Հասարակություն

ՏԿԱԻՆ ՃԿԱԿ-ն նաև կապ է հաստատել Եգիպտոսի Արաբական Հանրապետությունում Հայաստանի արտակարգ և լիազոր դեսպան Արմեն Մելքոնյանի հետ, վերջինս հավաստիացրեց, որ այս պահին արվում է ամեն ինչ տեղեկատվությունը ճշտելու և հնարավոր մանրամասներն իմանալու համար:

«Օդանավի ընկնելուց օրեր առաջ ես ասել էի, որ տեռորիստական գործողություններ կկատարվեն Ռուաաստանի դեմ: Եթե ընդունենք, որ դա տեռորիստական ակտ էր, ինչը շատ հավանական է, դա իր դառը հետևանքները կարող է ունենալ. և՛ Ռուսաստանի համար կարող են դրանք շարունակվել, և՛ Հայաստանի համար, քանի որ մենք աշխարհի կողմից ընկալվում ենք՝ որպես Ռուսաստանի ածանցյալ»,- այսօրվա ասուլիսին խոսելով Airbus 321 օդանավի կործանման մասին՝ ասաց «Մոդուս Վիվենդի» կենտրոնի ղեկավար Արա Պապյանը:

Նոյեմբերի 2-ին, ժամը 18.10-ին, 1982 թ. ծնված Լևոն Մ.-ն ոստիկանության «Զվարթնոց» օդանավակայանի գծային բաժնում հաղորդում էր տվել, որ Մոսկվա-Երևան չվերթի ինքնաթիռով ժամանած երկու ուղևորներ, ուղեբեռների հետ կապված հարցերի շուրջ, վիճաբանել են իր և նույն չվերթի ներկայացուցիչ Լիպարիտ Հ.-ի հետ, հրել և հարվածել են իրենց` պատճառելով վնասվածքներ:

Խորհրդակցության ընթացքում պարոն Զաքարյանը հերթական անգամ շեշտել է գնումների ոլորտում վերահսկողություն իրականացնելիս Բարձրագույն վերահսկիչ մարմինների միջազգային կազմակերպության (INTOSAI) հիմնական սկզբունքներով` «գին, որակ և հասցեականություն», առաջնորդվելու կարևորության մասին:

Վարչապետ Հովիկ Աբրահամյանն այսօր ընդունել է Չեխիայի կաթոլիկ եկեղեցու առաջնորդ, Պրահայի արքեպիսկոպոս Կարդինալ Դոմինիկ Դուկային:

Հիմք ընդունելով հիվանդության վերացման վերաբերյալ Կենդանիների առողջության համաշխարհային կազմակերպության (ԿԱՀԿ) պաշտոնական կայքում հրապարակված տեղեկատվությունը` Ծառայության պետի 2015 թ. նոյեմբերի 3-ի հրամանով ԱՄՆ-ի Նեբրասկա, Հարավային Դակոտա և Վիսկոնսին նահանգներից ներմուծման արգելքը վերացվել է:

Նոյեմբերի 4-ին ՀՀ ՏԿԱԻ նախարար Արմեն Երիցյանի հրամանով նախարարության համակարգում կատարվել են մի շարք նոր նշանակումներ` ՀՀ ՏԿԱԻՆ փրկարար ծառայության քաղաքացիական պաշտպանության ուժերի հավաքական կենտրոնում, հատուկ նշանակության փրկարարական աշխատանքների իրականացման կենտրոնում, ՓԾ Երևան քաղաքի և փրկարարական ուժերի վարչություններում, ինչպես նաև Արագածոտնի, Լոռու և Տավուշի մարզային փրկարարական վարչությունների հրշեջ-փրկարարական ջոկատներում:

Հաջորդ տարի բյուջեից բնապահպանության ոլորտի գծով նախատեսվում է հատկացնել 2 մլրդ 924.6 մլն դրամ` 2015 թ. հաստատված 3 մլրդ 217.9 մլն. դրամի դիմաց: ԱԺ մշտական հանձնաժողովների համատեղ նիստում բնապահպանության նախարար Արամայիս Գրիգորյանը ներկայացրեց, որ մի քանի ծրագիր ավարտվել է և դրանով է պայմանավորված նվազումը:

Եգիպտոսում ՀՀ դեսպանության նախնական տվյալներով՝ Հարավային Սուդանում վթարի ենթարկված բեռնատար ինքնաթիռի զոհված անձնակազմի անդամներից հինգը ՀՀ քաղաքացիներ են։ Զոհերի ինքնության վերաբերյալ տեղեկատվությունը կտրամադրվի հավելյալ։

16-ամյա տղան խոստովանել է երկու տարեց կանանց սպանությունները:

Նոյեմբերի 4-ին, ժամը 08.35-ին տեղեկատվություն է ստացվել, որ թունավորման նախանշաններով «Մուրացան» ԲԿ է հոսպիտալացվել Երևանի Ա.Խաչատրյան փողոցի թիվ 31/1 շենքի բնակարաններից մեկի բնակիչ՝ 2005 թ. ծնված Ա. Շ.-ը:

Նոյեմբերի 5-8-ին սպասվում է առանց տեղումների եղանակ, 9-ին շրջանների մեծ մասում ժամանակ առ ժամանակ սպասվում են տեղումներ:

Տուլայի մարզում Մոսկվա-Երևան վթարված ավտոբուսի բոլոր այն ուղևորները, որոնք ի վիճակի կլինեն նստել ինքնաթիռ ու գալ Հայաստան, նախնական պլանավորման վաղը կտեղափոխվեն Ռամենսկ՝ ինքնաթիռով դեպի Հայաստան գալու համար:

Նոյեմբերի 3-ին Մայր Աթոռ Սուրբ Էջմիածնում իր աշխատանքը սկսեց Գերագույն հոգևոր խորհուրդը:

Նա նաև տեղեկացրեց, որ մինչ առերեսումը, ինքը Ռ. Հայրապետյանի հետ հանդիպում չի ունեցել, ինչպես ներկայացնում են. «Իհարկե, ոչ, հանդիպում չեմ ունեցել Ռուբեն Հայրապետյանի հետ: Առաջարկություններ եղել են: Որոշ «վայ» լրատվամիջոցներ փորձեցին ինչ-որ մեկի պատվերով իմ անձի և մեր տեսակի վրա ցեխ շպրտեն, թե ինչ-որ գումար է առաջարկվել: Իհարկե, հեղինակությունները փորձել են միջամտել, ինչ-որ բաներ հորդորել, արտերկրից մարդիկ են եկել, հորդորել են, բայց բոլորն էլ մերժվել են: Որևէ մեկը չի կարող փաստի, որ ես որևէ մեկի հետ բանակցել եմ, կամ փորձել եմ հանդիպել: Ես եմ հրաժարել հանդիպելուց»:

Նոյեմբերի 3-ին, ժամը 7-ին, «ԳԱԶ-32213» մակնիշի միկրոավտոբուսի վարորդը Երևանի Սեբաստիայի և Միքայելյան փողոցների խաչմերուկում վրաերթի է ենթարկել 1933 թ. ծնված Մարատ Միքայելյանին:

Հաջորդ տարվա բյուջեի նախագծով գյուղատնտեսության ոլորտի համար նախատեսվում է հատկացնել 15 մլրդ 609.9 մլն դրամ` 2015 թ. 16 մլրդ 560.5 մլն դրամի դիմաց:

2015թ. նոյեմբերի 9-ից ՀՀ-ում ԱՄՆ դեսպանատանը կգործի անձնագրերը ետ ստանալու նոր դյուրացված ընթացակարգ վիզայի դիմումը բավարարված դիմումատուների, ինչպես նաև ներկայումս վիզա ունեցող և այն երկարաձգելու նպատակով նոր վիզայի դիմող քաղաքացիների համար: Նոր ծառայությունն անվճար է:

Նոյեմբերի 11-ին, ժամը 10.15-ին տեղեկատվություն է ստացվել, որ փլուզվել է Գեղարքունիքի մարզի Արծվանիստ գյուղի 1-ին փողոցի 79-րդ տան բակում գտնվող անասնագոմի պատը և մասամբ իջել է տանիքը:

Ռուսաստանի Դաշնության Տուլայի տարածաշրջանի Ուզլովսկի քաղաքի մոտ տեղի ունեցած Մոսկվա-Երևան ուղևորատար ավտոբուսի վթարի կապակցությամբ ՀՀ վարչապետի որոշմամբ ստեղծված հանձնաժողովի նախագահ, ՀՀ տրանսպորտի և կապի
նախարար Գագիկ Բեգլարյանը և ՀՀ առողջապահության նախարար Արմեն Մուրադյանը այսօր առավոտյան մասնակցել են Տուլայի նահանգապետ Վլադիմիր Գրուզդևի կազմակերպած խորհրդակցությանը:

Նոյեմբերի 3-ին, ժամը 20.15-ին, հիվանդանոցից ոստիկանությունում հաղորդում է ստացվել, որ բուժօգնության է դիմել 25-ամյա երիտասարդ և հայտնել, որ վնասվածքը ստացել է Երևանի Աբովյան պուրակում տեղի ունեցած ավտովթարի հետևանքով:

2015թ. նոյեմբերի 3-ին՝ ժամը 03-ի սահմաններում, Ռուսաստանի Դաշնության Տուլայի տարածաշրջանի Դոն ավտոմայրուղում, դեպի Հայաստանի Հանրապետություն ընթանալիս, վթարի է ենթարկվել ՀՀ-ում հաշվառված «Կինգ Դելյուքս» ՍՊԸ-ին պատկանող ավտոբուսը, որն անզգուշությամբ առաջացրել է 8 մարդու մահ, իսկ 35 մարդու առողջությանն անզգուշությամբ պատճառվել են տարբեր աստիճանի մարմնական վնասվածքներ:

Մայրության նպաստի համար հաջորդ տարի պետական բյուջեից կհատկացվի 9 մլրդ 794.8 մլն դրամ՝ 2015 թ. 5 մլրդ 887.3 մլն դրամի դիմաց: Ծախսերն աճում են` կապված չաշխատող մայրերին (30004 անձ) տրվելիք մայրության նպաստի համար նախատեսված 3.8 մլրդ դրամով:

Նա հայտնեց նաև, որ դեպքի օրը եղանակը պարզ է եղել, դրական ջերմաստիճան է եղել. «Տեսանելիության պակասի, մերկասառույցի հետ կապված որևէ խնդիր այստեղ չէր կարող լինել»:

«Աղքատությունը բազմագործոն երևույթ է և, բնական է, որ առաջին հերթին նշանակություն ունի եկամտային ապահովությունը, բնականաբար, չի կարող ազդեցություն չունենալ: Բնական է, որ կյանքը ավելի դժվարանալու է այդ առումով»,- այսօր ԱԺ-ում լրագրողների հետ ճեպազրույցում հայտարարեց ՀՀ աշխատանքի և սոցիալական հարցերի նախարար Արտեմ Ասատրյանը՝ հավելելով, որ աղքատության մակարդակի ցուցանիշները ուսումնասիրում և հրապարակում է ԱՎԾ-ն:

«Կենսաթոշակային քաղաքականության, կուտակային կենսաթոշակային համակարգի ներդրման առումով հաջորդ տարի ակնկալվում է ընդգրկվածների ավելացում և նախատեսվում է, որ աշխատանքները շարունակական բնույթ կկրեն»,- ասաց նախարարը:

Արդարադատության նախարար Արփինե Հովհաննիսյանը երեկ ԱԺ-ում 2016-ի բյուջեի նախագծի քննարկման ժամանակ ասաց, որ իրենց ՝ նախարարությանը հատկացված միջոցները նախորդ տարվա համեմատ կրճատվել են։

Անընդհատ ցավեր է ունենում, սրսկում են, ընդամենը 5 րոպե է պահում, հետո նորից սկսում է ցավել: Հաց էլ ուզում է ուտել, ստամոքսը դատարկ է, բայց չի կարողանում ծամել, կուլ տալ, ասում է՝ մամա, սոված եմ, բայց չեմ կարողանում ուտել:

Ամբողջ պատասխանատվությամբ հայտարարում եմ, որ ոչ մեկի նկատմամբ խոշտանգումներ եւ ճնշումներ չեն կիրառվել։ Խոսքերս սին չերեւալու համար հիմնավորեմ, որ այդ ողջ ժամանակահատվածում Կարմիր խաչի միջազգային կոմիտեի հայկական մասնաճյուղի անդամները գրեթե ամեն օր հանդիպել են ոճրագործներին, շատ հաճախ՝ նաեւ մեկուսի։

2015թ. հոկտեմբերի 5-ին Հայաստանի Հանրապետության Ազգային ժողովն ընդունեց «Հայաստանի Հանրապետության Սահմանադրության փոփոխությունների նախագիծը հանրաքվեի դնելու վերաբերյալ համաձայնություն տալու մասին» որոշումը, որի հիման վրա ՀՀ նախագահը 08.10.2015թ. հրապարակեց հրամանագիր՝ հանրաքվեի օր նշանակելով 2015 թվականի դեկտեմբերի 6-ը: Հանրաքվեի պաշտոնական քարոզարշավը մեկնարկեց 2015 թվականի հոկտեմբերի 10-ից: