«Քաղաքացիական պայմանագիր» կուսակցության նախագահ Նիկոլ Փաշինյանից լրագրողները հետաքրքրվեցին, թե ինչպես է վերաբերվում այն փաստին, որ ՀՀ երկրորդ նախագահ Ռոբերտ Քոչարյանը շնորհավորել է Սերժ Սարգսյանին։
Նիկոլ Փաշինյանն ու ցուցարարներն այժմ Երևանի քաղաքապետարանի առջև են։ Նրանք փակել են քաղաքապետարանի գլխավոր մուտքը, և կանչում են Երևանի քաղաքապետ Տարոն Մարգարյանին։ «Տարոն, դուրս արի»,-կանչում են նրանք։
Երևանի փողոցներով երթով անցնող ցուցարարները փակեցին Գրիգոր Լուսավորիչ-Արշակունյաց խաչմերուկը՝ կաթվածահար անելով երթևեկությունը։ Այս պահին նրանք նստել են Կրկեսի դիմաց։
Երևանի փողոցներով երթով անցնող ցուցարարները փակեցին Գրիգոր Լուսավորիչ-Արշակունյաց խաչմերուկը՝ կաթվածահար անելով երթևեկությունը։ Այս պահին նրանք նստել են կրկեսի դիմաց։ Նիկոլ Փաշինյանը հիշեցրեց երեկոյան անցկացվելիք հանրահավաքի մասին։
Այս պահին ցուցարարները Նիկոլ Փաշինյանի գլխավորությամբ գտնվում են ԵՊՀ-ում։ Նրանք դասադուլի կոչեր են անում ուսանողներին։
«Պարոն Օսիպյան, արդեն հոգնել ենք ձեզնից։ Ձեզ «Սասնա ծռերը» չսպանեցին, չէ՞, հիշո՞ւմ եք, խնայեցին, որ հիմա մեր դեմ կռվեք»,- քիչ առաջ Ֆրանսիայի հրապարակում` դիմելով Երևանի փոխոստիկանապետ Վալերի Օսիպյանին, ասաց ցուցարար մի աղջիկ, որը փորձում էր նրանից ճշտել, թե ինչ է տեղի ունենում։ Օսիպյանը հետաքրքրվեց, թե նա ով է, ի պատասխան՝ աղջիկն ասաց, որ արժանապատիվ քաղաքացի է։
Ֆրանսիայի հրապարակում լրագրողները «Քաղաքացիական պայմանագիր» կուսակցության ղեկավար Նիկոլ Փաշինյանին հիշեցրին իր հայտարարությունը, որ, եթե ժողովուրդը դուրս գա, ինքն իշխանափոխություն կիրականացնի, ապա հետաքրքրվեցին՝ արդյո՞ք ժողովուրդն իր քայլը չի արել, և հիմա հերթն իրենը չէ։
Քիչ առաջ Ֆրանսիայի հրապարակից բերման ենթարկվեցին մի խումբ ցուցարարներ:
«Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանը չի հասցրել հետևել երեկ խորհրդարանում «Ելք» խմբակցության իր գործընկերների ելույթներին։
Ֆրանսիայի հրապարակում լրագրողների հետ զրույցում «Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանն ասաց, որ շարունակելու են փակել ճանապարհներն ու պետական գերատեսչությունների մուտքերը։
«Մեր շարժումն ունի համազգային աջակցություն, ունենք համազգային շարժում, որն անխուսափելիորեն հաղթելու է»,- քիչ առաջ Ֆրանսիայի հրապարակում այս մասին հայտարարեց «Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանը։
Քիչ առաջ ՀՀ ԱԺ ՀՀԿ խմբակցության պատգամավոր Առաքել Մոսվսիսյանը ՀՀԿ գրասենյակի դիմաց էր: Լրագրողները հետաքրքվեցին՝ ինչպես է նա վերաբերում Նիկոլ Փաշինյանի պայքարին:
Այս պահին «Քաղաքացիական պայմանագիր» կուսակցության անդամները` Նիկոլ Փաշինյանի գլխավորությամբ, կուսակցության վարչության նիստ են անցկացնում։
«Փաշինյանին չկպնեք». դեռահասը՝ ոստիկաններին:
Քիչ առաջ, երբ ցուցարարները փակեցին Հանրապետության հրապարակից Տիգրան Մեծ պողոտա տանող հատվածը, մի մեքենա փորձեց կառավարության մայթի վրայով անցնել, սակայն ցուցարարները թույլ չտվեցին։ Այդ պահին վեճ ծավալվեց ցուցարարների և վարորդի միջև։
Ցուցարարները Մաշտոցի պողոտայից փողոցները փակելով իջնում են դեպի Խանջյան փողոց։ Այս պահին փակ են Մաշտոց-Պուշկին, Պուշկին-Տերյան խաչմերուկները, Սախարովի հրապարակը, Վարդանանց փողոցը։
«Վաղը առավոտյան բլոկադա ենք անում Երևան քաղաքի բոլոր փողոցները՝ առանց բացառության։ Այսօր բավականին հաջողված իրականացվել էր մետրոյի գործողությունը, կոչ եմ անում՝ վաղը քառապատիկ անել այդ գործողությունը, որ ոստիկանական ուժերը չկարողանան տեղաշարժվել նաև մետրոյով և ստիպված լինեն իրենց ուժերը ցրել ողջ Հայաստանով մեկ»:
«Այսօր հաջողված օր էր, որովհետև մենք ներքաղաքական իրավիճակում բեկում մտցրինք և փակեցինք բոլոր նրանց բերանները, ովքեր ասում էին, որ հայ ժողովուրդը տանը նստած է և համակերպվում է ամեն ինչի հետ, որ հայ ժողովուրդը չի ուզում ազատություն։ Մենք այսօր ցույց տվեցինք, որ հայ ժողովուրդը ազատության ժողովուրդ է»:
«Նաիրի» բժշկական կենտրոնից Նիկոլ Փաշինյանը վերադարձավ Բաղրամյան պողոտա, որտեղ նրան դիմավորեցին «Ելք» խմբակցության պատգամավորներ Էդմոն Մարուքյանը, Արամ Սարգսյանը, Մանե Թանդիլյանը, Գևորգ Գորգիսյանը:
Բաղրամյան պողոտայում տեղի ունեցած բախումների ընթացքում վնասվել է 168.am-ի լրագրող Անի Քեշիշյանի ձեռքը, ոտքը և պարանոցի հատվածը։ Տուժել է նաև Factor.am-ի օպերատորը․ վնասվել է նրա ձեռքը, կոտրվել է տեսախցիկը և ուղիղ հեռարձակման սարքը։
Ձայնային նռնակների կիրառումից քաղաքացիներ են վիրավորվել
«Այստեղ հավաքվածներն ազգի սերուցքն են։ Նոր սերուցքը 88-ից հետո պետք է ստիպի այս իշխանություններին հասկանալ, որ մենք պարտավոր ենք ապրել ազատ, անկախ Հայաստանում»,- Ֆրանսիայի հրապարակում հայտարարեց ԱԺ «Ելք» խմբակցության պատգամավոր Սասուն Միքայելյանը։
Ֆրանսիայի հրապարակում մեկնարկել է հանրահավաքը։ Երևանի ոստիկանապետ Վալերի Օսիպյանը «Հանուն Հայաստան պետության» ճակատի անդամ Դավիթ Սանասարյանին ասաց, որ 100 սմ-ով հետ տանեն ոստիկանների և ցուցարարների միջև դրված ուղեփակոցները։ Դավիթ Սանասարյանն ասաց, որ դա պրովոկացիա է։ Օսիպյանը պատասխանեց, որ որևէ պրովոկացիա չկա, ընդամենը 100 սմ-ով հետ տանելու մասին է խոսքը։
Ազգագրագետ Հրանուշ Խառատյանի կարծիքով՝ փողոցում պայքարող քաղաքացիները փորձում են թույլ չտալ Սահմանադրության առաջին հոդվածի երկրորդ կետի խախտումը։
Ցուցարարներին միացած դերասան Հայկ Մարությանը քիչ առաջ Ֆրանսիայի հրապարակում ելույթ ունեցավ։ Նա նշեց, որ հավաքված մարդիկ մի մարմին են, նույն ձևով են շնչում և շնչում են միայն մեկ մտքով, որպեսզի բոլորն ապրեն հիանալի և հիասքանչ Հայատանում։
Այս պահին Մաշտոց-Ամիրյան խաչմերուկի մի հատվածը փակ է: Ակցիայի բազմաթիվ մասնակիցներ փակել են դեպի Փակ շուկա և Ֆրանսիայի հրապարակ տանող ճանապարհը: Այնտեղ է հասնում նաև Նիկոլ Փաշինյանը:
Քաղաքական և ընտրական տեխնոլոգիաների փորձագետ Արմեն Բադալյանի կարծիքով՝ «Քաղաքացիական պայմանագիրն» օրինական դաշտում իր պայքարն է իրականացնում՝ փորձելով կանխել Սերժ Սարգսյանի՝ վարչապետ դառնալու գործընթացը։
«Գաղափար կա, որ ավտոերթ անենք՝ «Փնտրում եմ հանրապետականին» կարգախոսով»,- Ֆրանսիայի հրապարակում հայտարարեց «Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանը՝ ընդգծելով, որ, երբ հայտարարեցին ՀՀԿ շենքը գրավելու մասին, նիստը տեղափոխվեց Ծաղկաձոր, իսկ երբ ասացին, որ գնալու են Ծաղկաձոր՝ ՀՀԿ-ին շրջափակելու, նիստը մի քանի ժամ շուտ անցկացվեց։
«Ասել էինք, որ պետք է շրջափակենք ՀՀԿ-ի շենքը՝ նիստը տեղափոխեցին Ծաղկաձոր, որ ասացինք՝ գնում ենք Ծաղկաձոր՝ մինչև մեր գնալն արեցին նիստը․այս ոճի մեջ անսպասելի չէր»,- Ֆրանսիայի հրապարակում լրագրողների հետ զրույցում ասաց «Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանը։
«Ազատ դեմոկրատներ» կուսակցության նախագահ Խաչատուր Քոքոբելյանը կուսակցության այլ անդամների հետ այցելեց Ֆրանսիայի հրապարակ։ Նա ողջագուրվեց «Քաղաքացիական պայմանագիր» կուսակցության նախագահ Նիկոլ Փաշինյանի հետ, զրուցեց նրա հետ, որից հետո լրագրողների հետ զրույցում ասաց, որ իրենց զորակցությունն են հայտնում Ֆրանսիայի երեկվանից կատարվող գործողոթյուններին, և «խաղաղ, ժողովրդավար գործիքներով պայքարելու են այն ամենի դեմ, ինչն այսօր Հայաստանում խոչընդոտ է հանդիսանում հիմնական մարտահրավերները լուծելու համար»։
