Էրդողանը հույս է հայտնել, որ Պուտին-Զելենսկի բանակցությունները կանցկացվեն Ստամբուլում

Թուրքիայի նախագահ Ռեջեփ Թայիփ Էրդողանը հայտարարել է Անկարայի պատրաստակամության մասին՝ նպաստելու Ուկրաինայի հարցով ուղիղ բանակցություններին և հույս է հայտնել, որ դրանք կարող են տեղի ունենալ Ստամբուլում. ըստ РИА Новости-ի՝ այս մասին ասել է Թուրքիայի ղեկավարի գրասենյակի հաղորդակցությունների գծով վարչության ղեկավար Բուրհանեթթին Դուրանը։

Էրդողանը մասնակցել է Ուկրաինայում ստեղծված իրավիճակին նվիրված «կամավորների կոալիցիայի» առաջնորդների առցանց հանդիպմանը։

Ըստ Դուրանի՝ Թուրքիայի նախագահն ընդգծել է, որ Անկարան կշարունակի դիվանագիտական ​​ջանքերն՝ ուղղված կողմերի միջև ուղիղ կապերի հաստատմանը՝ արդար և երկարատև խաղաղության հասնելու համար։ Նա նշել է նաև, որ Թուրքիան աջակցում է Ուկրաինայի և Ռուսաստանի հետ համագործակցությանը Ստամբուլում նման բանակցություններ կազմակերպելու հնարավորության հարցում։