Դատարանը քննում է Արա Սաղաթելյանին ձերբակալելու որոշման դեմ պաշտպանի բողոքը։ Ժամեր անց մեկնարկելու է նաև Կարեն Բեքարյանի գործով նիստը։
«Այսօր մենք պայմանավորվեցինք մի քանի կարևոր բան, որը միասին առաջիկա օրերին պետք է իրականացնենք. առաջինը՝ մենք պայմանավորվել ենք, որ այս չարիքի կառավարության հեռացման պահանջը դարձնենք համաժողովրդական պայքար, որ այս չարիքի կառավարությունը Նիկոլայի իշխանությունով այլևս արև չի տեսնելու, որ պետք է հեռացնենք այս չարիքի կառավարությանը և միասին կերտենք հզոր, առաջատար, ժամանակակից բանակով, զարգացած տնտեսությունով ազգային պետություն:
Ազատության հրապարակում ընթանում է ընդդիմության հանրահավաքը։ Պաշտպանության նախկին նախարար, Արցախի հերոս, գեներալ-գնդապետ Սեյրան Օհանյանը, դիմելով հրապարակում հավաքված հազարավոր քաղաքացիներին, ասաց. «Ես, նայելով մեր ժողովրդին, համոզվում եմ, որ կրկին կրկնազարթոնքը լինելու է Հայաստանում, կրկին մենք ոտքի ենք կանգնելու և Հայաստանն ու Արցախը տանելու ենք դեպի առաջ:
«Այո՛, Երրորդ նախագահի տրված հարցազրույցում կան բազմաթիվ փաստեր, որոնք արժանահավատ են ցանկացած գրագետ մարդու համար, և որևէ հերքում այս իշխանությունների կողմից չի եղել»,- նախագահի հարցազրույցին առնչվող այլ հարցերին ի պատասխան՝ վերահաստատեց Արթուր Վանեցյանը:
Քաղաքի տարբեր հատվածներից հազարավոր քաղաքացիներ շարժվում են Ազատության հրապարակ: ՀՅԴ կուսակցության բազմաթիվ անդամներն իրենց քայլերթը սկսել են Հյուսիսային պողոտայից, քաղաքացիներ են հավաքվել նաև Սուրբ Աննա եկեղեցու մոտ, Սարյանի պուրակում:
Ինչպես և սպասելի էր, այսօր ժամը 15:00-ին սպասվող մեծ հանրահավաքին ընդառաջ իշխանությունները սկսել են «կանխարգելիչ» գործողությունները: Երեկ Ազգային Անվտանգության ծառայության կողմից հարցաքննվեցին ադրբեջանագետ Անժելա Էլիբեգովան, սահմանադրագետ Գոհար Մելոյանը, բերման ենթարկվեցին և ձերբակալվեցին ընդդիմադիր մի շարք հասարակական, հանրային գործիչները, փորձագիտական շրջանակների ներկայացուցիչներ՝ նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի նախկին տնօրեն, Ազգային ժողովի աշխատակազմի նախկին ղեկավար Արա Սաղաթելյանը, «Քառյակ մեդիա»-ի համահիմնադիր, Հանրապետական խմբակցության նախկին պատգամավոր Կարեն Բեքարյանը և «Պառլամենտարիզմի զարգացման միջազգային կենտրոն» հասարակական կազմակերպության գրասենյակի մենեջեր Մհեր Ավագյանը:
ՀՀ նախագահ Արմեն Սարգսյանն անցյալ շաբաթվա վերջից արդեն Երևանում է: Նախագահի գրասենյակի տարածած հաղորդագրության համաձայն՝ բժիշկների հորդորով նախագահը բուժումը շարունակում է նաև Երևանում:
Քառյակ Մեդիայի համահիմնադիր Արման Սաղաթելյանը ԱԱԾ շենքի առջև աշխատող մեր թղթակցի հարցին, թե զարմանալի չէ՞ արդյոք, որ ԱԱԾ մեկուսարան է բերման ենթարկվում Կարեն Բեքարյանը, պատասխանեց․ «Ոչինչ էլ զարմանալի չէ, ավելին Ձեզ ասեմ՝ այսօր ցանկացած մտածող մարդ, նույնիսկ մարդ, որը գուցե մտածում է և այդքան էլ հրապարակավ չի հայտնում իր մտածելու արդյունքները, մի գուցե շատ ավելի նեղ շրջանակում է այն ներկայացնում, այնուամենայնիվ, վտանգված է։ Ցանկացած մտածող մարդ այսօր երկրում վտանգված է»:
ՀՀ երրորդ նախագահ Սերժ Սարգսյանի ծավալուն հարցազրույցից հետո, բազմաթիվ պատասխանների հետ, նաև նորանոր հարցեր ի հայտ եկան: Թեմաները, որոնց անդրադարձավ նախագահը, պետության ու հասարակության համար կենսական նշանակություն ունեին՝ ԼՂ հակամարտության կարգավորման բանակցային գործընթաց, արցախյան վերջին պատերազմում ՀՀ դիվանագիտական և ռազմաքաղաքական ձախողումների՝ կապիտուլյացիայի պատճառների և հետևանքների վերհանում, ստեղծված իրավիճակից ելքեր ու ապագային միտված ծրագրեր:
Կառավարությունը 470 միլիոն 200 հազար դրամով Շուռնուխում բնակելի թաղամաս կկառուցի. որոշումն այսօր հաստատվեց Կառավարության նիստում: Շուռնուխ համայնքում սահմանային ճշգրտումներից հետո հակառակորդին անցած 12 տան փոխարեն նոր տների կառուցումը, սակայն, ինչպես ավելի վաղ 168.am-ի հետ զրույցում տեղեկացրել էր Գորիս համայնքի ղեկավար Առուշ Առուշանյանը, ստանձնել էին համայնքապետարանն ու բարերարները՝ սեփական միջոցներով: Նկատենք՝ Շուռնուխը Գորիս խոշորացված համայնքի մաս է:
Հարցին, թե Սերժ Սարգսյանը մինչև օրս չի կարողացել պարզել, թե ով է եղել Շուշիի պաշտպանության հրամանատարը, ով է եղել Հադրութի պաշտպանության հրամանատարը, Դուք տեղյա՞կ եք՝ ովքեր են եղել այդ ուղղությունների հրամանատարները, մեր զրուցակիցը պատասխանեց. «Այդ հարցը կարող եք տալ ԳՇ և ՊԲ հրամանատարությանը. իրենք ավելի կոնկրետ կարող են ասել»:
168.am-ը ԱԺ «Իմ քայլը» խմբակցության պատգամավոր Տաթևիկ Հայրապետյանից հետաքրքրվեց՝ լսե՞լ է արդյոք ՀՀ երրորդ նախագահ Սերժ Սարգսյանի հարցազրույցը, ի պատասխան՝ նա տեղեկացրեց, որ լսել է. «Ընդհանուր առմամբ միայն այն կասեմ, որ իր ամբողջ հարցազրույցում ինքը անում էր սկզբում՝ պնդում, հետո իր բերած փաստարկներով հակասում էր այդ նույն պնդմանը»:
«Հանրային արձագանքները մեզ հուշում են, որ բավականին բազմամարդ հանրահավաք է լինելու»,- Ազատության հրապարակում լրագրողների հետ զրույցում նշեց հանդիպման մասնակից, ՀՅԴ ԳՄ Անդամ, «Հայրենիքի փրկության շարժման» ներկայացուցիչ Իշխան Սաղաթելյանը:
«Մեկ-մեկ նաև տպավորություն է, թե, «կուկուռուզնիկները», հիշո՞ւմ եք, որ պարարտանյութեր էին տարածում դաշտերում, այ էդպես «կուկուռուզնիկներ» են անցել քաղաքի վրայով, գուցե անտեսանելի, և այս հասարակության մեջ այդ «թալանչի», «կեղեքիչ» բառերով… Ասենք՝ դուրս են գալիս փողոց կանայք (էդպես կան էլի` վճարովի, խառնակիչ կանայք), և լսում ես բառապաշարը, էդ նույն բառապարաշարը տրաֆարետ է. դրանից տեսնում ես Ֆեյսբուքում՝ անդեմ ինչ-որ պատկերներով: Ինձ թվում է՝ այդ «կուկուռուզնիկներն» աշխատել են տարիներ շարունակ՝ ասելով, որ ես թալանչի եմ»,- ասաց երգչուհին ասուլիսի ժամանակ:
«Մենք 88-ի սերունդն ենք, մենք շփացած սերունդն ենք, երբ կարողացանք բոլորս առանց զենքի, առանց կանոնավոր բանակի, դուրս գալ հրապարակ, դուրս գալ 75 տարվա երկաթե վարագույրի դեմ. մի բուռ Հայաստան, ու հաղթել՝ մեր պահանջն ի ցույց դնելով աշխարհին, և որը շղթայական ռեակցիա եղավ ամբողջ Սովետի պատմության մեջ:
Այսօր Հնդկական օվկիանոսի հյուսիսում մեկնարկել են Իրանի ու Ռուսաստանի ռազմածովային զորավարժությունները։ Այս մասին Tass-ին հայտնել է Թեհրանում Ռուսաստանի դեսպանության մամուլի կցորդ Մաքսիմ Սուսլովը: Նկատենք, որ թե՛ Իրանը, թե՛ Ռուսաստանը վերջին շրջանում մի քանի խոշոր զորավարժություններ են իրականացրել:
«Հայրենիքի փրկության շարժման» վարչապետի թեկնածու Վազգեն Մանուկյանն այսօր այցելել է Ազատության հրապարակ՝ հանդիպելու քաղաքացիների հետ և քննարկելու Շարժման գործունեության հետ կապված հարցեր:
«Այն իրավիճակը, որը փաստացի մենք ունենք՝ թե՛ անվտանգության ոլորտում, թե՛ հանրային կյանքի բնականոն ընթացքն ապահովելու տեսանկյունից, ոչ միայն մտահոգիչ է, այլ նույնիսկ լուրջ սպառնալիքներ է իր մեջ պարունակում, բայց մեր հանրության արձագանքն ադեկվատ չէ այդ իրավիճակին»,- Ազատության հրապարակում լրագրողների հետ զրույցում նշեց ՀՀ նախկին վարչապետ Խոսրով Հարությունյանը՝ այն պայմանավորելով հիասթափությամբ:
Հայաստանում փետրվարի 5-ին գրանցված 4.7 մագնիտուդով երկրաշարժից հետո ԱԻՆ ծառայությունից հայտնել էին, որ Հայաստանում և հարակից տարածքներում առաջիկա օրերին սեյսմիկությունը շարունակելու է դրսևորվել թույլ և միջին ուժի երկրաշարժերի տեսքով: Հաջորդ երկրաշարժը չուշացավ. փետրվարի 13-ին երկրաշարժ գրանցվեց Երևան քաղաքում` 5-6 բալ ուժգնությամբ, Արագածոտնի, Արարատի, Շիրակի, Արմավիրի, Վայոց Ձորի մարզերում` 3-4 բալ ուժգնությամբ:
Նիկոլայ Գրիգորյանը նկատում է, որ հանրության մոտ առկա է «մագնիտուդ» և «բալ» բառերի շփոթ, ուստի պարզաբանում է. «Մագնիտուդը խորության վրա է. այստեղ մենք ունենք 10 կմ խորություն: Սպիտակի երկրաշարժի ժամանակ էլ էր 10 կմ խորություն, բայց այն ժամանակ հիպոկենտրոնում մագնիտուդը կազմում էր՝ մոտ 7, իսկ հիմա՝ 4.7 է: Այն ժամանակ 7 մագնիտուդն առաջացրեց 9-10 բալ հզորության երկրաշարժ:
Covid 19-ը աշխարհում շարունակում է պահպանել իր վտանգները, ու թեև արդեն մեկնարկել է կորոնավիրուսի դեմ պատվաստման գործընթացը, ամեն օր աշխարհում շարունակում են գրանցվել հազարավոր դեպքեր: Առավոտյան տվյալներով՝ ավելի քան 107,778,000 մարդ աշխարհում համարվում է կորոնավիրուսի վարակակիր, և ավելի քան 2,367,300 մարդ՝ համավարակի հետևանքով մահացած:
«Մենք շատ կարևոր դիրք ունենք՝ չնայած փոքր երկիր լինելով, սակայն մենք այս վերջին տարիներին կամավոր այդ կողպեքի բանալին հանձնեցինք թշնամուն, և Ռուսաստանին, Չինաստանին, Իրանին և այն երկրներին, որոնք թուրքական սպառնալիքի տակ են, վատ վիճակի մեջ դրեցինք. իրենք այժմ և՛ ռազմական, և՛ քաղաքական առումով շատ վատ դրության մեջ են»:
Իրանը և Վրաստանը, աշխարհաքաղաքական նոր իրավիճակով պայմանավորված, բավական ակտիվորեն փորձում են ներգրավվել տարածաշրջանային գործընթացներում. Արցախյան 44-օրյա պատերազմից հետո Իրանի բարձրաստիճան պաշտոնյաների կողմից տարածաշրջանային մի շարք այցերից հետո, այսօր արդեն հարևան երկրներ այցելությունների մասին է խոսել Վրաստանի արտգործնախարար Դավիթ Զալկալիանին:
«Որևէ տարաձայնություն չկա, շարժումը վերահաստատել է իր ճանապարհային քարտեզը, օրակարգը. մենք ամբողջ թափով և հունով գնում ենք առաջ, և փետրվարի 20-ին լինելու է մեր գլխավոր հանրահավաքը»,- Ազատության հրապարակում լրագրողների հետ զրույցում վստահեցրեց ՀՅԴ ԳՄ անդամ Իշխան Սաղաթելյանը:
Հայենիքի փրկության շարժման փետրվարի 20-ի հանրահավաքին ընդառաջ՝ այսօր շարժման վարչապետի թեկնածու Վազգեն Մանուկյանը ժողովրդին հրավիրել էր Ազատության հրապարակ՝ քննարկելու մի շարք հարցեր:
Իրանը ողջունում է Լեռնային Ղարաբաղի հակամարտությունը խաղաղ ճանապարհով լուծելու Ռուսաստանի ջանքերը, բայց տարածաշրջանում սպառնալիքները դեռ պահպանվում են: Ռուսաստանի արտգործնախարարության Դիվանագիտական ակադեմիայում իր ելույթում երեկ հայտնել էր Իրանի խորհրդարանի նախագահ Մոհամադ Բաղեր Ղալիբաֆը՝ նկատի ունենալով տարածաշրջանում ահաբեկչական ուժերի ներկայությունը:
Բոլոր տեղերում էլ թերություններ կան, բոլոր բնագավառներում թերացումներ կան, ես ծնողների կողմից այդ թերացումները պետք է գտնեմ, բոլորի հետ միասին գտնենք ու վերահսկենք. ես պետական մակարդակի վրա լծակներ ունենամ, որ վերահսկեմ, աշխատենք այդ թերացումները վերացնել:
Օրերս նախկին վարչապետ Հրանտ Բագրատյանը բացահայտեց հայ-ադրբեջանական սահմանային ճշգրտումների վերաբերյալ մի հուշագրի բովանդակություն. հենց այդ հուշագրի կարգավորումներից բխած հետևանքներն էին Սյունիքում, որ վարչապետը ձևակերպել էր «ցավոտ իրավիճակներ» արտահայտությամբ: Իսկ այդ «ցավոտ իրավիճակների» տակ պետք է հասկանալ մարդկային ճակատագրեր, անվտանգության լուրջ խնդիրներ, անվստահություն սեփական պետության հանդեպ:
2018 թվականի հայտնի քաղաքական իրադարձություններից հետո, մեկ անգամ չէ, որ վարչապետ Նիկոլ Փաշինյանն ու իր կառավարությունը պարբերաբար անդրադարձել են իրենց գործունեության թափանցիկությանը՝ հիմնավորելով այն նաև միջազգային տարբեր կառույցների դրական արձագանքներով:
Խնդրում եմ հիմնավորել՝ նախ՝ ինչու եք կանգ առել այն համոզման վրա, որտեղ գերակշռելու են լիազոր մարմնի և կառավարության ներկայացուցիչները, կարող են ապահովել բուհի ինքնավար և անկաշկանդ կառավարումը: Եվ այն չորսը, որոնք պետք է ընտրվեն բուհից. քանի՞ ուսանող է նախատեսվում և քանի՞ դասախոս է նախատեսվում, որ կլինեն կառավարման խորհրդում»,- օրինագծերը ներկայացնելուց հետո նախարարին դիմեց «Լուսավոր Հայաստան» խմբակցության պատգամավոր Անի Սամսոնյանը:
