Շփման գծի զինծառայողներին տրվել է շարժական բոլոր ռազմական օբյեկտների վրա անհապաղ կրակելու հրաման. Զաքիր Հասանով
Ադրբեջանական Turan լրատվական գործակալության փոխանցմամբ՝ Ադրբեջանի պաշտպանության նախարար Զաքիր Հասանովն այսօր ընդունել է ԵԱՀԿ գործող նախագահի անձնական ներկայացուցիչ Անջեյ Կասպրշիկին: Այս մասին հայտնել է Ադրբեջանի ՊՆ-ի մամլո ծառայությունը:
Հանդիպման ժամանակ քննարկվել է շփման գծում տիրող իրավիճակը, կարծիքներ են փոխանակվել իրավիճակի կարգավորման վերաբերյալ: Հասանովը շփման գծում տիրող լարվածության պատասխանատվությունը դրել է հայկական կողմի վրա:
Հասանովը հավելել է, որ շփման գծի ողջ անձնակազմին տրվել է յուրաքանչյուր շարժվող ռազմական օբյեկտի վրա անհապաղ կրակ բացելու հրաման:
