«Եթե ընդամենը 2 թեկնածու է լինելու, ինչի՞ համար է պետք լինելու ընտրակաշառք բաժանել։ Բացի Վանաձորից և Երևանից, որտեղ համամասնական ընտրակարգ է, մնացած համայնքներում եթե անգամ 30% մասնակցություն լինի, ընտրությունները կհամարվեն կայացած»։
«Այս փաստաթուղթը լավ գործիք է Հայաստանի համար։ Թե ինչպես ինքը կօգտվի դրանից, դա միայն Հայաստանը գիտի, և ժամանակը ցույց կտա»,- նշեց փորձագետը:
«Ես չգիտեմ՝ որտեղ ով ինչ ունի, բայց մամուլի կողմից պետք է ստեղծվի անհանդուրժող մթնոլորտ ռիսկի չընկալման վերաբերյալ։ Ես այդ դեպքի (խոսքը «Հաղթանակ» զբոսայգու մոտ կառուցվող վարչապետ Կարեն Կարապետյանի տան մասին է.- խմբ.) վերաբերյալ տեղեկություն չունեմ, դա ևս շահարկումներ են։ Չեմ կարծում, որ կոնկրետ վայրում կա ռիսակայնություն, և շինարարությունը շարունակվում է»,- այսօր ԱԺ-ում լրագրողների հետ զրույցում հայտարարեց արտակարգ իրավիճակների նախարար Դավիթ Տոնոյանը՝ խոսելով մեծահարուստների կողմից կառուցվող տների և էկոլոգիական ռիսկերի մասին։
«Ես համոզված եմ, որ դա եղել է անփութության արդյունք։ Հնարավոր է՝ եղել հրդեհաշիջման առաջին արձագանքման ոչ արհեստավարժ մոտեցում, որը բերել է այլ վայրերում կրակի ծավալման։ Դրան նպաստել է նաև երեկոյան ժամին ձորում ուժին քամին»:
«Բարեբախտաբար, Ռուսաստանը չի կարող միայնակ որոշել տարածաշրջանի ճակատագիրը: Ես չեմ ուզում ասել, որ այդ որոշումների բանալիները գտնվում են Արևմուտքի ձեռքերում, սակայն, համենայն դեպս, այս տարածաշրջանի պետություններն են թույլ չտալու նման զարգացումներ: Արևմուտքը, բնականաբար, այս առումով ամենևին կողմ չի լինի տարածաշրջանի հերթական խորհրդայնացմանը»:
«Աջակողմյան մեքենաների շահագործումն արգելելու շուրջ դեռ հստակ որոշում չկա, քննարկումների փուլում ենք։ Կլինի, կներկայացնենք»,- այսօր կառավարության նիստից հետո լրագրողների հետ զրույցում հայտարարեց ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը՝ շեշտելով, որ պետք է պայքարեն նաև աջակողմյան մեքենաների դեմ։
168.am-ի հարցին, թե ի՞նչ է նշանակում ՌԴ նախագահի խորհրդականի հայտարարությունը, որ Ադրբեջանը կարող է դառնալ ԵԱՏՄ անդամ, եթե Հայաստանը չկիրառի իր վետոյի իրավունքը, Շ.Քոչարյանը պատասխանեց, որ Ադրբեջանը չի դիմել ԵԱՏՄ անդամակցության համար:
«Նախորդ ամիսների ընթացքում «Մաքուր Հայաստան» ծրագրի շրջանակներում իրականացվել է ծավալուն աշխատանք, կազմակերպվել է երկու համապետական շաբաթօրյակ և երկու լրացուցիչ համաքաղաքային շաբաթօրյակ Երևանում:
Այսօր կառավարության նիստում վարչապետ Կարեն Կարապետյանը հայտարարեց, որ ներկայումս գործող կարգավորումների համաձայն՝ էլեկտրական շարժիչներով մեքենաների ներմուծման և ՀՀ տարածքում շահագործման ժամանակ կիրառվում են մի շաքր հարկատեսակներ և վճարներ, սակայն, հաշվի առնելով դրանց էկոլոգիապես մաքուր լինելը, պետք է խթանել ներմուծումը:
Այսօր ՀՀ կառավարության նիստում վարչապետ Կարեն Կարապետյանը հանձնարարականներ տվեց համայնքներում բնակչությանը մատուցվող ծառայությունների որակը և արդյունավետությունը բարձրացնելու համար:
«Մեզ համար Արցախի Հանրապետության անկախությունն այլընտրանք չունի։ Թե Ադրբեջանի նախագահի խելքին ինչ կփչի, և ինչ հայտարարություններ կանի, դա նրա մտավոր, հոգեկան և այլ վիճակի ապացույցը կարող է լինել»։
«Ադրբեջանական պատվիրակության ղեկավարը, ինչպես միշտ, ընտրեց ստորագույն ճանապարհը՝ ԵԽ ԽՎ-ին մեղադրեց իսլամաֆոբիայի մեջ՝ ասելով, որ Ադրբեջանի հանդեպ այս ճնշումը ոչ այլ ինչ է, քան իսլամաֆոբիա»։
Քիչ առաջ Եվրոպայի խորհրդի Խորհրդարանական վեհաժողովի (ԵԽ ԽՎ) աշնանային նստաշրջանի լիագումար նիստում ավարտվեց ԵԽ ԽՎ նախագահի ընտրությունը: Ըստ այդմ՝ առաջիկա 3 ամիսներին ԵԽԽՎ-ն կնախագահի Ստելլա Կիրիակիդեսը՝ Կիպրոսից։
Առողջապահության և սոցիալական հարցերի նախարար Արտեմ Ասատրյանի խոսքով` այսօր հիմք է ընդունվում և հիմնական դոմինանտը հիվանդությունն է, իսկ կենսագործունեության սահմանափակումը հայեցողական է: Նախարարը նշեց, որ ֆունկցիաների միջազգային դասակարգմանն անցում կատարելու դեպքում որոշում կայացնողի հայեցողական շրջանակը շատ նեղացվում է: Սակայն, ընդգծեց Ասատրյանը, պետք է ծառայությունների շրջանակը սահմանել:
Այսօր Եվրոպայի խորհրդի Խորհրդարանական վեհաժողովի (ԵԽ ԽՎ) աշնանային նստաշրջանի լիագումար նիստում սկսվել է ԵԽ ԽՎ նախագահի ընտրության 3-րդ փուլը, որի արդյունքները հայտնի կդառնան Երևանի ժամանակով ժամը 17:30-ին:
Եվրասիական տնտեսական միության չինովնիկների աստղաբաշխական աշխատավարձերը տարեցտարի բարձրացվում են: ԵԱՏՄ անդամ պետությունների վերահսկիչ պալատների կողմից միության բյուջեի համատեղ ուսումնասիրության հաշվետվությունից երևում է, որ ԵԱՏՄ մոտ 7.7 մլրդ ռուսական ռուբլի ընդհանուր բյուջեի շուրջ կեսն աշխատավարձերն են`3.3 մլրդ:
Խմբակցության պատգամավոր Մանե Թանդիլյանի խոսքով` այս ԱԺ-ն չպետք է դառնա հին քաղաքական մշակույթի կրողը և ներմուծի հին ավանդույթները. «Էթիկայի հանձնաժողովը պետք է անպայման ստեղծվի և հարցը քննարկվի: Նոր արժեհամակարգ պետք է ներմուծվի, որ քաղաքական անհամաձայնությունները չեն կարող լուծվել ծեծկռտուքով»:
«ԵԽԽՎ նախագահ Պեդրո Ագրամունտի հրաժարականն անակնկալ չէր, պարզ էր, որ նա պետք է հեռանար: Լավ կլիներ, եթե ԵԽԽՎ-ն որոշակի հետազոտություն սկսի, թե ինչ ծագումնաբանություն ունեն այն որոշումները, որ, ի վերջո, խթան դարձան քառօրյա պատերազմի համար»,- այսօր ԱԺ ճեպազրույցների ժամանակ հայտարարեց Ելք խմբակցության ղեկավար Նիկոլ Փաշինյանը` մեկնաբանելով ԵԽԽՎ նախագահի հրաժարականը:
«Սերժ Սարգսյանը մինչև 2018 թ. ապրիլ Հայաստանի Հանրապետության նախագահն է, և մենք որևէ քննարկում չենք ունեցել, թե ապրիլից հետո ինչ պետք է կատարվի: Կգա ժամանակը, մենք կքննարկենք, և բոլորդ տեղյակ կլինեք դրա մասին: Ես խնդրում եմ` բոլորդ զինվեք համբերությամբ, մենք ունենք բավականին խնդիրներ, զբաղված ենք դրանցով, և երբ քննարկենք, բոլորիդ տեղյակ կպահենք մեր հետագա անելիքների մասին»:
«Ելքը» դաշինքը քննարկել է ՏԻՄ ընտրություններին մասնակցության հարցը և լրջորեն վերլուծել 2017 թ. խորհրդարանական ընտրությունների ժամանակ մարզերում արձնագրած ադյունքները: Այսօր ԱԺ ճեպազրույցների ժամանակ խմբակցության ղեկավար Նիկոլ Փաշինյանը հայտարարեց, որ հանգել են եզրակացության, որ ՏԻՄ ընտրություններին մասնակցելուց առաջ պետք է իրականացնել կառուցվածքային և կադրային ուժեղացումներ:
«Նման միջադեպերը ոչ միայն դատապարտելի են, այլ կարող եմ ափսոսանք հայտնել, որ մարդիկ կարող են դառնալ չափազանց կանխատեսելի: Մի ջահելի և ահելի պատմություն էր, մնացածը, կարծում եմ, մեր կանոնակարգը հնարավորություն տալիս է հարցին անդրադառնալ իրավական տեսանկյունից»:
ԱԺ ՀՅԴ խմբակցության քարտուղար Աղվան Վարդանյանը նպատակահարմար չի գտնում այսօր քննարկել 6 ամսից կառավարության լիազորությունների ավարտման և նոր վարչապետի նշանակման հարցին:
Հայաստանի կառավարությունը չի պատրաստվում որևէ քայլ իրականացնել ԵԱՏՄ տարածք առանց մաքսազերծման միայն մինչև 5 կգ կարանտինային հսկողության ենթակա բուսասանիտարական արտադրանքի ներմուծման մասին Եվրասիական տնտեսական միության հանձնաժողովի սահմանած պահանջները փոփոխելու համար:
«Ոչ, մենք ունենք ժամանակացույց, խնդիր, որ մինչև տարեվերջ պետք է ունենանք կառավարության կողմից հաստատված 2018-2040թթ. ռազմավարությունը, որը նաև, բնականաբար, իր ծրագրային միջոցառումները պետք է ունենա, թե որ ուղղություններով են ծրագրերն իրականացվելու»:
Ըստ Է.Շարմազանովի՝ ժողովրդավարությունը նախ և առաջ՝ մրցակցություն է, իսկ մրցակցությունը պետք է լինի ոչ միայն միջկուսակցական, այլ նաև ներկուսակցական։ ՀՀԿ խոսնակի կարծիքով՝ մյուս ուժերի պասիվությունը մտահոգիչ է:
«Կստորագրվի այդ փաստաթուղթը, թե ոչ, բոլորի մոտ կասկածներ կան: Բայց եթե չստորագրվի, Հայաստանը լուրջ վնասներ կկրի: Առանց այն էլ Եվրասիական տնտեսական միության շրջանակներում պրոբլեմները գնալով խորանում են և շարունակելու են խորանալ»:
«Հայաստանի Հանրապետությունում, ինչպես ցանկացած նորմալ ժողովրդավարական երկրում, տարբեր քաղաքական գործընթացների վերաբերյալ տարբեր քաղաքական գործիչներ և կուսակցություններ կարող են ունենալ տարբեր կարծիքներ և ընկալումներ: Ինչ վերաբերում է քաղաքական ջախջախումներին, սա ևս ընկալումների հարց է»:
«Ինձ համար ցավալի է մեր հավաքականին նման վիճակում տեսնել, սակայն հույս ունեմ, որ արդեն 2020 թ. Եվրոպայի առաջնության ընտրական փուլում թիմն ավելի հաջող հանդես կգա: Այս անհաջողություններում ես բացարձակ չեմ տեսնում Ռուբեն Հայրապետյանի մեղքի բաժինը»:
ԱԺ ՀՀԿ խմբակցության պատգամավոր Սամվել Ալեքսանյանն անհանգստացած է մսամթերքի և կարագի գների բարձրացումից: Այսօր ԱԺ-ում լրագրողների հետ զրույցում Ս.Ալեքսանյանը հայտարարեց, թե թանկացումներն իրեն միշտ էլ անհանգստացնում է:
«Հայ լեհական հարաբերությունները` և՛ քաղաքական, և՛ տնտեսական, մշտապես եղել են բարձր մակարդակի վրա: Մենք ոչ միշտ է, որ մեր կարողություններն ու հնարավորությունները լիարժեք ենք օգտագործում»:
