Ըստ Կառավարության ընդունած որոշման՝ 2.5 միլիարդ դրամի շրջանակներում նախատեսվում է ստեղծել Ազգային անվտանգության ծառայության սահմանապահ զորքերի 8 սահմանապահ ուղեկալ։
2020 թվականի սեպտեմբերի 27-ին Ադրբեջանի սանձազերծած պատերազմի ավարտից 7 ամիս անց դատական կարգով անհայտ բացակայողի կարգավիճակ է ստացել ընդամենը 4 զինծառայող։
168TV-ի «Բլից հարցում» հաղորդման հարցերին պատասխանում է ԱԺ «Բարգավաճ Հայաստան» խմբակցության քարտուղար Արման Աբովյանը։
Երեկ երեկոյան համացանցում հրապարակվեց Էջմիածնի քաղաքապետ Դիանա Գասպարյանի և Տարածքային կառավարման և ենթակառուցվածքների նախարարի ժամանակավոր պաշտոնակատար Սուրեն Պապիկյանի հեռախոսազրույցի ձայնագրությունը, որտեղ Գասպարյանն ասում է, որ հանուն պետության՝ Նիկոլ Փաշինյանը պետք է հեռանա, քանի որ արդեն չի տիրապետում իր հոգեկան վիճակին։
168.am-ն այսօր արդեն գրել է փոխվարչապետ Տիգրան Ավինյանի գրասենյակի ղեկավար Բագրատ Բադալյանին առնչակից ընկերության հետ Կառավարության կողմից մեկ անձից իրականացված 15 միլիոն դոլարի գնման մասին։
Լոռու մարզում 15 կիլոմետր ճանապարհի ասֆալտապատման աշխատանքների վերահսկման ծառայությունները Կառավարությունը գնել է մեկ անձից՝ դրա համար վճարելով 15 միլիոն դոլար։
Հունիսի 10-ին գործադիրը չզեկուցվող հարցերի շարքում ընդունել է որոշում, որով Պետական եկամուտների կոմիտեում արդեն նաև հարկային և մաքսային մարմնի ղեկավարն ու նրանց տեղակալները զենք կրելու, պահելու և օգտագործելու իրավունք կունենան։
Կառավարությունը հունիսի 3-ի նիստում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2022-2023 թվականների ծրագիր է հաստատել։
Նիկոլ Փաշինյանի գործը մշտապես եղել է ճղճղալը, սուտ խոսելն ու շանտաժը, և քարոզարշավի այս չորս օրերը ասվածի վառ ապացույցն են՝ ուղեկցված հոգեվարք ապրող մարդու մոտ հաճախակի նկատվող սրացումներով։
Ազգային ժողովի անկախ պատգամավոր, Ընտրությունների վերահսկման կոմիտեի անդամ Նաիրա Զոհրաբյանի համար պարտվել չիմացող Նիկոլ Փաշինյանը հունիսի 20-ին նշանակված արտահերթ խորհրդարանական ընտրություններն ընկալում է՝ որպես կենաց-մահու պայքար։ Ըստ Զոհրաբյանի՝ Փաշինյանը շատ լավ գիտի, որ այդ պայքարում, եթե ինքը պարտվեց լեգիտիմ ընտրություններով, ապա իր թիմի հետ միասին հայտնվելու է մեղադրյալի կարգավիճակում։ 168 TV-ի «Ռեվյու» հաղորդաշարի եթերում, անդրադառնալով […]
Հրանտ Միքայելյանն անդրադարձավ նաև Փաշինյանի հրապարակած այն վիճակագրությանը, ըստ որի, վերջին երեք տարում մենք ռազմական ծախսերի նպատակներով կրկնակի գումար ենք ծախսել, քան ծախսվել է 1998-2007 թվականներին, որ ռազմական նպատակներով մոտավորապես ծախսել ենք վերջին 10 տարվա ծախսածի 70 տոկոսը, իսկ 2011-2020 թվականը ՀՀ ձեռք բերած զենք-զինամթերքի շուրջ 62 տոկոսը ձեռք է բերվել միայն 2019-ին, իսկ 2018-2020 թվականների ընթացքում ձեռք է բերվել 2011-2020 թվականներին ՀՀ ձեռք բերած զենք-զինամթերքի 75-80 տոկոսը։
Հայաստանում հունիսի 7-ին մեկնարկել է արտահերթ խորհրդարանական ընտրությունների քարզարշավը. ընտրություններին մասնակցող կուսակցություններն ու դաշինքները զբաղված են քարոզարշավով, իսկ ուժային կառույցների մեծ մասը՝ քարոզարշավին մասնակցող իշխանության ներկայացուցիչների անվտանգությունը պահպանելով, ու մինչ Հայաստանի ներսում այս վիճակն է, մայիսի 12-ից Հայաստան ներխուժած ադրբեջանցի զինվորները շարունակում են մնալ մեր երկրում, ավելին՝ իրականացնում են դիրքային ամրաշինական աշխատանքներ ու զբաղեցնում նորանոր տարածքներ։
«Այս ծրագիրն այլ պարամետրերով ընդունվել է դեռևս նախորդ Կառավարության ժամանակ, սակայն հաջողության չի հասել. իհա՛րկե, գաղափարը շատ լավն է, որովհետև ավանդական գյուղատնտեսությունը չի կարող բարձր հավելյալ արժեք ստեղծել, բայց այն չափորոշիչները, որոնք այս Կառավարությունը դրել է արդեն իսկ գործող և հաջողություն չարձանագրած ծրագրում, այս որոշման արդյունավետությունը հասցնում է զրոյի։ Այն թանկ հաճույք է մեր հարյուր-հազարավոր գյուղացիների համար, որովհետև օգտվելու համար գյուղացուն պետք է մեկ հեկտարի համար մոտավորապես 60 հազար դոլարի ներդրում. Այսինքն՝ գյուղացին նախ այդքան գումար պետք է ներդնի, որի 50 տոկոսը պետությունը նրան հետ կվերադարձնի։
«Անահիտ Ավանեսյանն այն նախարարի ժամանակավոր պաշտոնակատարն է, որը նաև ասում է, թե նույնականացված դիեր կան, որոնց ծնողները չեն տանում։ Ամոթ է ուղղակի։ Հայ մարդն իր հանգուցյալին եկեղեցական կարգով հուղարկավորել միշտ է պատրաստ, դա է մերը, այնպես որ, թող հրապարակեն այն նույնականացված դիերի անունները, որոնց չեն տանում, ու տեսնենք՝ այդ ինչպե՞ս են ծնողները հրաժարվում իրենց դիերից, եթե դա չեն անում, նշանակում է՝ ասելով՝ ծնողները նույնականացված դիերին չեն տանում՝ վիճակի մեղավոր են փորձում կարգել հիմա էլ ծնողներին»։
«Ջալալ Հարությունյանը, օրինակ, չպե՞տք է արդյոք պատասխան տա պատերազմի ընթացքի, կրած պարտության ու դրան զուգահեռ՝ իր կարիերայի, ուսադիրների թռիչքային աճի համար. իհա՛րկե պետք է տա. Ջալալ Հարությունյանը ռազմական վերնախավի ընդամենը մեկ օրինակն է»,- ասաց Նիկոյանը։
Արտահերթ խորհրդարանական ընտրություններին ընդառաջ՝ Կառավարությունը կվճարի «Նաիրիտ» գործարանի աշխատողների աշխատավարձը։
168.am-ի տեղեկություններով՝ հանդիպման ընթացքում հայկական կողմին հիշեցրել են, որ Արցախում խաղաղապահ առաքելությունը ստանձնել է Ռուսաստանի Դաշնությունը, գերիների հարցով ակտիվորեն աշխատում է ռուսական կողմը, իսկ Հայաստանի վարչապետի պաշտոնակատար Նիկոլ Փաշինյանը գերիների հարցով բանակցելու փոխարեն՝ Փարիզում աջակցություն է խնդրում Ֆրանսիայի նախագահ Էմանուել Մակրոնից։
Ազգային ժողովի մշտական հանձնաժողովներում հունիսի 1-ից Կառավարությունը սկսել է ներկայացնել 2020 թվականի պետական բյուջեի կատարողականի հաշվետվությունը. ըստ այդմ՝ 2020 թ. Կառավարության պարտք-ՀՆԱ հարաբերակցությունը կազմում է 63 տոկոս, բյուջեի պակասորդը՝ 334 միլիարդ դրամ է, ռազմական դրությամբ պայմանավորված հավելյալ ծախսերը կազմել են 124 միլիարդ դրամ, արտաքին պարտքը՝ 7 միլիարդ 968 միլիոն դոլար, պետական համակարգում տրվել է 21 միլիարդ դրամի պարգևավճար։
Առողջապահության նախարարությունը դիմել է Կառավարությանը 2021 թվականի բյուջեում փոփոխություն կատարելու և նախարարությանը հավելյալ 1 միլիարդ 100 միլիոն դրամ հատկացնելու համար։
Հայ ժողովուրդն աշխարհի այն եզակիներից է, որն իր պատմության ընթացքում գործած սխալներն ունակ է անընդհատ կրկնելու, ուստի, եթե հիմա խոսում ենք պատմությունից դասեր քաղելու մասին, ապա նախ պետք է հիշենք, որ դասեր քաղում են այն ժողովուրդները, որոնք տեղյակ են իրենց պատմությունից, իսկ այսօր մեր քաղաքական վերնախավը բացարձակապես որևէ առնչություն չունի իր ժողովրդի պատմության հետ, իսկ այն քաղաքական վերնախավը, որը ծանոթ չէ սեփական ազգի պատմությանը, չի՛ կարող պետություն զարգացնել։
«Մարդն ահազանգ է բարձրացնում, իսկ իրականությունը ցույց է տալիս, որ չկա որևէ մեկը, որը գնա այս հայտարարության հետևից։ Արա Այվազյանն ասում է, որ մեր պետականության դեմ դավադրություն է հյուսվում, և ինքը չի գնա դրան։ Եթե նորմալ պայմաններում ապրեինք, ապա այս հայտարարությունից հետո նրանից պետք է պահանջեին պարզաբանում, թե այդ ի՞նչ վտանգ է սպառնում Հայաստանին, որի պատճառով դու գնում ես»,- ասաց Արթուր Եղիազարյանը։
Պետական եկամուտների կոմիտեն Կառավարության համաձայնությանն է ներկայացրել որոշման նախագիծ, որով 2021 թվականի պետական բյուջեում կկատարվի վերաբաշխում ու ՊԵԿ-ին կհատկացվի շուրջ 71 միլիոն դրամ՝ մի շարք ծրագրեր իրականացնելու համար, միևնույն ժամանակ 135.8 մլն դրամի լրացուցիչ բեռ կառաջանա բյուջեի համար։
2021 թվականի փետրվարի 3-ին Կառավարությունն ընդունեց «Սոցիալական աջակցության մասին» օրենքում փոփոխություններ կատարելու մասին» որոշումը, ապրիլի 1-ից էլ սոցիալական պաշտպանության ոլորտի չորս մարմինների գործունեությունը միավորվեց և ստեղծվեց միասնական սոցիալական ծառայություն։
«Նույնիսկ Ադրբեջանի մտքով Փաշինյանի ասածի պես բան չի անցել, որովհետև մարդահամարի տվյալներով ֆիքսված էր, որ հանրաքվեի իրականացումը պետք է լինի 76% հայ և 24% ադրբեջանցի բնակչության համամասնությամբ, և սա է պաշտոնական Երևանի կողմից բանակցվել։ Նիկոլն Ադրբեջանի ներկայացուցիչն է Հայաստանում, նա մեր ներքին թուրքն է, և իր այսօրվա արած ձևակերպումները բխում են թուրքերի շահերից»,- ասաց Զաքարյանը։
«Փաշինյանը որևէ բան չի կարողանում անել, նրան մնացել է հոխորտալ ու շանտաժ անել։ Մի անգամ փորձեց Ռուսաստանին «Իսկանդերով» շանտաժ անել, հիմա ևս շանտաժի է ենթարկում Ռուսաստանին։ Շատ վտանգավոր է»,- ասաց Կարեն Քոչարյանը՝ ընդգծելով, որ մի կողմից՝ շանտաժի է ենթարկում, մյուս կողմից՝ ինքն այլևս ոչ թե ուրիշի սապոգը լիզող է, այլ սապոգի տակի կեղտ, ու դրանով հանդերձ՝ շարունակում է նախկիններին մեղադրել այլ տերություններից կախվածության մեջ լինելու համար։
«Հարց է առաջանում, թե ՀՀ-ն ինչո՞ւ է հայտնվել մի իրավիճակում, որ անվտանգային ռազմական համակարգը չի արձագանքում կատարվողին և չի կատարում իր գլխավոր ֆունկցիան՝ անվտանգության ապահովումը։ Ինչո՞ւ է այսպես, հարցի պատասխանը պարզ է՝ ադրբեջանցիները եկել են Հայաստան իրենց խոստացածի հետևից, նրանք եկել են՝ ունենալով երաշխիք, որ անվտանգային համակարգը դիմադրություն ցույց չի տալու։ Ադրբեջանը եկել է այն ամենի հետևից, ինչը Փաշինյանը խոստացել է հանձնել Ադրբեջանին»,- ասաց Մարտիրոսյանը։
«Արցախի պատերազմի ավարտից հետո աշխարհաքաղաքական փոփոխությունները կարող են կործանարար լինել նաև Իրանի համար։ Իրանում հասկանում են, որ թուրքական օղակը կարող է սեղմվել Իրանի հյուսիսից, Հայաստանը հիմա մի փոքր զարկերակով է սնվում Իրանի հետ։ Եթե հանկարծ դա խցանվեց թուրքական ազդեցիկ կոմունիկացիոն նախագծերով, ապա նման զարգացումը և՛ մեր, և՛ Իրանի համար լրջագույն հետևանքներ է ունենալու»,- ասաց ՀՀԿ փոխնախագահը։
Վարչապետի աշխատակազմը մայիսի 18-ին մեկ անձից հերթական գնումն է կատարել, այս անգամ՝ 9 միլիոն 700.000 դրամի։
«Թուրքական զորքը Նախիջևանում է, իսկ Նախիջևանը Հայաստանից հեռու է ընդամենը մի քանի կիլոմետր, այնպես որ, Նախիջևանում թե էստեղ, այդքան էլ կարևոր չէ։ Հայաստանի համար դա սպառնալիք է, սպառնալիք է նաև Վրաստանի համար, որովհետև եթե Թուրքիան մեր հարցերը լուծեց, հասնելու է Վրաստանին, որովհետև Էրդողանը հայտարարում է, որ Բաթումն իրենցը պետք է լինի, որովհետև Օսմանյան Թուրքիայինն է եղել»։
Կառավարությունը երեկ հերթական նիստում, հերթական անգամ օրակարգում որպես չզեկուցվող հարց ընդգրկված նախագծին հավանություն տվեց: ԱԺ փոխնախագահ Ալեն Սիմոնյանը կառավարությանը ներկայացրած օրենսդրական նախաձեռեռնությամբ առաջարկում է փոփոխություն կատարել ՀՀ քրեական, քրեական դատավարության, Զանգվածային լրատվության և Քաղաքացիական օրենսգրքերում։
