ՀՀԿ-ականները դեմ են Վահրամ Բաղդասարյանի՝ խմբակցության ղեկավար դառնալուն. «Հրապարակ»
«Վահրամ Բաղդասարյանի՝ ՀՀԿ ֆրակցիայի ղեկավար դառնալու հարցը դժգոհություններ է առաջացրել ՀՀԿ-ի ներսում. բոլորը զարմացած են՝ բայց ինչո՞ւ ինքը»,- գրում է «Հրապարակը» թերթը՝ ավելացնելով.
«Այդ պոստի համար պայքարելիս է եղել Խոսրով Հարությունյանը, իսկ ջահելների թևը «բրթել» է Կարեն Ավագյանին: Նախորդ օրը Գալուստ Գրիգորիչը հարկ է համարել արձանագրել, որ իր հետ Սերժ Ազատիչը խոսել է, ու խնդիրը լուծված է:
Դժգոհության մյուս պատճառն էլ այն է, որ Վահրամ Բաղդասարյանը համարվում է Աղվան Հովսեփյանի ամենամտերիմ մարդը, և շատերը չեն հասկանում, թե վերջինս ինչպես է աշխատելու Դավիթ Հարությունյանի հետ:
Հիշեցնենք, որ Բաղդասարյանը ժամանակներ առաջ սուր կոնֆլիկտ ունեցավ ԱԺ-ում նախագահի ներկայացուցիչ Վիկտոր Դալլաքյանի հետ, ով ընտրվել է այն տարածքից, որտեղ նաև Բաղդասարյանն էր առաջադրվել»:
Ամբողջությամբ կարդացեք «Հրապարակ»-ի այսօրվա համարում։
