Ժամը 12։00-ի դրությամբ ոստիկանության բաժիններ բերման են ենթարկվել խաղաղ ակցիաների 352 մասնակից

Այսօր ժամը 8։00-ից վերսկսված անհնազանդության ակցիաները կաթվածահար են արել մայրաքաղաքի երթևեկությունը: Ոստիկաննական մեծաթիվ ուժեր պարբերաբար բերման էին ենթարկում խաղաղ ակցիաների մասնակիցներին:

Ժամը 12։00-ի դրությամբ ոստիկանության բաժիններ բերման են ենթարկվել խաղաղ ակցիաների 352 մասնակից. այս մասին 168.am-ի հետ զրույցում  փոխանցեցին ոստիկանությունից:

Հիշեցնենք, որ բերման ենթարկվածների թիվը ժամը 9:30–ի դրությամբ 73 էր, իսկ ժամը 10:45–ի դրությամբ՝ 277:

Հիշեցնենք նաև, որ ոստիկանությունը երեկ ռեկորդ էր սահմանել բաժիններ բերման ենթարկվածների թվով. մինչև կեսօր բերման էր ենթարկվել 414 քաղաքացի։