Ազգային ժողովի «Լուսավոր Հայաստան» խմբակցությունը Կառավարության ընդունած սոցիալական աջակցության ծրագրերից օգտվել չկարողացող քաղաքացիներին կոչ էր արել օգտվել կուսակցության կողմից տրամադրվող խորհրդատվությունից, և հիմա մեզ են դիմում հարյուր-հազարավոր քաղաքացիներ: Շեշտում եմ հատուկ 100 հազարավոր թիվը՝ նախկին համեստ ընդդիմադիր, բայց հիմա պաշտոն ստացած այն չինովնիկների համար, որոնք կարծում են, որ մեզ քաղաքացիներ չեն կարող զանգել:
Ազգային ժողովի «Լուսավոր Հայաստան» խմբակցությունը ներկայացրել էր Ձերբակալված և կալանավորված անձանց մասին ՀՀ օրենքում փոփոխություն կատարելու մասին նախագիծ, որով առաջարկվում է պատգամավորներին տալ իրավունք՝ այցելել այդ անձանց պահման վայրեր՝ առանց որևէ խոչընդոտի:
Ազգային ժողովի «Լուսավոր Հայաստան» խմբակցությունը ներկայացրել է Հանրային ծառայությունների մասին և Կոռուպցիայի կանխարգելման մասին օրենքներում փոփոխություններ կատարելու մասին օրինագիծ, որով սահմանվում է, որ մինչև 15 հազար բնակչություն ունեցող համայնքների ղեկավարների և նրանց տեղակալների համար պետք է պարտադիր դառնա եկամուտների հայտարարագրումը:
Մենք դեմ ենք բոլոր տեսակի բռնություններին, մեր ազգը բարձր բարոյական արժեհամակարգով է օժտված եղել, սակայն մենք չենք ցանկանում, որ այս օրենքի նախագիծը երկակի ստանդարտների առիթ դառնա:
Ազգային ժողովում քննարկվում է բռնության կոչերը քրեականացնելու մասին օրենքի նախագիծը երկրորդ ընթեցմամբ և ամբողջությամբ ընդունելու մասին հարցը:
Հիմնական զեկուցող՝ Արդարադատության նախարարի տեղակալ Սրբուհի Գալյանը քննարկման մեկնարկին ներկայացրեց, որ օրինագծի ընդունման անհրաժեշտությունն ու հրատապությունը պայմանավորված է այն հանգամանքով, որ ՍԴ-ն օրենքում փոփոխությունների ենթարկվող վերաբերելի դրույթների համար վերջնաժամկետ է սահմանել ապրիլի 15-ը։
Ազգային ժողովն այսօր երեկոյան գումարած արտահերթ նիստում երկրորդ ընթեցմամբ և ամբողջությամբ ընդունեց «Բնակչության բժշկական օգնության և սպասարկման մասին», «Լիցենզավորման մասին», «Դեղերի մասին» Հայաստանի Հանրապետության օրենքներում փոփոխություններ կատարելու մասին օրինագծերը։
Պարետն այս ընթացքում սահմանափակումներ է մտցրել կառավարության հայտարարած միջոցառումների ցանկից դուրս, այսինքն՝ ընդունել է իրավական ակտեր, որոնց իրավունքը չուներ: Այսօր Ազգային ժողովում ամփոփելով պարետատան գործունեությունը հայտարարված արտակարգ դրության ժամանակ՝ ասաց ԱԺ «Լուսավոր Հայաստան» խմբակցության պատգամավոր Էդմոն Մարուքյանը:
Ռուսաստանում գտնվող Հայաստանի Հանրապետության քաղաքացիների համար պարբերաբար, ըստ հնարավորության, իրականացնում ենք թռիչքներ դեպի Հայաստան, բոլոր եկածներին մեկուսացնում ենք, և, թեև դեռևս էֆեկտիվ է մեկուսացումը, բայց փորձում ենք նաև այլ գործիքներ կիրառել և անցնել ինքնամեկուսացման ռեժիմի: Այսօր Ազգային ժողովում ասաց պարետ Տիգրան Ավինյանը՝ ընդգծելով, որ ՌԴ-ից ՀՀ տեղափոխված մեկուսացված քաաքացիները պարտադիր ենթարկվելու են նաև թեստավորման:
Կառավարությունն իր սոցիալական ծրագրերով գյուղացիներին առաջարկում է վարկեր վերցնել այն դեպքում, երբ գյուղացիների մեծ մասը վարկունակ չէ և չի կարողանում օգտվել այդ ծրագրերից, իսկ սրա արդյունքում ստացվում է, որ մենք 25 մլն դրամ ենք հատկացնում վարկերի սուբսիդավորմանը, բայց ունենք անվարկունակ գյուղացի. Այսօր Ազգային ժողովում պարետ Տիգրան Ավինյանին դիմելով՝ ասաց «Լուսավոր Հայաստան» խմբակցության պատգամավոր Գևորգ Գորգիսյանը:
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանն այսօր պարետ Տիգրան Ավինյանից հետաքրքրվեց՝ արդյո՞ք մայիսի 14-ից հետո պարետատունը կարող է ևս 30 օրով երկարաձգելու որոշում բերել խորհրդարան:
Ազգային ժողովի «Լուսավոր Հայաստան» խմբակցության պատգամավոր Անի Սամսոնյանն այսօր պարետ Տիգրան Ավինյանին հարցրեց, թե հեռախոսազանգերը ֆիքսելու մասին օրենքի ընդունումից հետո քանի՞ քաղաքացու է կարողացել պարետատունը տեղորոշել:
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանն այսօր արտակարգ դրության ռեժիմի երկարաձգման մասին նախագծի քննարկման ժամանակ հարց ուղղեց պարետ Տիգրան Ավինյանին՝ արդյո՞ք Կառավարությունը դիտարկում է չգրանցված աշխատողներին ևս սոցիալական աջակցություն տրամադրելու մասին հարցը:
Հայաստանի Առողջապահության նախարարությունը ապրիլի 13-ի տվյալներով՝ կարողանալու է սպասարկել 1700 մահճակալային պայմաններով կորոնավիրուսով հիվանդի, ունենալ 4500 ակտիվ վարակակիր:
Ազգային ժողովում մեկնարկել է հատուկ նիստը, որի ընթացքում քննարկվում է Կառավարության ներկայացրած արտակարգ դրության ռեժիմի մասին օրենքում փոփոխություններ կատարելու մասին հարցը: Նախագիծը խորհրդարանին ներկայացրեց պարետ Տիգրան Ավինյանը։ Նա նախ ամփոփեց մարտի 16-ից երկրում հաստատված արտակարգ դրության ընթացքում արձանագրված ցուցանիշները, որոնք, ի դեպ, ամենօրյա ռեժիմով պարետատունը հրապարակում է:
Համաճարակային թվերի առումով, փառք Աստծո, անկառավարելի իրավիճակ չունենք: Այս մասին այսօր Կառավարության արտահերթ նիստի ժամանակ ասաց վարչապետ Նիկոլ Փաշինյանը՝ նկատելով, սակայն, որ տնտեսական կյանքը չսահմանափակելու համար, թեև տնտեսական որոշ գործունեությունների սահմանափակումները վերացվել են, սակայն, եթե քաղաքացիները կանոնները չպահպանեն, վարակակիրների թիվը կարող է ավելանալ:
Արդարադատության նախարար Ռուստամ Բադասյանը Կառավարության ապրիլի 13-ի արտահերթ նիստում ներկայացրեց Արտակարգ դրության ռեժիմն ապրիլի 14-ից մինչև մայիսի 14-ը երկարաձգելու մասին օրենքի նախագիծը:
Կառավարությունն այսօր՝ ապրիլի 13-ին, ընդունեց Կորոնավիրուսի տնտեսական հետևանքները վերացնելուն միտված ևս մեկ միջոցառում: Այսօր ընդունված 11-րդ միջոցառումով կառավարությունը 50 տոկոսով կփոխհատուցի այն շահառուների գազի և հոսանքի վարձավճարները, որոնց փետրվար ամսվա գազի ծախսը կազմել է մինչև 10 հազար դրամ, իսկ հոսանքինը՝ մինչև 5000 դրամ:
Շաբաթ և կիրակի օրը բավականին մեծ թվով, համապատասխանաբար՝ 680 և 467 թեստ է իրականացվում: Այսօր Կառավարության արտահերթ նիստի ժամանակ ասաց Առողջապահության նախարար Արսեն Թորոսյանը՝ նշելով, որ աստիճանաբար կմեծանա կատարվող թեստերի քանակը, որոնք իրականացվում են, սակայն, ցուցումների դեպքում:
Ապրիլի 13-ին մեկնարկած Ազգային ժողովի արտահերթ նիստում առաջին ընթերցմամբ քննարկված «Բնակչության բժշկական օգնության և սպասարկման մասին», «Լիցենզավորման մասին», «Դեղերի մասին» Հայաստանի Հանրապետության օրենքներում փոփոխություններ կատարելու մասին օրենքի նախագծերն ընդունվեցին։
Կորոնավիրուսի դեմ պայքարին կամավորների ներգրավման մասին Առողջապահության նախարար Արսեն Թորոսյանի և պարետ Տիգրան Ավինյանի կոչին արձագանքել են մեծ թվով մայրապետներ, բժշիկներ և, կարելի է ասել, այդ կոչն ունեցել է շատ լավ արձագանք:
Ապրիլի 13-ին մեկնարկել է Ազգային ժողովի արտահերթ նիստը, որի օրակարգում են «Բնակչության բժշկական օգնության և սպասարկման մասին», «Լիցենզավորման մասին», «Դեղերի մասին» Հայաստանի Հանրապետության օրենքներում փոփոխություններ կատարելու մասին օրինագծերը:
Արդեն մի քանի օր է՝ մամուլը գրում է այն մասին, որ «Ալեքս տեքստիլ» ընկերության աշխատակիցներին գործատուն հրաժարվում է վճարել մարտ ամսվա աշխատավարձն ամբողջությամբ:
2020 թվականի փետրվարի 7-ին «Զվարթնոց» միջազգային օդանավակայանը հայտարարել է մաքրման ծառայությունների և սանիտարական աշխատանքների իրականացման մրցույթ: Այս հայտարարությունն անակնկալ էր, որովհետև 10 տարուց ավելի է՝ օդանավակայանում այդ աշխատանքն առանց որևէ մրցույթի իրականացրել է «Ֆեկա-լյուքս» կազմակերպությունը: Երբ մեր կազմակերպությունը՝ «Սկայ գրուպ»-ը, լսեց հայտարարված մրցույթի մասին, որոշեց մասնակցել՝ հաշվի առնելով նաև հեղափոխությունից հետո հնչեցված այն հայտարարությունները, թե այլևս անընդունելի է ամենուր մեկ անձից կատարվող գնումները, և, որ մրցույթները պետք է լինեն պարտադիր:
«Ռուսաստանաբնակ գործարար, «Տաշիր» ընկերության սեփականատեր Սամվել Կարապետյանը «Հայաստան» համահայկական հիմնադրամին է նվիրաբերել 20 հազար ԱՄՆ դոլար: Ամբողջ գումարը կուղղվի Ռուսաստանից մեր հայրենակիցներին ինքնաթիռով անվճար Հայաստան վերադարձնելու գործին: Սակայն Սամվել Կարապետյանը միակը չէ, այլ աջակիցներ էլ կան, որոնց վերաբերյալ մեր հիմնադրամն արդեն պաշտոնական տեղեկատվություն է տարածել, բացի այդ, նվիրատուների ամբողջ ցանկը հրապարակված է հիմնադրամի կայքում»:
Վարչապետ Նիկոլ Փաշինյանն այսօր ֆեյսբուքյան ուղիղ եթերում անդրադարձավ նաև, թե ինչպես պետք է նշվեն մեծ եղեռնի տարելիցն և մայիսյան եռատոնն արտակարգ դրության երկարաձգված ռեժիմի պայմաններում։
Վարչապետ Նիկոլ Փաշինյանն այսօր՝ ապրիլի 11-ին, ֆեյսբուքյան ուղիղ եթերով հայտնեց, որ Կառավարության և պարետատան արտակարգ քննարկումների արդյունքում եկել են այն եզրահանգման, որ արտակարգ դրության ռեժիմը պետք է երկրաձգել ևս 30 օրով:
Արդեն երկու օր է՝ արտակարգ խորհրդակցություններ ենք իրականացնում պարետատան հետ և որոշել ենք վարակի հետագա տարածումը կանխարգելելու համար երկարաձգել արտակարգ դրության ռեժիմը մինչև մայիսի 14-ը:
Առողջապահության նախարար Արսեն Թորոսյանն այսօր հանրությունից ներողություն չխնդրեց համաշխարհային պանդեմիայի ժամանակ կորոնավիրուսի վտանգավորության վերաբերյալ իր՝ նախկինում արած հայտարարությունների համար:
«Ենթադրենք՝ գործարարը դիմել է բանկին՝ 1 մլն դրամ վարկ ստանալու համար, եթե 500 հազար դրամը տրամադրում է պետությունը, արդյո՞ք սա նշանակում է, որ բանկը մնացած մասի համար պարտադիր ապահովման միջոց պետք է պահանջի: Եթե՝ այո, ապա ի՞նչ անեն այն կազմակերպությունները, որոնք արդեն վարկ ունեն, և իրենց գույքը հանդիսանում է գրավի առարկա, իսկ հիմա լրացուցիչ միջոց չունեն գրավադրելու համար»,- ասաց տնտեսվարողը:
