ԵԱՀԿ Մինսկի խմբի համանախագահները կհանդիպեն երկուշաբթի. Ջեյմս Ուորլիք
Ինչպես Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը, ԵԱՀԿ Մինսկի համանախագահների հանդիպումը կկայանա երկուշաբթի օրը:
«ԵԱՀԿ Մինսկի համանախագահները կհանդիպեն երկուշաբթի օրը Վիեննայում, իսկ երեքշաբթի՝ Մինսկի խմբի հետ՝ արձագանքելու Լեռնային Ղարաբաղում տեղի ունեցող բռնությանը»,- գրել է ԵԱՀԿ Մինսկի խմբի ամերիկացի համանախագահը:
Հիշեցնենք, որ ԵԱԿՀ Մինսկի խմբի համանախագահները դատապարտել են ուժի կիրառումը Լեռնային Ղարաբաղում:
«Մինսկի խումբը դատապարտում է ուժի կիրառումը Լեռնային Ղարաբաղում ու ափսոսանք է հայտնում՝ կապված զոհերի հետ, այդ թվում՝ խաղաղ բնակչության շրջանում»,- ասված է հայտարարության մեջ:
