ԿԺԴՀ-ի դեմ պատերազմի հարավ-կորեաամերիկյան պլանը հայտնվել է ցանցահենների ձեռքում
Ցանցահենները կարողացել են ծանոթանալ թիվ 5027 պլանին, որը նկարագրում է Կորեայի
Հանրապետության (ԿՀ) եւ ԱՄՆ-ի համատեղ գործողությունները ԿԺԴՀ-ի դեմ լիամասշտաբ պատերազմի դեպքում: Այս մասին KBC հեռուստաալիքին հայտնել է Հարավային Կորեայի կառավարության մի աղբյուր:
«Անցյալ տարվա սեպտեմբերին ենթադաբար հյուսիսկորեացի ցանցահենները «կոտրել են» Կորեայի Հանրապետության ազգային պաշտպանության նախարարության ներքին ցանցը: Վերջերս ավարտված հետաքննության արդյունքներով պարզվել է, որ չարագործների ձեռքին հայտնված նյութերի մեջ եղել է թիվ 5027 օպերատիվ պլանը»,-նշել է հեռուստաալիքը:
Աղբյուրը հայտնել է, որ զինվորական դատախազությունն արդեն պաշտպանության նախարարին զեկուցել է հետաքննության արդյունքների մասին: Ներկայում որոշվում է այն անձանց շրջանակը, որոնք պատասխանատվություն են կրելու գաղտնի տվյալների արտահոսի համար: Բացի դրանից, ԱՄՆ-ն եւ ԿՀ-ն այժմ հարկադրված կլինեն լուրջ շտկումներ մտցնել թիվ 5027 օպերատիվ պլանի մեջ, հաղորդել է ՏԱՍՍ-ը
