Չեն հայտնում անգամ կալանավորված կնոջ անունը, ինչը կարող է նշանակել, որ այնտեղ իրավապահների հետ ստվերային պայմանավորվածություններ ձեռք բերելու հույս ունեն։ «Հիմա քննություն է գնում։ Թող իրավապահներն աշխատեն, հետո նոր հրապարակում կլինի»,- հայտնեց ագրարային համալսարանի մամուլի բաժնի պատասխանատու Անի Խուդավերդյանը՝ վստահեցնելով, որ իրեն ոչինչ հայտնի չի, անգամ իրենց աշխատակցի ազգանունը»։
Տավուշի մարզի սահմանագոտում վերջիս երկու օրերին համեմատաբար խաղաղ է. ադրբեջանական զինուժը չի գնդակոծում մարզի սահմանամերձ գյուղերն ու դաշտերում բերքահավաք անող գյուղացիներին։ Տավուշում մառախլապատ եղանակ է, ինչը թույլ է տալիս մառախուղի քողի տակ, ադրբեջանցի դիպուկահարների աչքից հեռու, խաղողի բերքահավաք անել։
Երեկ, մեր թղթակցի հետ զրույցում խոսելով «Ոչ»- ճակատի հավաքներում ՀԱԿ-ի, «Ժառանգության» եւ «Հիմնադիր խորհրդարանի» առաջնորդների բացակայության մասին, ՀԽ խոսնակ Վարուժան Ավետիսյանը հայտարարել է, որ «Ոչ»-ի ճակատ չկա:
«Էսօր մոդա է քրեական հեղինակություն ըլնելը, ի՞նչ ա եղել որ»։ Հավակնություններ ունեք ինքնե՛րդ էլ համալրեք նրանց շարքերը։ «Ըտենց հավակնություններ մարդ պիտի երեխա ժամանակվանից ունենա, ես չունեմ։ Եվ մի ասեք «քրեական, իրանք էլ հասարակության շերտ են՝ առաջին հերթին։ Չմոռանանք, որ նույն հասարակությունը Ռուզվելտին 12 տոկոս ձայն տվեց»։
«Հայկական Ժամանակ» թերթի տեղեկություններով, Գորիսի Սդղի գյոլ կոչվող տարածքում տեղի ունեցած ծեծկռտուքի գործով մեղադրյալ, Սյունիքի մարզպետ Սուրիկ Խաչատրյանի վարորդի՝ Արագած Ղևոնդյանի որդին Դերենիկ Ղևոնդյանը երեկ ազատ է արձակվել։
Ինչպես հայտնի է՝ ՀՀ նախագահ Սերժ Սարգսյանը Վաշինգտոնում ամերիկյան առաջատար վերլուծաբանների հետ քննարկումների ընթացքում ասել էր, թե կարող է կանխատեսել, թե ով հավանաբար կդառնա Հայաստանի Հանրապետության հաջորդ ղեկավարը, սակայն այդ մարդու անունն առայժմ չի տա մի շարք պատճառներով:
«Ըստ ԱԱԾ-ի պատասխանի, սահմանը հատելիս, եթե մարդու ձեռքին կա անձնագիր եւ նրա նկատմամբ հետախուզում հայտարարված չէ, ապա նրան ոչ ոք չի կարող արգելել Հայաստանից հեռանալ: ԱԱԾ-ից «Ժողովուրդ» օրաթերթին ուղարկված պատասխանում հենց այդպես էլ նշված է. «Վ. Մարտիրոսյանի կողմից հայ-վրացական սահմանը հատելու պահին սահմանահատումն արգելելու իրավական հիմքեր չեն եղել»:
Բարեփոխումներով նախատեսվում է վարչապետի ընտրություն եւ հրաժարեցում` ԱԺ բաց քվեարկությամբ. դա ճնշման մեխանիզմ չէ՞, առաջին հերթին՝ յուրայինների նկատմամբ: «Ո՛չ, ճնշում չկա այդ դրույթում: Հետո էլ` դա բաց քվեարկություն չանվանենք, այլ` անհատական: Այո, եկել է ժամանակը, հարկավոր է քաղաքական դաշտ մտցնել այդ մշակույթը, որ այլեւս որեւէ գաղտնի քայլեր` սղանցիկ գործողություններ չկատարվեն. եթե իրոք դեմ են այդ վարչապետի գործունեությանը, ապա բոլորը պետք է բացահայտ դա արտահայտեն»:
Ավելի քան մեկ շաբաթ է՝ Հայաստանում են գտնվում գողական աշխարհի մոտ մեկ տասնյակից ավելի ներկայացուցիչները։ Եկել են հիմնականում Ռուսաստանից կամ ԱՄՆ-ից։ Թեև ասում են, որ ինչ-որ հոգեհանգստի մասնակցելու են եկել, բայց իրականում պատճառը «սխոդկան» է: Նրանք Երևանում շրջում են մեծ շքախմբերով, շատ են լինում Պռոշյան փողոցի վրա գտնվող ռեստորաններից մեկում, որն այդ ժամերին հիշեցնում է Չիկագո-38-ը։
Եթե անցած տարվա օգոստոսին մասնավոր տրանսֆերտների ծավալը կազմել էր ավելի քան 156 միլիոն դոլար, ապա այս տարվա օգոստոսին կազմել է ընդամենը 87.2 միլիոն դոլար՝ նվազելով 44 տոկոսով։ ՀՀ կենտրոնական բանկի՝ երեկ հրապարակած տեղեկանքի համաձայն, այս նվազման հիմնական «մեղավորը» Ռուսաստանն է, որտեղից ուղարկվող մասնավոր տրանսֆերտները օգոստոսին կրճատվել են ավելի քան երկու անգամ՝ անցած տարվա օգոստոսի 145 միլիոնից այս տարվա օգոստոսին հասնելով ընդամենը 72.6 միլիոն դոլարի։
Մեր տեղեկություններով, հայկական զինուժը պատժիչ գործողությունների շրջանակներում դեռ տեղ է թողնում, որպեսզի հակառակորդը հասկանա, որ խոցելի է: Եթե ադրբեջանական կողմը կիրառում է 122 միլիմետրանոց հաուբից, մենք դեռ 82 միլիմետրանոցով ենք պատասխանում: Հրթիռակոծման անցնելու դեպքում հարվածը, թերեւս հասկանալի է՝ ինչպիսին կլինի: Բանն այն է, որ ադրբեջանական զորամասերը տեղակայված են հիմնականում բնակավայրերում, ու եթե մենք անցնենք իսկապես համարժեք պատասխանի, նրանք զոհեր են ունենալու նաեւ խաղաղ բնակչության շրջանում:
Դե, իհարկե, արդարությունը հաղթել է, պարտվել է արդարադատությունը: Բանն այն է, որ արդարությունն, իհարկե, շատ հարաբերական հասկացություն է: Թվում է, որ արդար է, երբ օրենքը խախտողը պատժվում է: Մյուս կողմից՝ Սուրիկ Խաչատրյանի որդին հո միակ օրենքը խախտողը չէ Հայաստանի իշխանական համակարգում:
Հանրային ծառայությունները կարգավորող հանձնաժողովի մեր աղբյուրները հայտնում են, որ ներկայումս ուսումնասիրվում է «Հայաստանի էլեկտրական ցանցեր» ՓԲԸ բարձրաստիճան պաշտոնյաների իրականացրած կոպիտ չարաշահումների վերաբերյալ մի դեպք։ Խոսքը ՀԷՑ իրացման գծով տնօրեն Աշոտ Թոխունցի տեղակալ, էլեկտրաէներգիայի հաշվառման և հսկման դեպարտամենտի պետ Արսեն Գաբրիելյանի չարաշահումների և խախտումների մասին է։ Ստուգող մարմինները պարզել են, որ Տավուշի մարզի Ծաղկավան գյուղում, Հախում գետի վրա գործող «Սիրարփի» փոքր ՀԷԿ-ը արտադրել է քիչ էլեկտրաէներգիա, բայց ՀԷՑ-ից ստացել է ավելի շատ գումար։
Որեւէ երկրում (կամ երկրի որեւէ մարզում) բողոքողների, դժգոհների բացակայությունը այդ երկրի բարվոք վիճակի վկայությունը չէ: Հակառակ դեպքում ամենաբարվոք երկիրը կարելի է համարել Հյուսիսային Կորեան, քանի որ Կիմ Չեն Ինից ոչ ոք չի բողոքում, հակառակը՝ շատ են սիրում, եթե մեռնի, հոնգուր-հոնգուր լաց կլինեն: Բայց այստեղից հնարավոր չէ հետեւություն անել, որ այդ լիդերը «լավ է նայում» իր ժողովրդին, եւ բոլորը նրանից գոհ են:
Տրամաբանական հարց է ծագում՝ ի՞նչ գործ ունի Հայաստանը մի անվտանգության համակարգում, որտեղ նշյալ կառույցին չանդամակցող Ադրբեջանի շահերը, ինչպես երեւում է, ավելի հետեւողականորեն են պաշտպանվում, քան Հայաստանինը։ Եվ առհասարակ՝ ո՞ւմ են պետք ՀԱՊԿ խաղաղապահ ուժերի «Անխախտելի եղբայրաթյան-2015» խորագիրը կամ այլ խորագրեր կրող զորավարժությունները։ Ի՞նչ արժեք ունեն ՀԱՊԿ-ի գլխավոր քարտուղարի ու նրա տեղակալի հայտարարություններն այն մասին, թե ինչ կարող է անել ՀԱՊԿ-ը՝ «եթե հարկ լինի»։
Երբ տուն եմ գալիս, ամուսինս ասում է՝ մոռացե՞լ ես, որ արդեն տանն ես։ Բանն այն է, որ կերպարիս մեջ մտնել- դուրս գալուց հետո խոսակցականում որոշ ելեւէջներ էլի պահպանվում են։ Քանի որ «Առավոտը Շանթում» հաղորդման շրջանակներում ուղիղ եթերում եմ լինում, ինձ վրա աշխատում եմ, որ հանկարծ եթերում այդ ելեւէջները չզգացվեն, բայց, իհարկե, կերպարը կերտելուց հետո որոշ շեշտադրություններ էլի մնում են։
Եթե քաղաքացին 12 հազար դրամ վճարել է եւ պահանջում է այն հետ վերադարձնել, այդ ժամանակ կատարվում է վերահաշվարկ՝ քաղաքացուն նախընտրելի ցանկացած դրույքաչափով: Օրինակ՝ եթե օգտագործել է երկու ամիս, ըստ այդմ՝ գանձվում է այդ երկու ամիսների գումարը, իսկ մյուս մասը վերադարձվում է նրան:
Դատավորի հարցին, թե վկան բիզնես ծրագրին տեղյա՞կ եղել է, վկան վստահեցրեց, որ ոչ, տեղյակ չի ո՛չ հումքի քանակից, ոչ արժեքից, եւ ոչ էլ ադամանդներից: Նա դատավորին ցուցադրեց իր ձեռքերը՝ «Տեսնո՞ւմ եք, ադամանդե մատանի էլ չունեմ, որովհետեւ դա ինձ չի հետաքրքրում»:
Սեյրան Սարոյանին հարցրինք` հնարավո՞ր է սահմանային այս լարվածությունը վերաճի լայնամասշտաբ պատերազմի: «Էտի ամեն օր ըլնում ա, ինչի՞ մասին ա խոսքը, թող թուրքը վախենա, մենք ըտենց բաներից չենք վախենում, էտի մեզ համար սովորական բան ա` էդ կրակոցները, ափսոս, որ մեր ջահել տղերքն են զոհվում, թուրքն էդ իրա վախիցն ա անում` վախիցը»:
Քանի որ խոր անհայտություն ու անորոշության է, բոլորը բոլորին ատում են, բոլորը բոլորի վրա «բոչկա են գլորում»՝ պատգամավորից մինչև ընտրովի ու նշանակովի պաշտոններ։ Առավել քիչ հավակնոտ ՀՀԿ-ականները մասնավոր զրույցներում կարծիք են հայտնում, որ Սերժ Ազատիչը պետք է մի բան մտածի, «ջնջի, նոր տողից սկսի, քանի որ այսպիսի թիմով որևէ բանի հասնել հնարավոր չէ»»
ԱԺ գեներալ պատգամավոր Մանվել Գրիգորյանը յուրատեսակ նախաձեռնությամբ ձեռնոց է նետել Սփյուռքի նախարար Հրանուշ Հակոբյանի «Արի տուն» ծրագրին։ Նախօրեին Ֆրանսիայի Նանսի քաղաքում անձամբ գեներալի մասնակցությամբ տեղի է ունեցել ԵԿՄ-ի ներկայացուցչության բացման արարողությունը։
Երեկ Ստրասբուրգում՝ ԵԽԽՎ նիստի ժամանակ, ադրբեջանական պատվիրակության անդամ Ռաֆայել Հուսեյնովն իր ելույթը «նվիրել» է օրերս Ադրբեջանում ապաստանած Վահան Մարտիրոսյանին: Հուսեյնովը հայտարարել է, որ Վ. Մարտիրոսյանն Ադրբեջանում ինքնակամ ասուլիս է հրավիրել եւ ադրբեջանական լրատվամիջոցներին տեղեկացրել է Հայաստանում մարդու իրավունքների վատ վիճակի մասին:
Երեկ Պաշտպանության նախարարություն հրավիրված լրագրողներին ցուցադրվեցին հայկական բանակի կողմից իրականացված հատուկ գործողության կադրեր։ Մեկ րոպեից մի փոքր ավելի տևող տեսագրությունում երևում է, թե ինչպես են ռմբակոծվում ադրբեջանական զորանոցները, ինչպես է այրվում զորանոցներից մեկի տանիքը, խոցվում են խրամատները, որոնցում վազում են խուճապահար զինվորներ, արկի պայթյունից հրդեհվում է ավտոմեքենա։
«Ժողովուրդ» օրաթերթի տեղեկություններով՝ այսօր Հանրապետական կուսակցությունը գործադիր մարմնի նիստ է հրավիրվելու, որի ընթացքում ՀՀԿ-ականները քննարկելու են երկուշաբթի մեկնարկելիք ԱԺ քառօրյայի օրակարգի, մասնավորապես նոր Սահմանադրության նախագծի քվեարկության հարցը:
Ի՞նչ եղավ «Նովոռոսիան»: Կարծես թե այդ եզրն այլեւս ոչ ոք չի օգտագործում։ Հաջողվե՞լ է արդյոք Ուկրաինայի տարածքում ստեղծել ռուսական հանրապետություններ։ Ոչ։ Հաջողվե՞լ է համոզել այնտեղ ապրող ռուսներին, որ իրենք ավելի լավ են ապրելու «Նովոռոսիայի» նոր իշխանությունների օրոք, որ այդ իշխանություններն ավելի մաքուր են ու անկաշառ, քան իրենց չսիրած Կիեւի իշխանությունները։ Հավանաբար, դարձյալ ոչ։
Կարեն Ավագյանի եղբոր կողմից վրաերթի ենթարկված 28-ամյա էդգար Սնխչյանը նամակով դիմել է ՀՀ նախագահ Սերժ Սարգսյանին։ Երիտասարդը պատրաստվում է ցույցով հանդես գալ։ Այս մասին մեզ հայտնեց հենց էդգարը, ով այս օրերին փորձում է բուժել աչքը, որը վթարի հետեւանքով վնասվել է։
Այս տարվա օգոստոսի տվյալներով՝ Հայաստանում արձանագրվել է սուր աղիքային հիվանդությունների 1741 դեպք, մինչդեռ անցած տարվա նույն ժամանակահատվածում այդ թիվը եղել է 1179:
Հոկտեմբերի 5-ին ԱԺ-ում քվեարկության կդրվի նոր Սահմանադրության նախագիծը: Խորհրդարանում հիմնական քննարկվող թեմաներից մեկն այն է, թե արդյոք ԲՀԿ նախկին առաջնորդ Գագիկ Ծառուկյանը, որն արդեն դարձել է Սերժ Սարգսյանի «սիրելին», այս անգամ կգա՞ ԱԺ եւ կմասնակցի քվեարկությանը, թե՞ ոչ:
Մեր տեղեկություններով, հարսանիքը տեղի կունենա հոկտեմբերի 3-ին, «Արմենիա-Մարիոթ» հյուրանոցում: Նրա ընտրյալը սփյուռքահայ է՝ նույնպես ՀՅԴ անդամ: Ի դեպ, Մանոյանը կտրականապես հրաժարվեց այս թեմայով որեւէ տեղեկություն տալ:
Մեր տեղեկություններով՝ Արմեն Աշոտյանը խաչակրաց արշավանք է սկսել մասնավոր բժշկական բուհերի նկատմամբ, որոշել է բոլոր 7 բուհերն էլ անցկացնել իր թրի տակով։ Ի դեպ, այդ բուհերն առաջ առողջապահության նախարարության իրավասության ներքո էին գործում, տեւական «մարտերից» հետո Աշոտյանին հաջողվել է այս տարի «զավթել» դրանք՝ լիցենզավորման գործընթացը վերապահելով ԿԳՆ-ին։
