. Շիրվանզադեի «Չար ոգի» ներկայացումը:

Մեծ Բրիտանիայի Հերթֆորդշիր նահանգի Սուրբ Ալբանի տաճարում՝ խորանի վրա, տեղադրվել է սևամորթ Հիսուս Քրիստոսի նկարը: Նկարը Լեոնարդո դա Վինչիի «Վերջին ընթրիք» որմնանկարի վարիացիան է, գրում է Daily Mail-ը:

«Ոսկե ծիրան» Երևանի միջազգային կինոփառատոնի շրջանակում առցանց զրույց-քննարկում է անցկացվել Կաննի 73-րդ կինոփառատոնի մասնակից «Երբ որ քամին հանդարտվի» (Si Le Vent Tombe) ֆիլմի մտահղացման, արտադրական, հետարտադրական և փառատոնային ճանապարհի մասին:

Իտալացի մեծանուն կոմպոզիտոր Ջկոմո Պուչինիի «Տոսկա» օպերայի տեսաձայնագրությունը հուլիսի 1-ին կցուցադրվի Ալ. Սպենդիարյանի անվան օպերայի և բալետի ազգային ակադեմիական թատրոնի «Ֆեյսբուք»-ի պաշտոնական էջում:

Հոլիվուդում սկսվել են «բժշկական դրամայի» նկարահանման աշխատանքները, որի սյուժեի կենտրոնում կլինեն բժիշկներն Ուհանից, որտեղ տեղի ունեցավ նոր տեսակի կորոնավիրուսի առաջին բռնկումը: Այս մասին հայտնում է WSJ-ն:

Հետաքրքրական է, որ այդ թվականներին Սարյանի առաջարկած ծիածանագույն դրոշը գաղափարական իմաստով հրաշալի էր մտածված, և այն իրենում կրում էր այն գույները, որոնք կային մեր երկրում։ Պետք է շեշտել, որ հենց այն ժամանակ, քանի որ Աստվածաշնչային գույներն ու խորհուրդները մեր օրերում կերպարանափոխվեցին, գաղափարափոխվեցին և ստացան նոր իմաստ ու երանգ։ Սա ևս մեկ անգամ փաստում է, որ Առաջին Հանրապետությունն իր ծնունդով կարողացավ միավորել հայ մարդկանց՝ մտավորականներին ու քաղաքական գործիչներին։ Այն ժամանակ կար արտաքին ու ներքին թշնամի և կար միաբանություն։ Հիմա ևս նույն կարգավիճակում ենք, պարզապես այժմ միաբանությունը քանդելու համար գործի է դրվել այլ մեծ ու կրծող մեխանիզմ։ Եվ, ցավոք, դրան զոհ են գնում գրեթե բոլորը․․․։

Կրթության, գիտության, մշակույթի և սպորտի փոխնախարար Արա Խզմալյանը երեկ իր հարցազրույցներից մեկում անդրադարձել է արտակարգ դրության պայմաններում ստեղծագործական խմբերի գործունեությանը։ Փոխնախարարը նշել է, որ  ճգնաժամը հստակ ցույց  է տվել ստեղծագործական խմբերի պոտենցիալը, ստեղծարար ներուժը:

«Ժողովուրդն ինչպես այս իշխանություններին բերել է իշխանության, թող այնպես էլ այս ստերին և ամեն ինչին դիմանա: Մենք հիմա ապրում ենք ստերի մեջ, ինչ-որ մի բան կա՞, որ նորմալ է: Բոլորը ստում են: Վերջերս լսեցի, որ ամբիոնից ասում են՝ տնտեսական անկում չկա, ամեն ինչ նորմալ է. ո՞ւմ են էշի տեղ դնում, խելացի մարդը հո հասկանո՞ւմ է»,- 168TV-ի «Ռեվյու» հաղորդման ընթացքում ասաց դերասան, ՀՀ վաստակավոր արտիստ Արա Դեղտրիկյանը:

Ռուսական արվեստի թանգարանը նախաձեռնել է «Երաժշտական ուրբաթներ» դասական համերգային առցանց ծրագիրը, որի շրջանակում հունիսի 26-ին՝ ժամը 21:00-ին, թանգարանի «Ֆեյսբուք»-ի պաշտոնական էջում կներկայացվեն Միխայիլ Կոկժաևի «Ավե Մարիա» և «Լուսնկա» ստեղծագործությունները:

Հայաստանի ազգային ֆիլհարմոնիկ նվագախմբի երաժիշտները, մայիսի 29-ից սկսած, հանդես են գալիս «Ուրբաթօրյա Ֆիլհարմոնիկ» առցանց համերգաշարով:

Արտաշատի Ամո Խարազյանի անվան պետական դրամատիկական թատրոնի ստեղծագործական կազմը հունիսի սկզբից վերսկսել է ստեղծագործական աշխատանքները` խստորեն պահպանելով հակահամաճարակային կանոնները։

Ֆրանսահայ հանրահայտ դերասան և ռեժիսոր Սիմոն Աբգարյանը հունիսի 23-ին արժանացել է «Մոլիեր» ֆրանսիական թատերական մրցանակի:

 Նյու Յորքում որոշել են Ամերիկյան պատմության թանգարանի մուտքի մոտ ապամոնտաժել ԱՄՆ նախկին նախագահ Թեոդոր Ռուզվելտի հուշարձանը։ Այս մասին հաղորդում է New York Times-ը։

Կտավ. Էդուարդ Խարազյան:

Ալ. Սպենդիարյանի անվան օպերայի և բալետի ազգային ակադեմիական թատրոնը, հարգելով Հայրենական մեծ պատերազմի զոհերի հիշատակը, օնլայն հարթակում կցուցադրի Մոցարտի «Ռեքվիեմ»-ը:

Երբ քաղաքում, հայրենիքում աղմուկը շատ է, պետք է գտնել մի վեհ ու խորիմաստ վայր, որ քաղաքում է, սակայն քաղաքից հեռու, որտեղ պահպանվում է խորհուրդն ու լռությունը։ Այդպիսի վայրեր քաղաքում կան․ Եռաբլուր, Ծիծեռնակաբերդ, Կոմիտասի անվան պանթեոն։ Այդ վայրերում հոսում է պատմությունը, անցյալի ժամանակն ու ներկայի անորոշությունը, սակայն հայ մեծերի խորիմաստ քարե և բրոնզե կերպարանքները նոր ժամանակներում պահպանում են իրենց իմաստությունն ու վեհությունը։

 Ամիսներ շարունակ բազմաթիվ բուժաշխատողներ, մոռանալով սեփական կարիքները, անձնվիրաբար պայքարում են կորոնավիրուսի դեմ՝ փրկելով հազարավոր կյանքեր:

«Մեկնարկ» տաղանդի զարգացման նպատակային ծրագրի երիտասարդ երաժիշտներ Արմեն Պուչինյանի և Արթուր Գրիգորյանի դաշնամուրային դուետը Ֆինլանդիայում կայացած 2-րդ WPTA միջազգային մրցույթում արժանանացել է Աբսոլյուտ մրցանակին (Գրան պրի)։

Լատվիայում ՀՀ դեսպանության (նստավայրը՝ Վիլնյուս) նախաձեռնությամբ, կազմակերպմամբ և աջակցությամբ հունիսի 11-ին ամերիկյան հանրահայտ Delos ընկերության կողմից թողարկվել է Կոմիտաս վարդապետի «Սուրբ Պատարագի» համերգային ամբողջական տարբերակի ձայնասկավառակը՝ ի նշանավորումն մեծ կոմպոզիտորի և հոգևորականի 150-ամյակի։ «Արմենպրես»-ին այս մասին հայտնեցին Լատվիայում, Լիտվայում և Էստոնիայում ՀՀ դեսպանությունից։

Կապանի Ալ. Շիրվանզադեի անվան պետական դրամատիկական թատրոնում կորոնավիրուսի տարածման հետևանքով ժամանակավորապես դադարեցվել են ներկայացումները, սակայն հեռանկարում վերազինված դահլիճում հանդես գալու նպատակով թատրոնում նորոգման աշխատանքներ են իրականացվում:

Կորոնավիրուսի համավարակով պայմանավորված՝ արդեն  չորս ամիս է՝ մշակութային բոլոր կենտրոններն անցել են առցանց աշխատանքի, նույն կերպ են աշխատում նաև թատրոնները, որոնք այս ամիսների ընթացքում կազմակերպել են բազմաթիվ առցանց ներկայացումներ: 168.am-ի հետ զրույցում Ա.  Սպենդիարյանի անվան օպերայի և բալետի ազգային ակադեմիական թատրոնի տնօրենի առաջին տեղակալ Կարինե Կիրակոսյանը խոսել է արտակարգ դրության պայմաններում թատրոնի աշխատանքներից, առաջացած դժվարություններից […]

Սովետական տարիներին հայ մտավորականներն ու արվեստագետներն իրենց առաջ լայն հնարավորություններ ունեին զարգանալու ու արվեստի մեծ գործեր ստեղծելու համար։ Այդ տարիներին մեկը մյուսի ետևից երևան էին գալիս ստեղծագործողներ, ովքեր բացառիկ էին, տաղանդավոր և կերտում էին բարձր արվեստ։ Պարադոքսալ էր սովետական երկիրը, քանի որ մի կողմից՝ ոչնչացվում էին մտավորականները, իսկ մյուս կողմից՝ այդ մտավորականների համար ստեղծվում էին լավագույն պայմանները, որպեսզի նրանք ստեղծագործեն և արարեն։ Հատկանշական է, որ այդ դեպքում սովետական պետության տարբեր ժողովուրդների ստեղծագործող զավակներն ինչ-որ պահի նույնանում էին, և տարանջատում գրեթե չէր լինում։

Թուրքիայում օսմանյան շրջանի գեղանկարչության մեջ մեծ ավանդ ունեցող հայ գեղանկարիչներին նվիրված 2-րդ ցուցահանդեսն է բացվել: Ստամբուլի «Canvas Art Investments» սրահում 2019-ի դեկտեմբերի 20-ից  2020-ի հունվարի 20-ը անցկացված «Armenian Painters In the Ottoman Empire» (Օսմանյան կայսրության հայ գեղանկարիչները) ցուցահանդեսը կբացվի նաև Անկարայում: Այն բաց կլինի այցելուների համար հունիսի 12-ից օգոստոսի 30-ը։ 

Ալ. Սպենդիարյանի անվան օպերայի և բալետի ազգային ակադեմիական թատրոնի արտիստները տեսանյութ են հրապարակել համացանցում, որում հանդիսատեսին հորդորում են օնլայն հարթակում դիտել ֆրանսիացի ականավոր կոմպոզիտոր Ժորժ Բիզեի «Կարմեն» օպերային ներկայացումը:

Իտալացի կարաբիներները հայտնաբերել են նախկինում Ֆրանսիայում գողացված Բենքսիի աշխատանքներից մեկը:

Քանոնահար Մարիաննա Գևորգյանը անցել է WORLD FOLK VISION հեղինակավոր մրցույթ-փառատոնի կիսաեզրափակիչ փուլ:

Ամերիկյան գրող Էռնեստ Հեմինգուեյի նախկինում անհայտ պատմվածքը հրապարակվել է New Yorker ամսագրում: Գրողի թոռ Շոն Հեմինգուեյը պատահաբար հայտնաբերել է ձեռագիրը Բոստոնի Ջոն Քենեդու անվան գրադարանում և թանգարանում: