«Սարսափելի քայլ». գիտնականները ցանկանում են հանգցնել արևը
Stardust ընկերությունը նախատեսում է նվազեցնել Արեգակի պայծառությունը՝ Երկրի ջերմաստիճանը իջեցնելու համար։ Այս մասին գրում է ամերիկյան New Yorker ամսագիրը:
«Stardust-ը փոքր ստարտափի անունն է, որն ունի հսկայական նկրտումներ: Իսրայելում հիմնված և Դելավերում գրանցված ընկերությունը առաջարկում է ոչ այլ ինչ, քան նվազեցնել արևի պայծառությունը»,- նշվում է հոդվածում:
Հրատարակության տվյալներով՝ ստարտափի ստեղծողները պլանավորում են կիրառել հրաբխային ժայթքումների սկզբունքը, երբ միլիոնավոր տոննա ծծմբի երկօքսիդը արևի լույսը հետ է արտացոլում դեպի տիեզերք՝ այդպիսով իջեցնելով մեր մոլորակի մակերեսի ջերմաստիճանը։
«Ընկերությունն այս սխեման անվանում է «արեգակնային անդրադարձման տեխնոլոգիա», չնայած այն ավելի հաճախ անվանում են արեգակնային գեոինժեներիա։ Այս գաղափարը տասնամյակներ շարունակ շրջանառվում է այս կամ այն կերպ, բայց Stardust-ը մեծ, ոմանք կարող են ասել՝ սարսափելի քայլ է կատարել առաջ»,- նշում է ամսագիրը։
