Ոսպով տաք պրովանսյան աղցան
Բաղադրիչները՝
- 300 գ խոշոր ոսպ
- 1-2 միջին չափի գազար
- 1 միջին չափի գլուխ սոխ
- 1 կապ նեխուր
- 3 պճեղ սխտոր
- 3-4 ճյուղ մաղադանոս
- 2 ճյուղ ուրց
- 4-5 կոկոն մեխակ
- 1-2 դափնու տերև
Սոուսի համար
- 1 թ/գ մանանեխ
- 1 ճ/գ կարմիր գինու քացախ
- 3-4 ճ/գ ձիթապտղի ձեթ
- աղ
- աղացած սև պղպեղ
- 2-ական ճյուղ մաղադանոս, թարխուն և ռեհան
Պատրաստման եղանակը
Սոխը մաքրեք, վրան մտցրեք մեխակի կոկոնները: Սխտորն առանց մաքրելու դանակի կոթով մի փոքր ճզմեք: Գազարը մաքրեք ու կտրտեք մանր քառակուսիների ձևով:
Կաթսայի մեջ 1 լիտր սառը ջուր լցրեք, ավելացրեք սխտորը, սոխը, նեխուրը, դափնու տերևը, մաղադանոսի և ուրցի ճյուղերը:
Ավելացրեք ոսպը, հասցրեք եռման աստիճանի, եփեք մինչը պատրաստ լինելը՝ 20-40 րոպե:
Եփելու ավարտից 10 րոպե առաջ ավելացրեք գազարը: Քամեք եփած ոսպը, հեռացրեք սոխն ու խոտաբույսերը:
Եփած սխտորը մաքրեք կեղևից, ճզմեք, դարձրեք շիլայանման զանգված:
Սոուսի համար կանաչիներից հեռացրեք ցողունները, տերևները մանր կտրատեք: Բոլոր բաղադրիչները խառնեք սխտորի շիլայանման զանգվածի հետ ու ավելացրեք տաք մանանեխին:
Խորհուրդ: Ոսպի սիրահարները հիացած կմնան այս աղցանից: Այն կարելի է մատուցել որպես առանձին ուտեստ կամ որպես խավարտ՝ սպիտակ մսի հետ: Ցանկության դեպքում կարող եք նույնը աղցանը ոսպի փոխարեն կարմիր լոբիով պատրաստել:
