Խոզաբուծական ֆերմայից անասնակեր է գողացել և վաճառել

Մայիսի 6-ին, ժամը 19.40-ին, ոստիկանության Դիլիջանի բաժնի ծառայողները Դիլիջան քաղաքի Օրջոնիկիձեի փողոցից, գողություն կատարելու կասկածանքով, բերման են ենթարկել 1981 թ. Սամվել Գ.-ին:

Նա խոստովանել է, որ մարտին «Պարզ լիճ» կոչվող տարածքում գտնվող խոզաբուծական ֆերմայից 2 անգամ գողացել է 560 կգ ընդհանուր կշռով 14 պարկ խտացված անասնակեր և մորաքրոջ որդու` 1986 թ. ծնված Արամ Ղ.-ի հետ նրա «Ֆորդ-Տրանզիտ» մակնիշի ավտոմեքենայով տեղափոխել իր տուն ու վաճառել:

Վնասի չափը պարզվում է:

Ձեռնարկվում են միջոցառումներ տուժողի անձը պարզելու ուղղությամբ:

Կատարվում է հետաքննություն:

ՀՀՈստիկանություն