Իրանում հերթական նախագահական ընտրությունները նշանակված են 2021 թվականի հունիսի 18-ին: Այդ մասին հայտարարել է երկրի ներքին գործերի նախարարության ղեկավարի տեղակալ Ջամալ Օրֆը:
Արտակարգ դրության պայմաններում սկսված՝ պարետի որոշումների կատարման նկատմամբ ՀՀ սննդամթերքի անվտանգության տեսչական մարմնի կողմից իրականացվող վերահսկողությունը սննդի շղթայի կազմակերպություններում օր օրի դառնում է առավել թիրախային. քաղաքացիների ահազանգերի հետքերով ՍԱՏՄ տեսուչները հայտնաբերում են նաև սահմանված պահանջները հստակ գիտակցող, սակայն, այնուամենայնիվ, խախտում կատարելուց չխուսափող կազմակերպություններ:
«Այս գաղափարն ավելի շատ Թուրքիայի կողմից է առաջ քաշվում, քան Ադրբեջանի։ Թուրքիայի ազդեցության տակ է պրոպագանդվում այս գաղափարը, որ պետք է լինի, այսպես ասած, թուրանական բանակ։ Այս ամենի հետ կապված՝ Ադրբեջանն ունի լուռ անհամաձայնություն, քանի որ այնտեղ շատ լավ հասկանում են, որ, եթե նման բան լինի, ապա դա կլինի Ադրբեջանի ինքնիշխանության վերջն ու ավարտը»,- 168.am-ի հետ զրույցում ասաց տարածաշրջանային հարցերով փորձագետ Կարեն Հովհաննիսյանը՝ անդրադառնալով թուրք-ադրբեջանական համատեղ բանակ ստեղծելու վերաբերյալ խոսակցություններին, որը կարող է լինել ներկայիս բանակի ավելի արդիական տարբերակը։
Ոստիկանության Մարաշի բաժանմունքի քրեական հետախույզները տեղեկություններ էին ստացել, որ Վարդաշենի 12-րդ փողոցի 33-ամյա մի բնակիչ գողություններ է անում:
2020թ. օգոստոսի 13-ին՝ ժամը 10:30-ի սահմաններում, Դիլիջան քաղաքի 37-ամյա բնակիչը, իր նախկին ընկերուհուն՝ Հրազդան քաղաքի 43-ամյա բնակչուհուն, առևանգելու շուրջ նախնական համաձայնության գալով դեռևս ինքնությունը չպարզված անձի հետ, վերջինիս վարած «Օպել» մակնիշի ավտոմեքենայով գնացել են նախկին ընկերուհու աշխատավայր: 37-ամյա տղամարդը պահանջել է, որ 43-ամյա կինը շարունակի շփվել իր հետ որպես ընկերուհի, սակայն վերջինս հրաժարվել է:
Օգոստոսի 23-ի երեկոյան Բելառուսի ռազմաօդային ուժերի հերթապահ ուժերը եւ հակաօդային պաշտպանության ստորաբաժանումները «սադրանք» են կանխարգելել Օշմյանսկի շրջանի Վոլկովիշչինա բնակավայրի շրջանում. սահմանակից տարածքից արձակվել է ութ օդապարիկներից բաղկացած զոնդ՝ հակապետական խորհրդանշանով, ճշտել են գերատեսչությունում:
Չգիտեմ՝ ինչ նպատակ են հետապնդում, գուցե վարկաբեկել այն ժամանակվա բանակի ղեկավարությանը, ռազմաքաղաքական ղեկավարությանը, բայց դա տեղին չեմ համարում: Դեռևս պատերազմն ավարտված չէ. տեղին չեն նման մեղադրանքները, որովհետև դրանք անիմաստ են: Ասողը երևի ավելի լավ կիմանա, թե ինչ նպատակներ է հետապնդում, համենայն դեպս՝ այն, ինչ ասվում է, իրականությանը չի համապատասխանում առհասարակ:
Կովկասի բնության հիմնադրամի /CNF/ կողմից 2020 թվականի երկրորդ ֆինանսական փոխանցումն է կատարվել «Խոսրովի անտառ» պետական արգելոցին: Հատկացումը կազմել է շուրջ 87 հազար եվրո, տեղեկացնում է Կովկասի բնության հիմնադրամը:
ՀՀ Առողջապահության նախարար Արսեն Թորոսյանն այս պահին աշխատանքի վայրում է, իսկ նախարարությունում շարունակվում է բնականոն աշխատանքային գործընթացը: «Արմենպրես»-ի հետ զրույցում այս մասին ասաց նախարարի մամուլի խոսնակ Ալինա Նիկողոսյանը՝ պատասխանելով Թորոսյանի հրաժարական տալու վերաբերյալ լուրերին:
Ապօրինի ծագում ունեցող գույքի բռնագանձման հայց հարուցելու հիմքերի ուսումնասիրության իրականացումը, ըստ «Ապօրինի ծագում ունեցող գույքի բռնագանձման մասին» ՀՀ օրենքի, վերապահված է ՀՀ գլխավոր դատախազությանը՝ ի դեմս նոր ձևավորման փուլում գտնվող համապատասխան ստորաբաժանման: Նշված գործառույթը նախատեսում է նաև ապօրինի ծագում ունեցող գույքի առկայության, դրա ծավալների և շահագրգիռ անձանց շրջանակի վերաբերյալ տվյալների ձեռքբերումը:
Թեև «Բանկային գաղտնիքի մասին» օրենքում կատարված փոփոխությունները Սահմանադրական դատարանը ճանաչել է հակասահմանադրական, ՀՀ նախագահն էլ այն չի ստորագրել, բայց խոսակցություններն ու մտավախություններն այս օրենքի շուրջ դեռ պահպանվում են։
Ոստիկանության Արագածոտնի մարզային վարչության ու Ապարանի բաժնի ծառայողները օգոստոսի 21-ին այցելեցին Արայի գյուղի տներից մեկը։ Քրեական ոստիկանության գլխավոր վարչությունից տեղեկություններ էին ստացել, որ 49-ամյա տանտերը ապօրինի զենք-զինամթերք ու թմրամիջոց է պահում։
Բազմաթիվ քաղաքացիներ ընտանիքներով ցանկանում են մեկնել ԱՀ՝ այնտեղ անցկացնելու ամառային հանգիստը, սակայն, խուսափելով հատկապես երեխաների համար նոր կորոնավիրուսի թեստ հանձնելու անհարմարություններից, ունենալով մեծ ցանկություն՝ չեն այցելում Արցախ։
«Ամեն դեպքում կանխարգելումը դա կոմպլեքս միջոցառումներ են՝ միայն դիմակը չէ: Մի կողմ դնենք դիմակը, որ երեխաներին դժվար է լինելու, չափսերը սխալ են, երկար ժամանակ կրելը կարող է վնասակար լինել, և այլն: Ընդհանուր առմամբ ինքը դժվար իրականացնելու ուղեցույց է, սկսած նրանից, թե երեխաներին ինչպես նստացնել, արդյոք հնարավոր լինելո՞ւ է սոցիալական հեռավորությունը պահել, և բազմաթիվ այլ հարցեր»,- ասաց նա:
Սիրիայի վարչապետ Հուսեյն Առնուսը Դամասկոսի արվարձանում գազատարի պայթյունը որակել է որպես ահաբեկիչների «ուղերձ»՝ Սիրիայի Արաբական Հանրապետության Սահմանադրական կոմիտեի փոքր խմբի բանակցությունների նախաշեմին, որը օգոստոսի 24-ին աշխատանքն է վերսկսում Ժնեւում:
Նստած մտածում եմ, թե ինչ ծանր բան է հումորի զգացում չունենալը։ Ու ոչ միայն չունենալը, այլ նաեւ պարզ հումորի վրա մի ամբողջ սեքսիստա-գենդերային շարժում ու տեսություն սարքելը, ներտեսակային խմբակներում սույն տեսության շուրջ լրջմիտ քննարկումներ անելն ու ինքնաբոցավառվելը։
172 երկիր է միացել COVAX միջազգային մեխանիզմին, որի նպատակը արդարացի հիման վրա կորոնավիրուսի դեմ պատվաստանյութի ապահովումն է բոլոր երկրներին, երբ այն հայտնվի: Օգոստոսի 24-ին ժնեւում կայացած ճեպազրույցում այդ մասին հայտնել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյսուսը:
Ավելի վաղ տեղեկացրել ենք, որ Խաշթառակ համայնքի 57-ամյա բնակիչը, իր հանգիստը խանգարելու պատճառով, 2014թ. ծնված անչափահաս թոռան առողջությանը ծանր վնաս պատճառելու դիտավորությամբ, ձեռքերով, ոտքերով և փայտով բազմաթիվ հարվածներ է հասցրել վերջինիս մարմնի տարբեր մասերին, որի հետևանքով 6-ամյա երեխան վայր է ընկել, գլխով հարվածել է բազմոցի ոտնակին, ստացել կյանքի համար վտանգավոր բազմաթիվ մարմնական վնասվածքներ և անգիտակից վիճակում տեղափոխվել «Արաբկիր» բժշկական կենտրոն:
Ու եթե անձնական պրոֆիլը ջնջել-չջնջելն իր գործն է, հարց է առաջանում, թե ինչ իրավունքով է ջնջել պաշտոնական էջը, որի վրա ահռելի ժամանակ ու փող է ծախսված (հիշո՞ւմ եք, որ գովազդում էին), այդ թվում և մեր՝ հարկատուների հաշվին վճարված ժամանակը։
2015թ.-ից սկսած «Ստեփան Գիշյան» բարեգործական հիմնադրամը աջակցում է հասարակության համար կարևոր և հեռանկարային ծրագրերի իրականացմանը: 2017թ.-ից մինչև այժմ հիմնադրամի աջակցությամբ իրականացվել է 12 ծրագիր, ներդրվել՝ ավելի քան 34 միլիոն դրամ: Իրականացված ծրագրերի արդյունքներից օգտվում է ավելի քան 2000 շահառու, ստեղծվել է շուրջ երկու տասնյակ աշխատատեղ: Այս տարի «Ստեփան Գիշյան» բարեգործական հիմնադրամը մրցութային կարգով ընտրել է հասարակության համար հեռանկարային 5 ծրագիր:
«Հաճույքով կպատասխանեի, բայց ուշանում եմ»,- այսպես պատճառաբանեց լրագրողների հարցերին չպատասխանելն իշխող «Իմ քայլը» խմբակցության պատգամավորների հետ հանդիպման ավարտից հետո տարածքը լքելիս վարչապետ Նիկոլ Փաշինյանը:
«Անիմաստ ու անհնար նախաձեռնություն է՝ միավորել Վճռաբեկ ու Սահմանադրական դատարանները։ Այսպիսի փոփոխությունները, նախևառաջ, արվում են հանրաքվեի միջոցով, որովհետև դատական իշխանության վերաբերյալ Սահմանադրության դրույթները փոփոխության են ենթարկվում միայն հանրաքվեի միջոցով։ Այսինքն, այնպես չի, որ իրենք որոշել ու փոխում են, այդպես չի լինելու, – «Փաստինֆո»-ի հետ զրույցում ասել է ՄԻԵԴ-ում Հայաստանի նախկին ներկայացուցիչ, գլխավոր նախկին դատախազ Գեւորգ Կոստանյանը։
Երևանի ընդհանուր իրավասության դատարանի Կենտրոն և Նորք-Մարաշ նստավայրում այսօր Հրայր Թովմասյանի և Նորայր Փանոսյանի գործով դատական նիստը հետաձգվել է։ Նիստը հետաձգելու պատճառը եղել է այն, որ Դատախազությունը Հրայր Թովմասյանին պատշաճ չի ծանուցել մեղադրական եզրակացությունը:
«Վիրուսի հետ կապված իրավունք չունեմ որևէ ինֆորմացիա տալ։ Բայց ասեմ, որ Վարդենիսում կորոնավիրուսի բռնկում չկա, ամեն ինչը վերահսկելի է։ Կարող եք պոլիկլինիկայից էլ իմանալ, որ այս պահին բռնկում չկա։ Ասենք, կարող է՝ վերջին մեկ ամսվա ընթացքում մի քանի դեպք ունեցել ենք, ինչպես ՀՀ բոլոր քաղաքներում կամ համայնքներում։ Այս պահին մեզ մոտ աշխատանքային նորմալ օր է, հանգիստ աշխատում ենք և դրա հետ կապված որևէ մտահոգություն էլ չունենք»,- 168.am-ի հետ զրույցում ասաց Արամ Մելքոնյանը։
Բնապահպանության և ընդերքի տեսչական մարմինը հիշեցնում է Հայաստանի Հանրապետության տարածքում կառուցվող (վերակառուցվող, քանդվող) օբյեկտների շինարարության ընթացքում փոշու արտանետումները կանխարգելող միջոցառումները չկատարելու դեպքում նախատեսված տուգանքի մասին։
ՀՀ վարչապետ Նիկոլ Փաշինյանը շնորհավորական ուղերձ է հղել Ուկրաինայի նախագահ Վոլոդիմիր Զելենսկիին՝ երկրի Անկախության օրվա առթիվ: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, ուղերձում ասված է.
Գերմանիայի ԱԳ նախարար Հայկո Մաասը հայտարարել է, որ Ուկրաինայի իր պաշտոնակից Դմիտրի Կուլեբոյի հետ քննարկել է ընտրությունների անցկացումը Դոնբասում, հարկավոր է առաջ շարժվել այդ հարցում:
Պետական եկամուտների կոմիտեն տեղեկացնում է, որ ՀՀ պարետի 2020թ. ապրիլի 3-ի թիվ 31 որոշման` ուժը կորցրած ճանաչվելու արդյունքում Հայաստանից բժշկական նպատակներով օգտագործման ենթակա ապրանքներ արտահանելիս այսուհետ ՀՀ ՊԵԿ կենտրոնական ապարատի հատուկ թույլտվությունն անհրաժեշտ չէ` մաքսային գործառնություններ կատարելու համար:
«Լիդիան Արմենիան» տեղեկացնում է, որ զրպարտության համար հայցադիմում է ներկայացրել ՀՀ Ազգային ժողովի պատգամավոր Արման Բաբաջանյանի դեմ` վերջինիս կողմից հարցազրույցի ընթացքում «Լիդիանի» Ամուլսարի ծրագրի վերաբերյալ խոսելիս «…կոռուպցիոն և հանցավոր ճանապարհով ձեռք բերված թույլտվություններ» «…նախկին կոռուպցիոն շղթաներով ամբողջությամբ կազմակերպած այդ հանցավոր գործարքը՝ Ամուլսարի, Լիդիանի» և նման արտահայտություններ կիրառելու համար: Ընկերության որակմամբ, ընդգծված արտահայտությունները զրպարտություն են, ոչ մի աղերս չունեն իրականության հետ և նպատակ ունեն արատավորել ընկերության գործարար համբավը:
Կորեայի Հանրապետության իշխանությունները «տարերային աղետի հատուկ գոտիներ» են հայտարարել երկրի եւս 20 քաղաքներ, գավառներ եւ շրջաններ, ինչպես նաեւ 36 մանր վարչական միավորներ, որոնք վնաս են կրել սաստիկ անձրեւներից եւ դրանց հարուցած հեղեղումներից: Ինչպես օգոստոսի 24-ին հաղորդել է Yonhap գործակալությունը, համապատսխան որոշումն ավելի վաղ հավանության է արժանացել երկրի նախագահ Մուն Չժե Ինի կողմից:
