Համայնքների բնակիչները վարչապետին են ներկայացրել իրենց գյուղերի ջրամատակարարման հետ կապված խնդիրները և առաջարկել ստեղծել հանձնաժողով՝ առկա խնդիրներն ուսումնասիրելու նպատակով:
Նոյեմբերի 6-ին Արագածոտնի մարզի Շղարշիկ և Եղնիկ գյուղերի բնակիչները փակել էին Երևան-Գյումրի ավտոճանապարհը: Խնդիրն այն է, որ այս երկու գյուղերի ջրամատակարարման համար գործում է մեկ ջրագիծ, և Եղնիկ գյուղի բնակիչները մի քանի օր է, ինչ ջուր չեն ստանում:
«Մտածողության շնորհիվ հաղթահարում են նաեւ փորձնական փուլը: Երբ մեր լաբորատորիան ընդամենն այս պահարանն է (լաբորատոր բառը էստեղ չի էլ սազում), առավելագույն արդյունք են ցուցաբերում: Արդեն գիտենք՝ որ փորձը անենք, որ տիպային լինի, ընդգրկի մյուս չարածները»:
Ջերմուկում նոյեմբերի 7-8-ը տեղի կունենա Գյուղական համայնքների ամենամյա ավանդական չորրորդ համաժողովը, որի նպատակը տեղական ինքնակառավարման համակարգի եւ գյուղական համայնքների ամենաարդիական խնդիրների քննարկումն է՝ ոլորտում ներգրավված բոլոր շահագրգիռ կողմերի մասնակցությամբ:
Արդեն պաշտոնապես հայտնի է, թե Վայոց ձորի մարզպետի պաշտոնում ով կփոխարինի Էդգար Ղազարյանին։ Նոր մարզպետը կլինի Հարություն Սարգսյանը։ Վերջինիս նշանակման որոշման նախագիծը ներառված է ՀՀ կառավարության՝ վաղվա նիստի օրակարգում։
«Այսօր «Այբ» և «ԹՈւՄՈ» դպրոցներն իրենց կենտրոններն են ստեղծում Դիլիջանում, Գյումրիում, Արցախում։ Մենք աջակցում և մասնակցում ենք այդ գործընթացներին և աշխատում ենք չկենտրոնանալ Երևանի վրա։ Մեր նպատակն է ապակենտրոնացումն այն իմաստով, որ մարդիկ ոչ միայն չարտագաղթեն Հայաստանից, այլև չլքեն իրենց բնակավայրերը։ Հիմնականում ինչպե՞ս է ստացվում, որ մարզերից բնակչությունը տեղափոխվում է Երևան։ Ծնողը գիտի, որ դպրոցում մեկ ուսուցիչը կարող է միանգամից հինգ առարկա դասավանդել և ցանկանում է հուսալի կրթություն իր զավակի համար։ Մենք չենք կարող ամեն մարզում մեկ «Այբ» բացել, բայց կարող ենք ամեն շաբաթ ապահովել, որ «Այբի» մաթեմատիկայի ուսուցիչն օնլայն դաս վարի մարզային դպրոցների մաթեմատիկայի ուսուցիչների հետ», – ասաց պարոն Ենգիբարյանը։
Ներկայումս Հայաստանում գործում է 465 հակակարկտային համակարգ, բայց ռադիոլակացիոն համակարգերը 2-ն են: Ինչպես այսօր Աժ մշտական հանձնաժողովներում 2015 թ. բյուջեի քննարկումների ժամանակ տեղեկացրեց ԱԻ նախարար Արմեն Երիցյանը, ռադիոլոկացիոն համակարգերն են ցույց տալիս՝ կարկտաբե՞ր են ամպերը, թե՞ ոչ:
Առաջնայինն, ըստ Նարեկ Կարապետյանի, այն է, որ երիտասարդների համար ստեղծվում է համապատասխան հարթակ՝ ինքնադրսևորվելու, հաստատվելու, հանդիսատեսին ներկայանալու համար, ինչպես նաև հնարավորություն է ընձեռվում փոխադարձ շփումների, փորձի փոխանակության ու նաև երիտասարդներին հուզող տարաբնույթ հարցեր միասին քննարկելու: Մյուս կողմից, հաշվի առնելով, որ մեր իրականության մեջ առկա են օտարածին երևույթների ներխուժման վտանգավոր միտումներ, կազմակերպիչները նպատակ ունեն նման միջոցառումների միջոցով մեր երիտասարդությանը, նաև հասարակության լայն շերտերին հնարավորություններ ընձեռել առավել սերտորեն առնչվել մեր ազգային արժեքներին, ազգային մշակույթին, նշեց Նարեկ Կարապետյանը:
Վաղը Արարատի մարզի Հայանիստ գյուղում լինելու է բողոք-հավաք` տրանսպորտի անբարվոք վիճակի դեմ: Մոտ տասը գյուղ (Ջրառատ, Գայ, Հայկաշեն, Մեծամոր, Հովտաշատ, Հայանիստ, Խաչփար, Ազատաշեն, Գեղանիստ) սնող Ջրառատ-Երևան երթուղային տաքսին միակն է, որը հասնում է մինչև Երևան և չկա այլընտրանք:
«Չի կարող ծնողը իր մի երեխային լավ նայել, մյուսին՝ ոչ: Դա վառ երևաց Էրեբունի-Երևան տոնակատարության ժամանակ, որի համար ծախսված գումարով կարելի էր Վանաձորում մի քանի խաղահրապարակ կառուցել»,- այսօր ԱԺ-կառավարություն հարցուպատասխանի ժամանակ հայտարարեց պատգամավոր Էդմոն Մարուքյանը:
Աղքատության ցուցանիշով առաջին տեղում Շիրակի մարզն է։ Այստեղ բնակչության շուրջ կեսը՝ 46%-ը, համարվում են աղքատ, 5.5%-ը՝ ծայրահեղ աղքատ։
«Այսօր առավոտյան ես ծիածան տեսա, որն արդեն հրաշք է: Այն հայտնվել էր այնպես, ինչպես Նոյի տապանը Արարատի վրա: «Խաղաղության ծառ»-ն առաջարկեցի տեղադրել քաղաքի կենտրոնում, քանի որ ամբողջ հրապարակը խորհրդանշական է. Կաթողիկոսի արձանը կարծես օրհնում է այս ծառը, որը համայնքի սիրտն է, մշակույթի, վարչական շենքերի համախմբումն էլ ապահովում է հոգևորի և աշխարհիկի ներկայությունը»:
Համաձայն Միջազգային տեղեկատվակայնության ակադեմիայի կողմից Սուրիկ Խաչատարյանին տրված դիպլոմի` հաստատվում է նրա կողմից պետական կառավարման փիլիսոփայության դոկտորի կոչում ստանալը: Ներկայացնում ենք գիտական կոչման վավերագրի պատճենը թարգմանությամբ.
Կարեն Պետրոսյանի հոգեհացի ավարտից հետո, ժամը 16-ից մինչեւ 17-ը, ազերի դիպուկահարը կրակել է գյուղի անասնապահի վրա: Անասնապահը ստիպված թաքնվել է Չինարիի ծայրին գտնվող Ֆելիքս Մակարյանի տանը:
«Տաշիր» բարեգործական հիմնադրամի համար հոկտեմբերն առավելապես հարուստ է լինելու մշակութային միջոցառումներով: Մասնավորաբար Կարապետյանների ընտանիքի հովանավորությամբ արդեն լույս է տեսել «Երկիր դրախտավայր. օտարերկրացիները Հայաստանի ու հայերի մասին» հանրագիտարանային ժողովածուն, որն ամփոփում է հնագույն ժամանակներից մինչև մեր օրերը 300-ից ավելի հանրահայտ գրողների, պատմիչների, արվեստագետների, դիվանագետների, ճանապարհորդների, ռազմական, պետական ու քաղաքական գործիչների վկայությունները, բնութագրումները, հոդվածներն ու գեղարվեստական ստեղծագործությունները Հայաստանի ու հայ ժողովրդի մասին:
Հոկտեմբերի 7-ից Սյունիքի մարզում հացն էժանացավ. 600 գրամ հացը այժմ վաճառվում է 200 դրամով, մինչդեռ մինչ այդ 500 գրամ հացը վաճառվել է 240 դրամով: Նման որոշում կայացվել է Սյունիքի մարզպետի պաշտոնում վերանշանակված Սուրիկ Խաչատրյանի միջամտությամբ: Ըստ մարզպետարանի տարածած հաղորդագրության, Սուրիկ Խաչատրյանը հանդիպել է Սյունիքի հաց արտադրողների հետ, եւ հացի գնագոյացման վերաբերյալ համատեղ խորհրդակցությունների արդյունքում որոշում է կայացվել հացի գնի հարաբերակցությունը՝ նախկին 240 դրամ 500 գրամ հացի դիմաց, դարձնել՝ 600 գրամի դիմաց 240 դրամ:
Կառավարությունն ընդունել է Կոտայքի մարզի Հանքավանի գյուղական համայնքի ղեկավարի լիազորությունները վաղաժամկետ դադարեցնելու, համայնքի ղեկավարի արտահերթ ընտրություն նշանակելու, անցկացնելու և ընտրության նախապատրաստման ու անցկացման ծախսը ֆինանսավորելու որոշում:
Գեղարքունիքի մարզի Աստղաձորի դպրոցի ջեռուցման, Սյունիքի մարզի Կապանի 2-րդ ավագ դպրոցի տարածքի բարեկարգման, ինչպես նաև Կոտայքի մարզի Նոր Գեղիի բանավանի, Գեղարքունիքի մարզի Գավառի 5-րդ և Շիրակի մարզի Մեծ Մանթաշի դպրոցների համար գույքի ձեռքբերման նպատակով կառավարությունը ավելի քան 73.5 մլն դրամ է հատկացրել ՀՀ քաղաքաշինության նախարարությանը:
Հոկտեմբերի 3-ին Սյունիքի մարզպետարանում տեղի է ունեցել աշխատանքային հանդիպում Կապան համայնքի գործարարների հետ: Քննարկվեցին Կապանում գործարար միջավայրի բարելավման, գործարարության ընդլայնման և զարգացման, աշխատատեղերի ստեղծման հարցերը,ապրանքների իրացման ու արտահանման հնարավորությունները: Այս մասին տեղեկացնում են Սյունիքի մարզպետարանից:
«Զորահ» գինու գործարանից Հովիկ Աբրահամյանն ուղևորվել է համայնքի կենտրոնական հրապարակ՝ ռինդեցիների հետ միասին գյուղի տոնը նշելու նպատակով: Վարչապետը շնորհավորել է գյուղացիներին տոնի առթիվ՝ նշելով, որ կառավարությունն ուշադրության կենտրոնում է պահում համայնքների համաչափ զարգացման խնդիրը:
Հոկտեմբերի 3-ին` ժամը 10.40 դրությամբ, Մ2 ավտոճանապարհի 313 կմ-ում` Կապան-Քաջարան ճանապարհահատվածում, տեղի է ունեցել քարաթափում:
Անցյալ տարի, երբ քննարկվում էր Վազաշեն-Պառավաքար 3,2 կմ երկարությամբ, սահմանագոտու վտանգավոր հատվածները շրջանցող ճանապարհի կառուցման հարցը, լուրեր տարածվեցին, որ պետական բյուջեի միջոցներով այդ ճանապարհը կառուցվում է ոչ թե սահմանի այդ հատվածում երթեւեկի անվտանգությունն ապահովելու, այլ՝ ոսկու եւ պղնձի հանքավայրը շահագործելու նպատակով:
Մելիքգյուղի բնակիչների և «Մեգո գոլդ» ընկերության ներկայացուցիչների միջև թեթև ընդհարում է տեղի ունեցել։ Նշենք, որ ընկերության տնօրինությունը երեկ գնացել է Մելիքգյուղ՝ բնակիչների հետ բանակցելու, որպեսզի Թուխմանուկի ոսկու հանքավայրում ֆաբրիկա կառուցվի։ Սակայն բնակիչները նրանց չեն լսել և փակել են Թուխմանուկի ոսկու հանքավայր տանող ճանապարհը։
Սյունիքի մարզպետարանի տեղեկատվության և հասարակաւևության հետ կապերի բաժնից տեղեկացրին, որ իրենց սեփական դիմումների համաձայն աշխատանքից ազատվել են մարզպետարանի քաղաքաշինության վարչության պետ Արշակ Ուստաբաշյանը, կրթության, մշակույթի և սպորտի վարչության պետ Նաիրա Ավանեսյանը ու նրա տեղակալ Աշուտ Մարդյանը։
Վանաձորում անչափահաս Դավիթ Հովակիմյանի մահվան փաստով հարուցված քրեական գործն ուղարկվել է Լոռու մարզի ընդհանուր իրավասության դատարան: Քրեական գործով Կարեն Կունգուրցևին մեղադրանք է առաջադրվել այն բանի համար, որ «նա 12.10.2013թ. ժամը 18-ի սահմաններում կենցաղային հողի վրա վիճաբանել է և ապօրինաբար կյանքից զրկելու` սպանելու դիտավորությամբ դանակով մեկ անգամ հարվածել է Դավիթ Հովակիմյանի կրծքավանդակի ձախ կեսի շրջանում` վերջինիս պատճառել մարմնական վնասվածքներ, սակայն վերջինիս ընկերների կողմից օգնության հասնելուց հետո Կ. Կունգուրցևը դիմել է փախուստի»:
Հայաստանի Հանրապետության և Երկրապահ կամավորականների միության օրհներգերով ու հոգևորականի օրհնության խոսքով մեկնարկած հանդիսավոր նիստին մասնակցել են ինչպես զոհված ազատամատիկների հարազատներ, այնպես էլ Կոտայքի մարզպետարանի և Երկրապահ կամավորականների միության վարչության ու մարզային կառույցի ներկայացուցիչներ, մարզի համայնքների ղեկավարներ և հյուրեր տարբեր բնագավառներից:
ՀՀ կառավարության նիստում ակսօր որոշվել է մարտի 30-ի ուժեղ քամու հետևանքով Գեղարքունիքի մարզի որոշ համայնքներում առաջացած խնդիրներին` Ծակքարի դպրոցի մասնակի, Սևանի հիվանդանոցի մասնաշենքերից մեկի, Այրք համայնքի միջնակարգ դպրոցի ուսումնական մասնաշենքի տանիքը վերանորոգելու համար գումար հատկացնել:
«Նման մարդկանց համար, ինչպիսին Միկոյանն է, պետք է մի գերեզմանոցում տեղ հատկացնել և նշել, որ նա վատ մարդ է եղել, որպեսզի սերունդները կարողանան տարբերել՝ ով է լավ բան արել ազգի համար, ով՝ վատ»,- ասաց Է.Քոչարյանը:
ՀՀ փոխվարչապետ, տարածքային կառավարման նախարար Արմեն Գևորգյանն այսօր այցելեց Արագածոտնի մարզի Լեռնապար և Նիգավան համայնքներ: Մարզպետ Սարգիս Սահակյանի ուղեկցությամբ փոխվարչապետը եղավ համայնքների դպրոցներում, այնուհետև հանդիպեց բնակիչների հետ:
Եղվարդն ադրբեջանական սահմանից 1 կմ հեռավորության վրա էր (հարևանությամբ Քաշաթաղի շրջանն է): Արցախյան պատերազմի տարիներին գյուղում մոտ 90 տուն է ավերվել: Մի քանիսի այրված պատերը մինչ օրս մահարձանի նման կանգնած են: «5 անգամ գրադը կպել ա իմ տանը: Գույք չէր մնացել, քանդվել ու վառվել էր: 20 տարի անցել ա, տանիքը չէինք կարողանում ամրացնել, ջուրը լցվում էր տուն: Բայց ոչ մի փոխհատուցում չեն տվել»,- ասում է Ալբերտ պապը:
