Լեռնային Ղարաբաղի փոխվարչապետ Արթուր Աղաբեկյանը «Ազատության» հետ զրույցում կտրականապես հերքեց ադրբեջանական որոշ լրատվամիջոցների տարածած տեղեկություններն այն մասին, թե ադրբեջանական զինուժին հաջողվել է գրավել Ղարաբաղի Թալիշ և Սեյսուլան գյուղերը:
«Ես համոզված եմ, որ սև դիմակներով մարդիկ այսօր ծափահարում են Ալիևին, որովհետև նա հուսահատ ավանտյուրիստական քայլեր է անում, որպեսզի մաքրի Հարավային Կովկասը քրիստոնեական, արևմտյան մշակույթից: Այստեղ նա գիտակից ձևով, թե անգիտակից, գործում է ԴԱԻՇ-ի կամ ԻԳԻԼ-ի նման կազմակերպությունների շահերից:
Տարասովի կարծիքով` ադրբեջանական կողմի ակտիվությունը կարող է լինել հնարք՝ շեղելու ուշադրությունը Սիրիայում տիրող իրավիճակից: Եվ այս ամենը կատարվում է Թուրքիայի հետ համաձայնեցված: «Սա կարող է իրավիճակը ապակայունացնող լուրջ նշան լինել, և խոսքը միայն Անդրկովկասի մասին չէ»,- նշեց Տարասովը:
Ինչպես արդեն տեղեկացրել ենք, ժամեր առաջ ՀՀ պաշտպանության նախարարության կենտրոնական կլինիկական զինվորական հոսպիտալ է տեղափոխվել 3 զինծառայող: Քիչ առաջ ևս 3 շտապօգնության մեքենաներ եկան հոսպիտալ: Նշենք, որ այժմ այնտեղ հավաքվել են մեծ թվով քաղաքացիներ, որոնք սպասում են, որ որոշակի տեղեկություններ ստանան զինծառայողների վիճակի մասին:
Եվրոպական խորհրդարանի պատգամավոր, Եվրոպայի պահպանողականների և բարեփոխիչների խմբի անդամ դոկտոր Չարլզ Թեննոքը կոչ է անում հարգել Մինսկի խմբի շրջանակում Լեռնային Ղարաբաղի հակամարտության կարգավորման գործընթացը, դադարեցնել բախումները: Նրա խոսքով` նավթի գնի անկման և բյուջետային ճնշումների պայմաններում Ադրբե ջանի կառավարության կողմից Լեռնային Ղարաբաղում ռազմական ճանապարհով որևէ լուծման գնալը վերջին զբաղմունքը պետք է լինի:
«Գրքի ամենակարևոր ֆունկցիան կայանում է հուզմունք առաջացնելու, ապրումակցման զգացողություններ առաջացնելու մեջ, որ մարդը հղկվի, դառնա՝ մարդ»,- այսպես է բնորոշում գրքի դերն Արմեն Մարտիրոսյանը:
ԼՂՀ առողջապահության նախարարության Շահումյանի շրջանի «Քարվաճառի շրջանային բուժմիավորում» է տեղափոխվել Կամո Օհանյանը (ծն. 2000թ.) ձախ սրունքի ներծային 1/3 պատռվածք վերքով:
Առավել խոշոր բախումներ են տեղի ունենում մարտագծի հարավարևելյան ուղղությամբ: Հակառակորդը կիրառելով զրահատեխնիկա, հրետանային միջոցներ, այդ թվում՝ ՄՄ-21 («Գրադ») տիպի կայանք, հարձակման թիրախ է դարձրել ոչ միայն պաշտպանության բանակի դիրքերը, այլև՝ խորը թիկունքում գտնվող խաղաղ բնակավայրերը: Այս ուղղությամբ ՊԲ հակաօդայինների կողմից ժամը 12:30-ի սահմաններում խոցվել է թշնամական մեկ ռազմական ուղղաթիռ և 2 տանկ:
Ռուսաստանի առաջնության 22-րդ տուրում Եկատերինբուրգի «Ուրալ»-ը, որի կազմում հանդես է գալիս Հայաստանի ազգային հավաքականի հարձակվող Էդգար Մանուչարյանը, սեփական հարկի տակ 1-0 հաշվով առավելության է հասել «Ուֆա»-ի նկատմամբ:
Աղոթում ենք, որ Տերը երկնքի լուսեղեն հարկերում հանգստություն պարգևի զոհվածների հոգիներին, մխիթարություն` հարազատներին, շուտափույթ ապաքինում` վիրավորներին:
Ղարաբաղա-ադրբեջանական շփման գծում տեղի ունեցած իրավիճակը պետք է օգտագործել` Ադրբեջանի պոտենցիալին ավելի մեծ վնաս հասցնելու համար: Մեկնաբանելով սահմանին տեղի ունեցող գործոցությունները, նշեց քաղաքագետ Լևոն Շիրինյանը:
«Կոչ եմ անում կողմերին անմիջապես դադարեցնել թշնամական գործողությունները և լիովին հարգել հրադադարի ռեժիմը: Այս հակամարտությունը չի կարող ունենալ ռազմական լուծում: Կողմերը պետք է քաղաքական կամք ցուցաբերեն և վերադառնան Մինսկի խմբի շրջանակներում բանակցությունների: Համանախագահներն իրենց գործում ունեն իմ լիակատար աջակցությունը»,- հայտարարել է Գերմանիայի արտաքին գործերի նախարարը:
«Կոչ եմ անում կողմերին անմիջապես դադարեցնել մարտերը և պահպանել հրադադարը: Կողմերը պետք է զսպվածություն ցուցաբերեն և խուսափեն հետագա այնպիսի քայլերից և հայտարարություններից, որոնք կարող են բերել լարվածության աճի: Եվրոպական միությունը ցավում է մարդկային կորուստների, մասնավորապես վիրավոր և սպանված քաղաքացիական անձանց համար»,- նշել է նա:
Ադրբեջանի կողմից լարվածության նման սրումը հղի է անկանխատեսելի հետևանքներով։ Ստեղծված իրավիճակում ԼՂՀ Պաշտպանության բանակը ձեռնարկում է անհրաժեշտ բոլոր միջոցները՝ պարտադրելու Ադրբեջանին դադարեցնել ռազմական գործողությունները։
«Վնասված կայքեր չկան, առնվազն ես տեղյակ չեմ»,- 168.am-ի հետ զրույցում այս մասին ասաց տեղեկատվության անվտանգության մասնագետ Սամվել Մարտիրոսյանը:
Զինծառայողները որովայնի, կրծքավանդակի, ստորին վերջույթների, դեմքի վնասվածքներ ունեն:
«Ադրբեջանի ոտնձգությանը հայկական բանակի կողմից համապատասխան միջոցառումներ են ձեռնարկվել և Ադրբեջանը կորուստներ ունի: Մեզ համար կատարվողը և՛ մտահոգիչ է, և՛ դատապարտելի, և հուսով ենք, որ միջազգային հարթակում համապատասխան գնահատականը շուտով կտան»,- 168.am-ի հետ զրույցում հայտարարեց ԱԺ ԲՀԿ խմբակցության քարտուղար Վահե Էնֆիաջյանը` մեկնաբանելով նախորդ գիշեր Ղարաբաղյան հակամարտության գոտում Ադրբեջանի սանձազերծած աննախադեպ ռազմական գործողությունները:
Ադրբեջանի պաշտպանության նախարարությունը հաղորդագրություն է տարածել, որտեղ ասվում է, որ ղարաբաղա-ադրբեջանական հակամարտ զորքերի շփման գծում ընթացող ռազմական գործողությունների հետևանքով սպանվել է ադրբեջանական բանակի 12 զինծառայող։ Այդ մասին հայտնում է APA գործակալությունը:
Նախորդ տարի ԱԱԾ կողմից վնասազերծված «հանցախմբի» գործով մեղադրյալներ Մարինե Կաթանյանն ու Ասյա Մկրտչյանն այսօր ազատ են արձակվել: Տեղեկությունը մեզ հետ զրույցում հաստատեց նրանց պաշտպան Ինեսսա Պետրոսյանը:
ՀՀ պաշտպանության նախարարությունը պաշտոնապես հայտարարում է, որ ադրբեջանական տարբեր լրատվամիջոցներով տարածվող տեղեկատվությունն առ այն, որ իբր ադրբեջանական զինված ուժերը ԼՂՀ տարածքում ազատագրել են տարբեր բնակավայրեր, հայկական կողմը կրել է սպառազինության, ռազմական տեխնիկայի տասնյակ, իսկ կենդանի ուժի հարյուրավոր կորուստներ, ակնհայտ ապատեղեկատվություն են և իրականության հետ ոչ մի առնչություն չունեն:
«ԵԱՀԿ Մինսկի համանախագահները կհանդիպեն երկուշաբթի օրը Վիեննայում, իսկ երեքշաբթի՝ Մինսկի խմբի հետ՝ արձագանքելու Լեռնային Ղարաբաղում տեղի ունեցող բռնությանը»,- գրել է ԵԱՀԿ Մինսկի խմբի ամերիկացի համանախագահը:
ԼՂՀ ԱԺ նախագահ Աշոտ Ղուլյանը ընդհատել է իր աշխատանքային այցը Ֆրանսիա և ժամեր հետո կվերադառնա Արցախ:
Ադրբեջանի նախահարձակ գործողությունների հետեւանքով իրավիճակը սրվել է Ղարաբաղյան հակամարտության ողջ սահմանային գծում՝ ուղեկցվելով ծանր տեխնիկայի օգտագործմամբ եւ երկուստեք մարդկային կորուստներով։
Ապրիլի 1-ին հակառակորդի կողմից արձակված կրակոցից մահացու հրազենային վիրավորում ստացած զինծառայողը գյումրեցի է: 20-ամյա Վլադիմիր Մելքոնյանի ընտանիքն ապրում է սոցիալապես անապահով պայմաններում: Նա ընտանքի կրտսեր զավակն էր: Մեծ եղբայրը մեկնել էր ատագնա աշխատանքի:
[17:36:55] carmen ghukasyan: ԵԱՀԿ Մինսկի խումբը դատապարտել է ուժի կիրառումը Լեռնային Ղարաբաղում
ԵԱԿՀ Մինսկի խմբի համանախագահները՝ Իգոր Պոպովը (ՌԴ), Ջեյմս Ուորլիքը (ԱՄՆ) և Պիեր էնդրյուն (Ֆրանսիա) քիչ առաջ հայտարարություն են տարածել՝ դատապարտելով ուժի կիրառումը Լեռնային Ղարաբաղում: Համանախագահները խորը անհանգստություն են հայտնում Լեռնային Ղարաբաղի հակամարտության գոտում շփման գծի երկայնքով տեղի ունեցող հրադադարի լայնամասշտաբ խախտումների կապակցությամբ: «Մենք վճռականորեն դատապարտում ենք ուժի կիրառումը և ցավում մարդկանց անիմաստ մահվան համար, ներառյալ քաղաքացիական անձանց»,- ասված է հայտարարության մեջ: ԵԱՀԿ Մինսկի խումբը կոչ է անում դադարեցնել կրակն ու ձեռնարկել բոլոր անհրաժեշտ քայլերը տեղում իրավիճակը կայունացնելու համար: Նրանք վերահաստատում են, որ «այլընտրանք չկա խաղաղ բանակցությունների միջոցով հակամարտության կարգավորմանը, և պատերազմը լուծում չէ»:
ԵՀՄՖ-ն և PANAP կենտրոնը աշխատելու են Բրյուսելի և Մոսկվայի հետ կատարվածի պարզաբանման և գնահատականը տալու միտումով: Համաձայն ԵՀՄՖ-ի և PANAP կենտրոնի փորձագետների կարծիքի՝ Ադրբեջանի կողմից նման քայլը հրահրվել և սատարվել է Թուրքիայի կողմից և ունի հստակ նպատակ. անկայունացնել իրավիճակը Հարավային Կովկասում և ստեղծել Ռուսաստանի համար խնդիրներ`երկրորդ ռազմաճակատ բացելով ԵԱՏՄ-ի սահմանի մոտ։
Այսօր ղարաբաղա-ադրբեջանական հակամարտ զորքերի շփման գծում հակառակորդի ձեռնարկած նախահարձակ գործողությունների ընթացքում հիվանդանոց էր տեղափոխվել նաև վիրավորում ստացած Մատաղիսի գյուղապետը՝ Զավեն Ավանեսյանը:
Ապրիլի 1-ից 2-ի գիշերը ղարաբաղա-ադրբեջանական ուժերի շփման գծի ողջ երկայնքով Ադրբեջանի կողմից իրականացրած մարտական գործողություններն՝ ուղեկցված տանկերի, հրետանու և օդուժի ինտենսիվ կիրառմամբ, ոչ միայն խախտել են հրադադարի ռեժիմը, այլև փաստացի վերսկսել պատերազմական գործողությունները՝ սպառնալով ինչպես ԼՂՀ-ի, այնպես էլ՝ Հայաստանի Հանրապետության ազգաբնակչության անվտանգությանը։
ԼՂՀ առողջապահության նախարարության Հանրապետական բժշկական կենտրոնում Ծովինար Աղաջանյանի մոտ կատարվել է վերքի առաջնային մշակում, Գարեգին Աղաջանյանի մոտ` լապարատոմիա, բարակ աղու կարում, Զավեն Ավանեսյանի մոտ` լապարատոմիա լյարդի վնասվածքի կարում, Հայկ Թորոսյանի մոտ`գանգի դեկոմպրեսիոն տրեպանացիա:
«Ծանր հրետանու, ուղղաթիռների կիրառումը քաղաքացիական անձանց դեմ վերջին հարձակումների ընթացքում ահավոր քայլ է, որ բերել է անմեղ մարդկանց կորուստների: Միջազգային հանրությունը չի կարող սա թույլ տալ, ԵՄ-ն չի կարող լուռ մնալ»,- նշեց եվրապատգամավորը՝ հավելելով, որ Ադրբեջանի կառավարությանը դատապարտելը և մեկուսացնելը բարոյական և քաղաքական պարտավորություն է:
