
ԵՄ պատժամիջոցներ է սահմանել ադրբեջանական Star նավթավերամշակման գործարանի վրա

Ռուսաստանի դեմ ԵՄ պատժամիջոցները տարածվել են Թուրքիայում գտնվող ադրբեջանական Star նավթավերամշակման գործարանի վրա։ Այս մասին գրում է OC Media-ն՝ վկայակոչելով ԵՄ արտաքին քաղաքական ծառայության պաշտոնական ներկայացուցիչ Անիտա Հիպերին։
«Միջոցառումն ուղղված է նրան, որպեսզի կանխվի ռուսական չվերամշակված նավթի մուտքը ԵՄ շուկա և թուլացվի Ռուսաստանի՝ պատերազմ վարելու կարողությունը»,– ասել է Հիպերը։