Ս. Սաֆարյանի խոսքով՝ քմծիծաղ են առաջացնում Ռ. Քոչարյանի այն խոսքերը, երբ կոչ է անում Հայաստանում արմատական բարեփոխումների, քաղաքական մրցակցության, արդար, լեգիտիմ ընտրությունների։
«Ասոցացման համաձայնագրի ստորագրումը անուղղակիորեն անվտանգության երաշխիքներ էր տալիս Հայաստանին ու Ղարաբաղին։ Իսկ ԵՏՄ-ն ընտրելու հետևանքները թե՛ քաղաքական, թե՛ տնտեսական առումով ծանր եղան։ Դոլարային արտահայտությամբ՝ ավելի քան 9 տոկոս տնտեսական անկում ենք ունեցել։ Անկում ենք արձանագրել նաև արտաքին առևտրաշրջանառության ոլորտում։ Պետական պարտքն է ավելացել, անցած տարվանից մինչև հիմա մեր արտաքին պետական պարտքն ավելացել է ավելի քան 700 մլն դոլարով»։
«Այն, ինչ տեղի ունեցավ 25 տարի առաջ, շատ կարևոր փաստ է, ազատության արտահայտում։ Հաճախ մեզ թվում է, որ այդ հռչակագրով գործն ավարտվում է, բայց իրականում նոր է սկսվում, որովհետև յուրաքանչյուր փաստաթուղթ արժևորվում է միայն այն ժամանակ, երբ լցվում է համապատասխան բովանդակությամբ, երբ իրականում կյանքը համապատասխանում է ընդունվածին»։
«Շատ կուզեինք, որ Անկախության հանրաքվեի 25-ամյակի կապակցությամբ Հայաստանում քաղբանտարկյալ հասկացությունն արմատապես վերացվեր: Դա շատ շահեկան կլինի նաև իշխանությունների համար: Բայց մինչև այսօր ՀՀ իշխանությունները որևէ քայլ չեն արել, որ մեզ ենթադրել տա, որ իրենք պատրաստ են վեհ դրսևորումների: Մի բան էլ հասկանանք՝ Ռուսաստանն իր՝ «Հայաստանն առանց հայերի» քաղաքականությունը չի գալու այստեղ ասի, Պուտինը չի գալու հայերի ականջին ասի՝ Հայաստանից հեռացեք, նա պետք է դա իր դրածոների միջոցով իրականացնի ու իրականացնում է»:
«Զենքով հարց լուծելու լեգիտիմացման գործընթացը Հայաստանում ընթանում էր, դա կարելի էր տեսնել, ու նման մի բան ակնհայտ էր, որ կլիներ: Հետաքրքիր է հատկապես այն, թե ինչպես է հասարակությունն արձագանքում այդ ամենին: Հասարակության մի մասը, համենայնդեպս, խրախուսում էր դա ու կարծում, որ ոչ շատ մեծ երկրի խնդիրները կարելի է լուծել՝ սպանելով 5 մարդու: Այդ պատկերացումը դառնում է բավական պոպուլյար»:
«Ես նկատել եմ, որ մեզ մոտ շատ են վախենում հասարակության կարծիքից: Հասարակությունը պետք է քեզ նաև մերժի, հայհոյի, բա ո՞նց: Բա պետք է մի քայլ առաջ անես, չէ՞: Եթե Գալիլեո Գալիլեյը կամ Ջորդանու Բրունոն չլինեին, և համարվեր, որ պետք է մեծամասնությունով հարցերը լուծվեն, մինչև հիմա կմտածեինք, որ երկրագունդը տափակ է»:
Նա ընդգծեց՝ ԵՏՄ անդամ երկրներից էլ ներկրվում է որակապես ցածր ու աղաջրով մշակված միս. «Ռուսաստանից ներկրվում է ամբողջական թռչուն, որն աղաջրով «ինիեկցիա» է արված, ինչը 13-15 տոկոսով թռչնի քաշն ավելացնում է: Թարմ վիճակում այդ թռչունն իրացման ենթակա է 48 ժամվա ընթացքում: Դա հիմնականում գրիլների համար են օգտագործում»:
«Մենք բարձրահասակ ենք, ուժեղ ենք, պինդ ենք, այդ ցեխերը մեզ չեն մոտենում: Եթե նույնիսկ մոտենում էլ են, հավատացած եղեք՝ այս միջավայրում մեծացած մարդիկ ենք, մեզ դժվար է նման մեթոդներով… Եվ նույն հարցը ես տամ մեր քաղաքական օպոնենտներին. եթե Հանրապետական իշխանությունը ձևավորում է կառավարություն, եթե Հանրապետական իշխանությունն այսօր իրականացնում է երկրի տնտեսական, սոցիալական և այլ քաղաքականություններ, մեր քաղաքական օպոնենտները երբ հայտարարում են, որ հաղթելու դեպքում մտնելու են կառուցողական դաշտ, դա չի՞ ենթադրում, որ իրենք համագործակցելու են Հանրապետական իշխանությունների հետ: Հետևաբար՝ մենք արդեն իսկ համագործակցում ենք ու մեր ապագա ծրագրերը կառուցում հենց այդ կոնտեքստում»:
«Լուսավոր Հայաստան» կուսակցության Խորհրդի նախագահ Էդմոն Մարուքյանն այսօր լրագրողների հետ հանդիպման ընթացքում ասաց, որ իրենք շատ ենք կարևորում ՏԻՄ ընտրություններն ու առաջիկայում ՀՀ-ում սպասվող ՏԻՄ ընտրություններում «Լուսավոր Հայաստան» կուսակցության կողմից 53 թեկնածու է առաջադրվել կամ պաշտպանվում. «Մենք կարծում ենք՝ ներքևից վերև փոփոխություններն ավելի իրական են, ավելի շատ քաղհասարակության ներգրավվածություն կարող են ապահովել, քան վերևից՝ մի մարդու կողմից փոփոխություններ իրականացնելու փորձերը, ինչն այդքան էլ ժողովրդավարական չէ»:
«Սասնա ծռերը» Հայաստանը բաժանեցին երկու հատվածի: Մենք պետք է հասկանանք, որ այսպես ապրել չի կարելի, ու պետք է սրանից լրջագույնս հետևություններ անել: Դա մի պոռթկում էր, ու, Աստված չանի՝ լինի երկրորդը, երրորդը… փոքրիկ Հայաստանը նման պոռթկումների չի դիմանա: Այսօր մեր պետականությունը վտանգված է ինչպես՝ ներսում, այնպես էլ՝ դրսում»,- այսօր լրագրողների հետ հանդիպման ընթացքում նման դիտարկում արեց ԱԱԾ պետի նախկին տեղակալ Գուրգեն Եղիազարյանը:
Ազատ Արշակյանն այս իրավիճակի լուծումը համարում է ՀՀԿ-ի լուծարումը: Դիմելով Ս. Ավետիսյանին՝ ասաց. «Եթե գտնում եք, որ ձեր իշխանության օրոք կյանքը լավացել է, մի երկու բան թվարկեք՝ մարդիկ իմանան»: «Շատ երկար կտևի»,- պատասխանեց Ս. Ավետիսյանը:
Սուքիաս Ավետիսյանը, սակայն, նկատեց՝ նախագահն ընդամենն արձանագրել է փաստը, ինչից հետո, ըստ նրա՝ բազմիցս լսել ենք պաշտպանական գերատեսչությունների ղեկավարների կարծիքը, որ մեկ օր բոլորս կտեսնենք, որ այդ տարածքները նորից վերադարձվել են տիրոջը՝ Արցախի ժողովրդին կամ Արցախին:
«Ովքեր զիջումների, փոխզիջումների հարցը բարձրացնում են, ուղղակի սադրում են: Ես չգիտեմ՝ ի՞նչ նպատակ են հետապնդում: Նորից եմ կրկնում՝ Արցախի հարցը լուծված է: Միջազգային հանրության համար էլ Արցախի հարցն օրակարգային չէ. կա Ուկրաինայի հարցը, Սիրիայի հարցը և այլն: Ղարաբաղի հարցն աշխարհի առաջ դրված չէ»:
«Պատերազմը միայն մեկ գործոնի ուժով չէ, որ տեղի է ունենում, դա գործոնների համախմբում է: Մի գործոնի առկայությունը բավարար չէ՝ ասելու համար, որ այդպիսի ռիսկ կա: Իհարկե, ԼՂՀ պաշտպանության նախարարն իրավունք չունի ասելու, որ պատերազմի ռիսկ չկա: Հասկանում եմ, որ եթե անգամ մինչև տարեվերջ այդպիսի ռիսկեր չկան, կամ այդ ռիսկերը պայմանավորող բոլոր գործոնները չկան, այնուամենայնիվ, դա չի նշանակում, թե այն միջնաժամկետ հեռանկարում չկա»:
«ԱՄՆ-ը տեսնում է, որ Ռուսաստանը փորձում է վերմակն իր վրա քաշել, ողջունում են, որ բանակցային գործընթացն ակտիվանում է, բայց նաև դրա հետ միասին անպայման այս հայտարարության կողքին նշում են, որ հակամարտությունը պետք է լուծվի երեք համանախագահ երկրների երաշխավորության ներքո»:
«Այսօր Թուրքիայի նկատմամբ շատ ճնշումներ կան Արևմուտքի կողմից, և Ռուսաստանի կողմից կային, բայց հիմա Ռուսաստանի և Թուրքիայի շահերը համընկնում են: Չեմ կարծում, թե դա ռազմավարական է, հեռահար, համենայնդեպս՝ այս ժամանակահատվածում, այս իրավիճակում Ռուսաստանի և Թուրքիայի շահերը համընկնում են, ինչը կապում եմ Իրանի ակտիվացման հետ»:
«Ժառանգության» բոլոր անդամներն այս պահին ազատության մեջ են, ու այսօրվա ասուլիսին լրագրողները Դավիթ Սանասարյանից ու Հովսեփ Խուրշուդյանից հետաքրքրվեցին՝ «Ժառանգությունը» վերանայելո՞ւ է ՏԻՄ ընտրություններին չմասնակցելու որոշումը: Դ. Սանասարյանն ասաց, որ այսօր երեկոյան վարչության նիստ է լինելու, որտեղ այդ հարցով որոշում կկայացվի:
Դավիթ Սանասարյանի խոսքով՝ երբ Արմեն Մարտիրոսյանն ու Լևոն Բարսեղյանն այնտեղ բանակցում էին ոստիկանների հրամանատարության հետ, ներքևից քաղաքացիական հագուստներով անձիք քարերով խփում էին քաղաքացիներին. «Երբ ինձ ասացին այդ մասին, գնացի ու քարն ուղիղ ինձ վրա էր գալիս: Ուղղակիորեն մոտեցա այն ժամանակվա Երևանի ոստիկանապետին ու ասացի՝ պարոն Կարապետյան, քարերը մեզ վրա են գալիս, ասաց՝ ես հիմա կկարգավորեմ: Այսինքն՝ իրենք գիտեին, որ քարերը գալիս են ու կարգավորում էին՝ խփե՞լ, թե՞ ոչ: Անիմջապես ոստիկանների հետևից քարեր էին նետում»:
Դեսպանն ընդգծեց, որ տեղի է ունեցել միջազգային իրավունքի կոպիտ խախտում Թուրքիայի կողմից. «Սա ռազմական ագրեսիա է, ու երկու խոշոր պետություններ՝ ԱՄՆ-ը և ՌԴ-ն, հետաքրքիր դիրքորոշում են գրավել: Ռուսաստանը կոտրեց ԻԼԻՊ-ի ողնաշարը, որը հնարավորություն տվեց թուրքական ուժերին շարժվել այդ ուղղությամբ, իսկ ԱՄՆ-ը հետաքրքիր դիրքորոշում գրավեց այն առումով, որ, փաստորեն, կանգնեց Թուրքիայի կողքին, ու կարծես թե քրդերի նկատմամբ փոխում է իր վերաբերմունքը: Ունենալով Ռուսաստանի լռակյաց դիրքորոշումը, ԱՄՆ աջակցությունը, թուրքերն արեցին այն, ինչ երկար ժամանակ պլանավորել էին: Այսօր կանգնած ենք լուրջ ռազմական գործողությունների առաջ»:
«Վաշինգտոնը ժամանակին փորձում էր Ասադին հեռացնել, բայց այդ ժամանակ դեռևս իսլամական ծայրահեղական վտանգ չկար: Հետևաբար, կարծում եմ, որ և՛ ներսիրիական, և՛ արտասիրիական հակամարտող կողմերը իրավիճակային խնդիրներ են լուծում: Խորը ռազմավարական ծրագրեր մշակելն անիմաստ է, որովհետև դա կարող է ուղղակի վտանգել քո սեփական շահերը: Այս միջադեպն էլ է դա վկայում. Թուրքիան հիմնականում քրդերի հարցն է լուծում: Ճնշելով քրդերին Սիրիայում՝ ճնշում ես նրանց նաև Թուրքիայում, այսինքն՝ թուլացնում ես նաև PKK-ն»:
Հրաչ Բերբերյանը նկատեց՝ ինչպե՞ս է ստացվում, որ մեկ կիլոգրամ հացը վաճառում են 450 դրամով, իսկ ցորենն այդքան էժանով են ձեռք բերում.«Վերամշակող կազմակերպությունները գյուղացու հաշվին գերշահույթ են ստանում: Հացի գինը թող էժանացնեն, այսօրվա մեր հաշվարկներով՝ հացի գինը 250 դրամից չպետք է անցնի, բայց մինչև 450-500 դրամով են վաճառում: Կազմակերպված գյուղացու թալան է գնում»:
168.am-ի դիտարկմանը՝ նշվում է բնակիչներին ցույց տրված օգնությունների մասին, բայց երբ Արթիկում էինք, բնակիչների մեծ մասը դժգոհում էր այդ օգնությունից՝ նշելով, որ այդ գումարներով նույնիսկ այգին նորոգել չեն կարող, ուր մնաց՝ բնակարանները վերանորոգեն:
Արթիկի ՀՀԿ-ական քաղաքապետ Արսեն Աբրահամյանն այսօր լրագրողների հետ հանդիպման ընթացքում հայտարարեց, որ Արթիկի ջրհեղեղի ժամանակ հանքարդյունաբերության արդյունքում գոյացած թափոնները սելավի հետ լցվել են քաղաք:
«Բանակցային գործընթացում Թուրքիայի մասնակցության վերաբերյալ խոսք անգամ լինել չի կարող: ՄԽ ֆորմատը կմնա երեք համանախագահների շրջանակներում՝ Ֆրանսիա, ՌԴ և ԱՄՆ: Ովքեր զբաղվում են այս կոնֆլիկտով, մի նպատակ ունեն՝ թույլ չտալ ռազմական գործողությունների վերսկսում: Ադրբեջանն աշխատում է սպառնալ այդ ռազմական գործողություններով: ԱՄՆ-ը, Ֆրանսիան և Ռուսաստանն աշխատում են, որ դա չլինի»:
Լրագրողի հարցին՝ Հայաստանի բոլոր իշխանությունները խոսել են փոխզիջումներից, այն պարագայում, երբ Ադրբեջանը մշտապես կոշտ դիրքորոշում է ունեցել, ու հիմա կրկին բարդ վիճակի առջև ենք կանգնած, գուցե դա՞ էր մեր խնդիրը, նա պատասխանեց. «Տարածքներ կորցրած երկիրը, գոնե լեքսիկոնի առումով, չի կարող կոշտ չլինել: Իրենց մոտ միշտ խոսքն էր, մեզ մոտ`գործը: Բայց հիմա մերոնք էլ են սկսել խոսել: Գործի առումով է, որ մենք ձախողումների գնացինք: Ապրիլը փաստ չէ՞ր: Էս իշխանությունները հետևություններ արեցի՞ն»:
«Սովետը չուներ այդպիսի բաներ: Սա համարձակ, գրագետ, մշակված փաստաթուղթ էր: Այս փաստաթուղթը հարկավոր է սիրել, գուրգուրել, պահպանել և իրականացնել սրա բոլոր դրույթները: Աղոթենք Աստծուն, որպեսզի շուտ այս իշխանություններից պրծնենք, և գա մի իշխանություն, որը գործով պահպանի անկախությունը: Սա բանաստեղծություն չի, սա խելքի գործ է: Անկախությունը պետք է պահես, փայփայես: Երեխա մեծացնելու նման է. կարո՞ղ ես երեխա մեծացնել, եթե փող չունես, եթե շոր չես հագցնում, եթե սնունդ ու կրթություն չես տալիս»:
«Այն օրվանից, երբ ի հայտ են եկել մադրիդյան սկզբունքները, ինչ-որ նոր բան եղե՞լ է: Փոխվե՞լ է ինչ-որ բան այն առաջարկներում, որոնք դրված են բանակցային սեղանին, ո՛չ: Դրանք բոլորը մադրիդյան սկզբունքներն են։ Ոչ մի խոսակցություն կամ փաստաթուղթ, որ Ադրբեջանը ճանաչում է ԼՂՀ- ն, իսկ փոխարենը՝ մենք ոչինչ չենք տալիս, գոյություն չունի»։
«Եթե Ռուսաստանից է, ուրեմն՝ ավելի շատ Վրաստանում կայանալիք ընտրությունների հետ կարող է կապված լինել: Այս պահին ուղղակի պաշտոնական տեղեկատվությունը շատ սահմանափակ է»:
«Ընտրովի արդարադատությունը դրսևորվում է տարբեր մասնակիցների նկատմամբ: Բայց հիմնական տենդենցը, որն ընդհանուր է, ապօրինի հետապնդումն է, այդ թվում՝ խոշտանգման հասնող վերաբերմունքը, որովհետև պատշաճ բժշկական ծառայություն չտրամադրելը համարվում է վատ վերաբերմունք»,- ասաց նա:
«Ղարաբաղյան հարցի լուծումը 1994թ. տրված էր. երբ Ադրբեջանը զինադադար խնդրեց, ինչ պետք էր հայ ժողովրդին, այդ պահանջները չդրվեցին: Ղարաբաղը թողեցին թրի բերան: Լևոն Տեր-Պետրոսյանը կուրծքը պատռելով դեմ տվեց՝ փրկեց Ադրբեջանը: Մեր ծրագիրն այն էր, որ պետք է հասնեինք Քուռ գետ, կամուրջները պայթեցնեինք, հետո գրավեինք Նախիջևանը. Ադրբեջանը գոյություն չէր ունենա»,- այս մասին այսօր լրագրողների հետ հանդիպման ընթացքում ասաց Թալին ջոկատի հրամանատար Սարգիս Կարապետյանը:
