Պեսկովը՝ Միշուստինի հեռանալու մասին
Կրեմլն անհեթեթություն է համարել լրատվամիջոցներում տարածված այն տեղեկությունը, թե կորոնավիրուսը հաղթահարելուց հետո վարչապետ Միխայիլ Միշուստինը կարող է չվերադառնալ աշխատանքի: Այս մասին տեղեկացնում է «ՌԻԱ Նովոստի»-ն՝ մեջբերելով ՌԴ նախագահի մամուլի խոսնակ Դմիտրի Պեսկովի խոսքերը. «Անհեթեթություն է»:
Ապրիլի 30-ին վարչապետ Միշուստինը հայտնել էր, որ իր մոտ կորոնավիրուսի ախտորոշման թեստի դրական պատասխան է ստացվել: Նա առաջարկել էր իր բուժման ընթացքում ժամանակավոր պաշտոնակատար նշանակել առաջին տեղակալ Անդրեյ Բելոուսովին:
Ավելի ուշ լրատվամիջոցները գրել էին, թե Միշուստինը կարող է չվերադառնալ իր պարտականություններին:
