Ըստ նրա` եթե որոշ մասնավոր բուհեր ուսանողների քանակի խնդիր ունեն, կարող են միավորվել, իրենց պոտենցիալն ուժեղացնեն, ոչ թե գնան կեղծիքների ճանապարհով. «Եթե ապացուցվում է, որ բուհի ռեկտորն անձամբ վաճառում է վկայական, օրենսդրությամբ նախատեսված միջոցներ կան»:
«Գիտական, կրթական համակարգում դեդավշչինա է»,- այսօր ԱԺ մշտական հանձնաժողովների համատեղ նիստում հայտարարեց «Ծառուկյան» խմբակցության պատգամավոր Նաիրա Զոհրաբյանը:
«2016թ. փորձ է արվել կրթական համակարգը մեկ ամբողջական ծրագրի բերել, անցնում ենք միասնական կրթակարգի»,- ասաց նախարարը` նշելով, որ հաստատվել է որակավորումների ազգային շրջանակը, որը հնարավորություն է տալիս կրթությունը դիտարկել 1 միավոր` մանկապարտեզից մինչև բուհ:
«Ո՞րն է այն համեմատական գրավչությունը, որը մենք կարողանում ենք ներկայացնել օտարերկրյա ներդրողին: Որ մենք կարողացել ենք իրականացված առևտրային քաղաքականության արդյունքում ունենալ հասանելի շուկաներ»:
«Պետք է տրամադրված լինել լավատեսությամբ, այլ ոչ թե հոռետեսությամբ և ասել՝ վա՜յ, էս ինչ վատ է ամեն ինչը, Կիկոսի մահն է, վաղը-մյուս օրն ավելի վատ կլինի: Այդպես չէ: Մենք մեր հնարավորությունների համաձայն՝ մեր ոտքն ենք մեկնում և ձեռքն ենք մեկնում, և որոշ արդյունքների հասնում ենք, բայց գոռգոռալով, ոչ իրատեսական քաղաքականությամբ մենք շատ բանի չենք հասնի»:
Անդրադառնալով ռուսական զենքի հերթական խմբաքանակի մատակարարմանն Ադրբեջանին` Ա.Աշոտյանը հայտարարեց, որ Հայաստանի համար զենքի մատակարարման ցանկացած դեպք մտահոգիչ է, հատկապես՝ հաշվի առնելով Ադրբեջանի անպատասխանատու և ռազմատենչ հայտարարությունները, քաղաքականությունը.
«2016թ. պետական բյուջեի հաշվետվության քննարկման ժամանակ ուշադրություն չի դարձվում ամենակարևոր հարցին, և Հայաստանի թիվ 1 միջազգային պայմանագրի խախտման մասին ոչ ոք չի խոսում»,- ասում է Մ.Առաքելյանը:
«Ուշադրություն դարձրեք` նա չի հայտարարել, որ դա ամբողջությամբ հակառուսական նախաձեռնություն է: Ավելին` նա ասել է, որ դա շատ օգտակար գործիք է, բայց միտում կա որոշ խաղացողների կողմից դա հակառուսական դարձնելու: Դրանք տարբեր բաներ են»,- 168.am-ի հետ զրույցում հայտարարեց ՀՀ ԱԳ փոխնախարար Շավարշ Քոչարյանը:
Արտակարգ իրավիճակների նախարարության և ոստիկանության միավորումը լիովին հնարավոր է: Այս մասին այսօր ԱԺ-ում լրագրողների հետ զրույցում հայտարարեց արտակարգ իրավիճակների նախարար Դավիթ Տոնոյանը` նշելով, որ կլինի առանձին վերլուծություն:
«Եթե առանձին անձանց մասին է խոսքը, ապա այն ճշգրտումների կարիք ունի»,- այսօր ԱԺ-ում լրագրողների հետ զրույցում հայտարարեց արտակարգ իրավիճակների նախարար Դավիթ Տոնոյանը` մեկնաբանելով բարձրաստիճան պաշտոնյաների որդիների` բանակում չծառայելու հանգամանքը:
«Ես դրոշակակիր եմ այդ հարցում: Ես կողմ եմ այդ հանձնաժողովի գործունեությանն ու այն մարդկանցից եմ եղել, ովքեր բարձրաձայնել են, որ դրա կարիքն այսօր կա»,- այսօր ԱԺ-ում լրագրողների հետ զրույցում հայտարարեց ՀՀԿ-ական պատգամավոր Միհրան Պողոսյանը` ողջունելով կոռուպցիայի կանխարգելման հանձնաժողովի ստեղծումը և հավաստիացնելով, թե ինքը մտավախություն չունի, որ հանձնաժողովը կբացահայտի պաշտոնատար անձանց հայտարարագրերում տեղ գտած անճշտությունները և այլևս հնարավոր չի լինի բարեկամների անունով գրանցել ունեցվածքը:
«Այդ համաձայնագիրը ստորագրվելու է Բրյուսելում՝ նոյեմբերին: Մենք որևէ դաշնակցային պարտականություններ չենք անտեսում այլ ձևաչափերում, բայց մենք չենք հակադրել մեր եվրոպական համագործակցության վեկտորը մեր ռազմավարական հարաբերություններին Ռուսաստանի Դաշնության և ԵԱՏՄ-ի հետ»:
«Ադրբեջանում, որտեղ չկան ժողովրդավարական ինստիտուտներ, որտեղ մամուլը փակ է, որտեղ մարդկանց շատ հաճախ վերաբերվում են ոչ թե՝ որպես անհատականությունների, այլ՝ հոտի, այդ կորուստների գինն իրենց համար ազդեցություն չունի: Հետևաբար` մենք համակարգչային խաղ չենք խաղում, որ ասենք` մեր կողմից մահացել է X թվով զինվոր, բայց իրենց կողմից մահացել է 10 X: Բնական է, որ հակահարձակ լինելով, սանձելով ադրբեջանական ագրեսիան, պատճառելով նաև անդարձելի կորուստներ՝ մենք նաև վերականգնում ենք մեր հպարտությունն ու մեր ամրությունն ենք ուժեղացնում, բայց մարդկային կյանքերի տեսանկյունից դա բացարձակ սփոփում չէ»:
«Այսօր խորհրդարնական դիվանագիտությունը պահանջում է աշխարհի լեզվով խոսել աշխարհի հետ և լինել հետաքրքիր: Շատ կարևոր է փորձել զերծ մնալ ներքին լսարանի դոմինանտիվ ախտանիշից»:
«Ես ՀՀՇ-ի իշխանության օրոք իրենց ընդունած օրենքով չեմ ծառայել` 1992թ. ընդունվելով տարկետման իրավունքով, չլինելով պաշտոնյա, սովորական ծառայողի ընտանիքի զավակ, 1998 թ. երբ ավարտել եմ բժշկական համալսաանը` չլինելով պաշտոնյա»,- այսօր ԱԺ-ում լրագրողների հետ զրույցում հայտարարեց ՀՀԿ փոխնախագահ, ԱԺ պատգամավոր Արմեն Աշոտյանը` ի պատասխան դիտարկման, որ ՊՆ-ն հրապարակել է պաշտոնյաների ցանկ, որոնց զավակներն ազատվել են զինվորական ծառայությունից:
«Մեր հայրենակիցները հնդկաձավար չեն օգտագործում, իրենց համար նորություն է և սա դժգոհություն է առաջացնում»,- այսօր ԱԺ-ում լրագրողների հետ զրույցում հայտարարեց սփյուռքի նախարար Հրանուշ Հակոբյանը` մեկնաբանելով Սիրիա ուղարկված օգնության կապակցությամբ հնչած դժգոհությունները:
«Դուք կարծում եք՝ օդի՞ց է եղել, որ Վիեննայի և Սանկտ Պետերբուրգի գագաթաժողովների ժամանակ ընդունված որոշումները լրիվ համահունչ էին նրան, ինչ ՀՀ նախագահն էր ասում այդ հանդիպումներից առաջ: Մենք ասում էինք, որ հրադադարի եռակողմ համաձայնագրերը, որոնք կնքվել էին անժամկետ՝ Ադրբեջանի, ՀՀ-ի և ԼՂՀ-ի միջև, պետք է անխտիր իրականացվեն»:
«Շատ հնարավոր է, որ առաջիկայում լինի հանդիպում արտգործնախարարների մակարդակով»,- այս մասին այսօր ԱԺ-ում լրագրողների հետ զրույցում հայտարարեց ՀՀ ԱԳ նախարար Էդվարդ Նալբանդյանը:
«Բոլոր բանակցային աշխատանքային փաստաթղթերում, որոնք ի պահ են դրված ԵԱՀԿ-ի գլխավոր գրասենյակում Վիեննայում, ես ամբողջ պատասխանատվությամբ եմ դա ասում, մի օր դրանք կհրապարակվեն, եռանախագահների առաջարկները և այն, ինչ որ բանակցվել է, բոլորի մեջ ասված է, որ ԼՂՀ ներկայացուցիչները պետք է մասնակցեն բուն խաղաղության պայմանագրի մշակման բանակցություններին` Հայաստանի, Ադրբեջանի հետ և եռանախագահների միջնորդությամբ»:
Անցած տարի ՀՀ արտաքին գործերի նախարարությանը հատկացվել էր 14.4 մլրդ դրամ, կատարողականը կազմել է 97.9 % է: Ինչպես այսօր ԱԺ-ում 2016-ի բյուջեի կատարողականի քննարկումների ժամանակ հայտարարեց արտգործնախարար Էդվարդ Նալբանդյանը, խնայողությունների արդյունքում տնտեսվել է 304.8 մլն դրամ, միջազգային կազմակերպություններին պարտքը` 2 մլրդ 420 մլն 167 հազար դրամ, որը 9 տարի առաջվա համեմատ պակասել է մոտ 5 անգամ, քարոզչության համար ծախսվել է 104 հազար դոլար:
«Լավրովը ոչ թե փորձում է, այլ ուղիղ ասում է, որ, քանի որ նույն «Արևելյան համագործակցությունն» ընկալվում է՝ որպես հակառուսական, ապա, եթե ինչ-որ համաձայնագիր ստորագրվի նոյեմբերին, ապա դա ևս կդիտարկվի՝ որպես Ռուսաստանի դեմ ուղղված գործողություն»:
Ըստ Լ.Ալթունյանի` հնգյակի մորը հղիության 2-րդ ամսում առաջարկվել էր երեխաների մի մասը թողնել, սակայն նա հրաժարվել էր, և կատարվել էր այն, ինչ կատարվել էր` երեխաները ծնվել էին 3 ամիս շուտ և թերսնված:
«Մենք վճռական ենք տրամադրված և կարող ենք իրականացնել կառավարության կողմից առաջադրված ծրագիրը»,- հայտարարեց նախարարը:
«Տարեցների խնամքի դեպքում առաջին հերթին՝ սրտացավությունը պետք է լինի: Մենք աշխատանքներ ենք իրականացնում խնդիրները լուծելու համար: Իհարկե, դրանք մեկ օրում լուծելի չեն, բայց մենք հետևողական ենք»:
Կուտակային կենսաթոշակային ֆոնդերում այսօր կառավարվում են ավելի քան 60 մլրդ դրամ միջոցներ: Այս մասին այսօր ԱԺ մշտական հանձնաժողովների նիստում 2016թ. պետական բյուջեի քննարկումների ժամանակ հայտարարեց ՀՀ աշխատանքի և սոցիալական հարցերի նախարար Արտեմ Ասատրյանը:
«Ներկայումս հաշվառված բոլոր անձինք իրենց ավանդների գումաները կստանան, և մենք կկարողանանք շարունակականություն ապահովել, և մեր քաղաքացիները երկար սպասելուց զերծ կմնան»,- ասաց Ա.Ասատրյանը:
«Ոչ մի գաղտնիք չկա»,- պատասխանեց Ա.Ասատրյանը` նշելով, որ այսօր ոչ մի նման ընթացակարգ չկա, ուղղակի պատմականորեն տվյալ կազմակերպությունը տվյալ մարզում որոշակի կարողություններ է ունեցել, իսկ դրամաշնորհը մի օր ավարտվում է, և պետական բյուջեն իր վրա է վերցրել ծրագրի ֆինանսավորումը: Սակայն այժմ, ըստ նախարարի, կիրառելու են մրցութային սկզբունք, որ, եթե կա երկրորդ ընկերությունը, որ ավելի լավ ծառայություն կմատուցի, նա շահի. «Պետական միջոցներն առավել արդյունավետ դարձնելու համար պետք է գնանք մրցութային եղանակով»:
«Շատ դժվար է պատկերացնել, հանրային սեկտորը դա հարյուրավոր կազմակերպություններ են: Ո՞րը պետք է ներգրավվի, ի՞նչ սկզբունքով: Կարծում եմ` այստեղ ավելի շատ չարաշահումների տեղիք կարող է լինել: Բայց վերահսկողության տեղակետից` իհարկե: Ճիշտն ասած, չեմ հասկանում աժիոտաժը: Ցանկացած առաջարկ պետք է քննարկել, նայել` ընդունելի՞ է, ընդունելի չէ՞»,- ասաց փոխնախարարը:
«Անվտանգության հարցերում մենք մեր հույսն առաջին հերթին պետք է դնենք մեր վրա: Երկրորդը` պետք է չունենալ ավելորդ սպասելիքներ: Իհարկե, Ռուսաստանը մեր դաշնակիցն է, բայց ավելորդ սպասելիքներն այլ պատկերի կարող են բերել: Դա իրականությունն է, և մեր դիրքորոշումն այդ հարցում շատ հստակ ու պարզ է»,- այսօր ԱԺ-ում լրագրողների հետ զրույցում հայտարարեց ԱԳ փոխնախարար Շավարշ Քոչարյանը` մեկնաբանելով ՌԴ-ի կողմից Ադրբեջանին սպառազինության հերթական խմբաքանակի մատակարարումը:
«Նախաստորագրված փաստաթուղթը որևէ հակասություն չունի մեր որևէ այլ միջազգային պարտավորությունների հետ»,- ասաց Ֆարմանյանը` նշելով, որ նոր համաձայնագիրը ԵՄ-ի հետ համագործակցության խորը և համապարփակ հիմք է ստեղծում:
