Նորություն չէ, որ Թուրքիան միշտ էլ Ադրբեջանի մեջքին կանգնած է և միշտ էլ հայտարարել է այն մոտեցման մասին, որը կա Բաքվում: Այս մասին այսօր ԱԺ-ում լրագրողների հետ զրույցում հայտարարեց ՀՀ ԱԳ փոխնախարար Շավարշ Քոչարյանը` մեկնաբանելով Էրդողանի հայտարարությունը, թե պատրաստվում է Վլադիմիր Պուտինի հետ քննարկել Ղարաբաղյան հիմնախնդրի հարցը:
Ես շրջանառվելը չգիտեմ, որովհետև կա միջազգային պրակտիկա՝ քանի դեսպանը նշանակված չէ, դրա մասին ընդհանրապես չեն էլ խոսում:
Արմավիրի «Մանուշակ» մանկապարտեզում 3 տարեկան երեխայի պատանդառությունից հետո Երևանի քաղաքապետարանում լուծումներ են փնտրում մանկապարտեզներում անվտանգության բարձրացման համար: Ինչպես 168.am-ի հետ զրույցում ասաց Երևանի փոխքաղաքապետ Կամո Արեյանը, քաղաքապետ Տարոն Մարգարյանը հրահանգել է լրջագույն ուշադրություն դարձնել մայրաքաղաքում նախադպրոցական և դպրոցական հաստատությունների անվտանգության հարցերին:
Ազգային ժողովում շարունակվում են 2018թ. պետական բյուջեի նախագծի քննարկումները։ Երեկ ԱԺ Պետաիրավական և մարդու իրավունքների պաշտպանության հարցերի հանձնաժողովի հերթն էր։ Հաստիքների զգալի կրճատումներ են սպասվում ՀՀ կառավարման համակարգում: ՀՀ ֆինանսների նախարարի առաջին տեղակալ Ատոմ Ջանջուղազյանը տեղեկացրեց, որ խոսքը վերաբերում է մոտ 770 հաստիքային միավորի։
Խոսրովի արգելոցում հրդեհի կապակցությամբ հարուցված քրեական գործը շարունակվում է և նորմալ քննություն է ընթանում:
Անդրադառնալով Կապանի օդանավակայանի կառուցման խնդրին` Վ.Հակոբյանը նշեց, որ շենքը կառուցվում է, մայիս-հունիսին պլանավորված է առաջին չվերթը: Ըստ նրա` ինքնաթիռն արդեն գնված է, գտնվում է Չեխիայում և մարտին կլինի Հայաստանում:
Սյունիքի մարզպետ Վահե Հակոբյանը Գորիս համայնքի ղեկավարի թեկնածու Սամվել Հարությունյանի հայտարարություններին լուրջ չի վերաբերվում:
Շուրջ 1 ժամ առաջ Սիսիանի քաղաքապետի ԲՀԿ-ական թեկնածու Կարեն Համբարձումյանն ինքնաբացարկ է հայտնել, և ՀՀԿ-ի թեկնածուն` գործող քաղաքապետ Արթուր Սարգսյանը, նոյեմբերի 5-ին կայանալիք ՏԻՄ ընտրություններում միակն է: Այս մասին այսօր ԱԺ-ում լրագրողների հետ զրույցում հայտարարեց Սյունիքի մարզպետ Վահե Հակոբյանը:
Նոյեմբերի 5-ին Հայաստանի 69 համայնքներում տեղի են ունենալու տեղական ինքնակառավարման մարմինների ընտրություններ, դրանցից 3-ում` համայնքի ղեկավարի արտահերթ ընտրություններ, իսկ թվով 34 համայնքներ խոշորացված են, այսինքն` ընտրություններին ընդհանուր կմասնակցեն 359 համայնքներ: Այս մասին այսօր Աժ-ում լրագրողների հետ զրույցում հայտարարեց ԿԸՀ նախագահ Տիգրան Մուկուչյանը` նշելով, որ տեղամասեր լինելու են բոլոր բնակավայրերում:
Մարդու իրավունքների պաշտպանի գրասենյակն ուշադիր հետևել է Արմավիրի մանկապարտեզում 3 տարեկան երեխային պատանդառության գործընթացին, պարբերաբար պարզաբանումներ է ստացել ոստիկանութունից: Այս մասին այսօր ԱԺ-ում լրագրողների հետ զրույցում հայտնեց ՄԻՊ Արման Թաթոյանը:
«Ոչ միայն Եվրամիության, այլև Եվրոպայի խորհրդի գրեթե բոլոր անդամները, բացառությամբ 3-ի` Հայաստան, Ռուսաստան և Ադրբեջան, ստորագրել են առնվազն Ստամբուլյան կոնվենցիան, որը խոսում է դարձյալ նույն հարցերի մասին: Իհարկե, ոչ բոլորն են դեռևս վավերացրել, բայց հիմնավորումներ կան, թե ինչու ոչ բոլորը: Այո, մասամբ դա քաղաքական հիմնավորումներ են, սակայն որոշ դեպքերում էլ դա անցումային շրջանի հետ է կապված, որովհետև մինչև երկիրը վավերացնի, իր օրենսդրությունը պետք է համապատասխանեցնի այդ կոնվենցիային, իսկ դա բավականին մեծածվալ աշխատանք է ենթադրում` և՛ օրենսդրությունը, և՛ հաստատությունները»:
«Ընտանեկան բռնության կանխարգելման և դրա դեմ պայքարի մասին» օրենքի նախագծում կան խնդրահարույց կետեր: Այս տեսակետն այսօր ԱԺ-ում լրագրողների հետ զրույցում կրկնեց ԱԺ փոխնախագահ Էդուրադ Շարմազանովը:
ՀՀԿ խորհրդի նիստում «Ընտանեկան բռնության կանխարգելման և դրա դեմ պայքարի մասին» օրենքի նախագծի քննարկումների ժամանակ հնչած բուռն մտահոգությունները փարատելու համար նախագիծն այժմ լրամշակվում է, հստակեցվում են ձևակերպումները: Այս մասին այսօր ԱԺ-ում լրագրողների հետ զրույցում հայտարարեց ՀՀ արդարադատության նախարար Դավիթ Հարությունյանը:
Ազգային ժողովի պատգամավորների բացակայությունների դեպքում պահումներ են կատարվում նրանց աշխատավարձերից: Այս մասին այսօր խորհրդարանում լրագրողների հետ զրույցում ասաց ԱԺ աշխատակազմի ղեկավար Արա Սաղաթելյանը:
Իրանն ավարտել է Աստարա-Աստարա (քաղաքներ Ադրբեջանում և Իրանում) երկաթուղու կառուցման աշխատանքները, որի արդյունքում միմյանց են կապվել երկու երկրների՝ 2225 կմ երկարությամբ երկաթգծերը:
«Ես 1991թ. ընդունվել եմ բուհ, ավարտել եմ 1996թ., ավարտելուց ունեցել եմ 2 որդի և ազատվել եմ բանակից: Եթե դա մեղք է, մեղք եմ գործել, ներողություն եմ խնդրում հասարակությունից»,- այսօր ԱԺ-ում լրագրողների հետ զրույցում հայտարարեց ՊԵԿ նախագահ Վարդան Հարությունյանը` մեկնաբանելով չծառայած պաշտոնյաների ցանկում իր հայտնվելու հանգամանքը:
ՊԵԿ նախագահ Վարդան Հարությունյանը շահերի բախում չի տեսնում, որ իր որդիներին պատկանող ընկերությանը կառավարությունն արտոնություն է տվել: Այսօր ԱԺ-ում լրագրողների հետ զրույցում նա նշեց, որ արտոնություն բոլորին է տրվում, բոլորին, ով գյուղատնտեսության մեքենասարքավորում է ներկրում, հունվարի 1-ից ազատվում են հարկերից:
«Մեկ տարի առաջ հնչեցրել եմ, որ պայքարելու ենք ստվերի դեմ: Այսօր կարող եմ ասել, որ այն, ինչ խոստացել եմ, կատարում եմ և կատարելու եմ: Այսօրվա բյուջեի կատարողականի թվերը դրա ապացույցն են, որովհետև առանց ստվերի դեմ պայքարելու, դժվար թե մենք ունենայինք նման հաջողություններ, դժվար թե դրված թիրախին հասնենք, և միգուցե դրված ցուցանիշներից ավելի ապահովենք»,- այսօր ԱԺ-ում լրագրողների հետ զրույցում հայտարարեց ՊԵԿ նախագահ Վարդան Հարությունյանը՝ անդրադառնալով ստվերի դեմ պայքարին:
Գագիկ Ծառուկյանին պատկանող մի շարք ընկերություններում հարկային ստուգումների արդյունքում էական խախտումներ չեն հայտնաբերվել: Այս մասին այսօր Աժ-ում լրագրողների հետ զրույցում հայտարարեց ՊԵԿ նախագահ Վարդան Հարությունյանը:
«Գագիկ Ծառուկյանն իմ լավ ընկերն է, իմ լավ բարեկամն է, և, իր հեղինակությունն օգտագործելով, փորձել է մի քանի օր առաջ առևտրականներին հասկացնել, որ մեր արածն օրինականության սահմաններում է, իր Առինջ մոլում տարածք է հատկացրել, որ մենք փորձենք ավելի մատչելի ժողովրդին բացատրենք, նաև մենք պատրաստ ենք նման ծառայություն մատուցել մյուս տոնավաճառներում նույնպես:
«Ռուսաստանը նախ ինքն իր տնտեսությունը կարգավորելու խնդիր ունի։ Մենք սպասում ենք, որ այս տարի կլինեն դրական տեղաշարժեր, քանի որ, եթե նախորդ տարի մենք նույնիսկ անկում ունեինք ռուսական տնտեսությունից, այս տարի սպասում ենք, որ այդ աճը կարող է մոտ 2% լինել»։
Այս տարի նախանշված 4±1.5% գնաճի մակարդակին կհաջողվի հասնել տարվա վերջին, քանի որ ամբողջ տարվա ընթացքում մշտապես դեֆլյացիա է եղել: Այս մասին այսօր ԱԺ-ում լրագրողների հետ զրույցում հայտարարեց Կենտրոնական բանկի նախագահ Արթուր Ջավադյանը:
Հաջորդ տարվա բյուջեով կենսաթոշակներն ու նպաստները չեն բարձրացվել, բայց այս 2 տարվա տվյալով ունենք ընդհանուր 6.7% գնաճ: Ինչպես այսօր ԱԺ բրիֆինգների ժամանակ նշեց Ելք խմբակցության ղեկավար Նիկոլ Փաշինյանը, եթե թոշակներն ու նպաստները չեն բարձրացնում, սա նշանակում է, որ կառավարությունը վարում է ոչ թե աղքատության նվազեցման, այլ աղքատության մեծացման քաղաքականություն:
«Ինձ համար վերջին տարիների բյուջեի հիմնական գլխավոր ցուցանիշը եղել է ընթացիկ և կապիտալ ծախսերի հարաբերակցությունը: Ցավոք, մենք վերջին տարիներին կապիտալ ծախսերի փոքր չափաբաժին էինք ունենում, ընթացիկը կայուն մնում էր: Հաջորդ տարի 100 մլրդ-ով ավելացնելու ենք բյուջեն, և դա գնալու է կապիտալ ծախսերին»։
«Պաշտպանության նախկին նախարար Սեյրան Օհանյանի կնոջ գրառումից հետո բարձրացած աղմուկը պետք է պատշաճ պատասխաններ ստանա, որովհետև լայնորեն տպավորություն կա, որ տիկին Խաչատրյանը խոսում էր պաշտպանության գործող նախարար Վիգեն Սարգսյանի մասին: Անկախ ամեն ինչից այս իրավիճակում պաշտպանության նախարարը պետք է հստակ պարզաբանումներ տա 1992 թ. իր բանակ չզորակոչվելու մասին, և լավ կլինի, որ դրանք լինեն ոչ թե բանավոր, այլ փաստաթղթային»,- այսօր ԱԺ բրիֆինգների ժամանակ հայտարարեց Ելք խմբակցության ղեկավար Նիկոլ Փաշինյանը` անդրադառնալով Ռուզաննա Խաչատրյանի ֆեյսբուքյան գրառմանը:
«Ախ, իմ ցանկությունների մասին որ դուք իմանայի˜ք: Տարբեր ժամանակներում մամուլը գրել է, որ ես դառնալու եմ հանրապետության նախագահ, գրել է, որ դառնալու եմ ոստիկապետ: Մամուլը շատ բան կարող է գրել: Նման հարց իմ հեռու մտքերում էլ չի եղել»,- այսօր ԱԺ ճեպազույցների ժամանակ հայտարարեց ՀՅԴ խմբակցության քարտուղար Աղվան Վարդանյանը` մեկնաբանելով շրջանառվող լուրերի մասին, որ 2018-ից հետո նա դառնալու է ՀՀ փոխվարչապետ:
2018 թ. պետական բյուջեի նախագծով կրթության ծախսերը 2017-ի համեմատ՝ կնվազեն 712.4 մլն դրամով։ Եթե 2016-ին կրթության ֆինանսավորումը փաստացի կազմել է ՀՆԱ-ի մոտ 2.4%-ը, 2018 թ.-ին կկազմի 2.17 %-ը։ 2007-2016թթ. ընթացքում կրթության բյուջեի փաստացի ծախսերի տեսակարար կշիռը 15%-ից իջել 1 մոտ 8.5%-ի:
«2018թ-ին պետք է ձգտենք 5%-անոց աճի, քանի որ 3%-անոց աճը մեզ համար խնդիրները չի լուծում»,- այսօր ԱԺ մշտական հանձնաժողովներում հաջորդ տարվա բյուջեի նախագծի քննարկումների ժամանակ հայտարարեց ՀՀ ֆինանսների նախարար Վարդան Արամյանը:
Այսօր Ազգային ժողովի մշտական հանձնաժողովներում սկսվել են 2018թ. պետական բյուջեի քննարկումները:
«Պետք է մտածել, թե կոնկրետ ի՞նչ գործունեություն է, պե՞տք է հարկազատվի, թե՞ ոչ, այսինքն՝ պետք է համակարգային դիտարկել: Բայց ես կխնդրեմ ինձ չներքաշել դրա մեջ: Հրանտ Բագրատյանին ես շատ հարգում եմ, որպես տնտեսագետ՝ նա ունի իր թեզը: Եկեղեցականներն էլ, իրենց հերթին՝ հիմնավորումներ ունեն»:
