Մյանմարը հետաքրքրված է BRICS-ին անդամակցությամբ
Մյանմարը պատրաստակամություն է հայտնել անդամակցել BRICS-ին։ Այս մասին հայտարարել է Մյանմարի ֆինանսների նախարար Կան Զոնը՝ հանդես գալով Արևելյան տնտեսական ֆորումի նստաշրջանում։
«Մենք շահագրգռված ենք անդամակցել BRICS-ին։ BRICS-ի միջոցով մենք մտադիր ենք գտնել տեխնոլոգիաների ֆինանսավորման նոր աղբյուրներ»,– ասել է Կան Զոնը։
Նախարարը շեշտել է, որ ժամանակակից աշխարհում կարևոր է ոչ միայն տարածաշրջանային, այլև գլոբալ համագործակցությունը, քանի որ այն նպաստում է համատարած տնտեսական աճին։
Կան Զոնի խոսքով՝ BRICS-ը, ինչպես նաև Շանհայի համագործակցության կազմակերպությունն ու Ասիան ազգերի ասոցիացիան, ապագայում վճռորոշ դեր են ունենալու միջազգային տնտեսական և քաղաքական գործընթացներում։
