«Մենք պետք է խաղը պատկերացնենք առանց հանդիսականների և պատրաստ լինենք: Սա տարօրինակ է»․ Մեսսի
«Բարսելոնայի» հարձակվող Լիոնել Մեսսին կիսել է իր կարծիքը Լա Լիգայի պլանավորված վերսկսման մասին՝ առանց հանդիսականների:
«Նրանք խոսում են մրցաշրջանի ավարտի մասին Իսպանիայի առաջնությունում առանց հանդիսատեսի, ինչը մի շարք խնդիրներ է ստեղծում:
Թիմը պատրաստվում է այնպես, ինչպես ցանկացած այլ խաղի: Բայց յուրաքանչյուր խաղացող պետք է պատրաստվի և պատկերացնի խաղն առանց հանդիսականների, քանի որ սա տարօրինակ է:
Ես ինչ-որ կերպ ստիպված էի խաղալ առանց հանդիսականների տանը, և դա սարսափելի էր: Բայց նորմալ է, որ լիգան վերսկսում է սեզոնն այսպես, հաշվի առնելով այն, ինչ մենք անցել ենք, ինչ է կատարվում աշխարհում: Սա բացարձակապես հասկանալի է:
Երբ մենք նորից սկսենք խաղալ, դա կլինի սկսել զրոյից: Մենք ժամանակ ունենք պատրաստվելու, վնասվածք ունեցող առանցքային խաղացողները կկարողանան վերադառնալ մարզումների։
Տեխնիկապես սա կլինի մրցաշրջանի շարունակություն, բայց ես կարծում եմ, որ յուրաքանչյուր խաղացող և յուրաքանչյուր թիմ կզգա, որ ամեն ինչ այլ է»,- ասել է Մեսսին:
Նախկինում հաղորդվում էր, որ Լա Լիգան կարող է վերսկսվել հունիսի 8-ին կամ 11-ին:
Մրցաշարային աղյուսակում «Բարսելոնան» առաջատարն է՝ 58 միավոր, ևերկու միավորով գերազանցում է «Ռեալին»:
Սիրարփի Աղաբաբյան
