Ես բարձրացնելու եմ ԵԽԽՎ նախագահ Պեդրո Ագրամունդի պաշտոնավարման նպատակահարմարության խնդիրը, որովհետեւ այն ժամերին, երբ Թալիշում խոշտանգվում էր խաղաղ բնակչությունը, խաղաղ ընտանիքը, այդ ամենը իմանալով հանդերձ, հրաշալի տեղեկացված լինելով, թե ով է եղել նախահարձակ, ով է ռազմական հանցագործությունների հեղինակը, ԵԽԽՎ նախագահը, որ ի պաշտոնե պարտավոր է ներկայացնել ԵԽ անդամ 47 երկրների հավաքական տեսակետը, ուղղակիորեն Ալիեւի հանցագործ ռեժիմին սատարող հայտարարություն արեց:
Հետախուզական դասակը հյուսիսային հատվածում մարտնչել Է մինչև վերջին փամփուշտը։ 4 զոհ, երեք վիրավոր, ձեռնամարտ է սկսվել։ Տղաները կարողացել են հանել հրամանատարի և ընկերների մարմինները հետո, դիրքը հետ գրավելու ժամանակ տղաները հայտնաբերել են հակառակորդի երկու դիակ։ Նրանք հրազենային կրակոցներից չէին սպանվել, այլ բահի հարվածներից
Երեկ հայտնի դարձավ, որ Կուտոյանի հրամանով ՀՀ ԱԱԾ մաքսանենգության դեմ պայքարի բաժինը գործնականում կազմալուծվել է, քանի որ այդ կառույցի բոլոր աշխատակիցները, այդ թվում նաեւ բաժնի պետ, ԱԱԾ գնդապետ Սամվել Բաղդասարյանը, աշխատանքից ազատվել են:
Ակնհայտ է, որ ապրիլի 2-ից Մոսկվան իր ձեռքը վերցրեց ղարաբաղյան կարգավորման ղեկը։ Սա մի կողմից նշանակում է՝ ԵԱՀԿ Մինսկի խմբի դերի էական թուլացում, կրկին ՝ ո՛չ հրադադար, ո՛չ ռազմական թեժ գործողությունների փուլ եւ նոր՝ հայկական կողմի համար բարդ բանակցություններ։
Ադրբեջանի միայն ռազմական տեխնիկայի կորուստը 4 օրում կազմել է շուրջ 160 մլն դոլար»։ Եթե սրան գումարվում են ծախսված հրթիռների, արկերի, բնակիչների տեղափոխման, ռազմական գործողությունների նյութական ապահովման եւ այլ հարակից ծախսերը, ըստ պարոն Խուրշուդյանի, կավելանա եւս 10-15 մլն դոլար։ Իսկ Արցախի զինտեխնիկայի կորուստը գնահատվում է մոտ 14 մլն դոլար։
«Զինվորն ասում է՝ հակառակորդը զինամթերքի պակաս չուներ, անընդհատ կրակում էր, անընդհատ նռնակ նետում, ականանետում, ու երկար ժամանակ այդ ամենը չէր վերջանում, իսկ մեր զինվորների մոտ զինամթերքը սահմանափակ էր, աշխատում էին հնարավորինս քիչ կրակել, բայց դիպուկ ու արժանի հակահարված տալ։ Բայց եկավ մի պահ, որ մերոնց փամփուշտները վերջացան։ Համբարձումի զինվոր ընկերները զոհվել էին, վիրավորներ էլ կային. «7 հոգով էինք մնացել դիրքում, մեկ էլ լույսը բացվեց, տեսա՝ 3-ով էինք կռվում, մեր մի քանի ընկերների մասին էլ տեղեկություն չիմացանք՝ զոհվե՞լ են, չգիտեմ, նրանք անշարժ պառկած էին»։
Ադրբեջանցի զինծառայողները կտրում են մեր սպանված հերոսի գլուխը, դնում են այն տոպրակի մեջ, ման են ածում իրենց խաղաղ բնակավայրերում, ցուցադրում են եւ հրճվանք են առաջացնում այդ բնակավայրերի երկու սեռի ներկացուցիչների եւ երեխաների մոտ: Այդ եւ նմանատիպ նույնքան սահմռկեցուցիչ այլ տեսանյութեր նկարահանում եւ տարածում են իրենք` ադրբեջանցիները, եւ ֆեյսբուքում արժանանում են իրենց հայրենակիցների նույնքան բուռն հրճվանքին:
Համոզված եմ, որ մարտական գործողությունների ժամանակ այդքան կորուստ չէինք տա, բայց հակառակորդն օգտագործեց անօդաչու թռչող սարքեր, ինչը նորություն էր հայ-ադրբեջանական հակամարտության ողջ ընթացքում:
«Ձեզ թվում է, մյուսնե՞րն էլ կդադարեցնեն զենք մատակարարել: Երբ մենք գնանք այդտեղից, դադարենք լինել թե Հայաստանի, թե Ադրբեջանի ստրատեգիական գործընկերը, այնտեղ կհայտնվեն տղաներ, որոնք ավելի «հմտացած են» քաղաքականության մեջ, եւ նրանք այդտեղ իսկական մսաղաց կսարքեն՝ մեծ թվով զոհերով»,-իրենց մոտեցումն այսպես է բացատրել ՌԴ փոխվարչապետը: Այս հարցազրույցից հետո Դմիտրի Ռոգոզինին Հայաստանում «պերսոնաժ նո գրատա» հայտարարելը միանգամայն ընկալելի կլինի բոլորի համար»:
Ղարաբաղ մեկնած օլիգարխների «կամուֆլյաժավոր» լուսանկարները, տեսախցիկների առաջ հերոսական հարցազրույցներ տվող գեներալները, մի քանի մեքենա կամ մեկ ամսվա աշխատավարձ փոխանցած որոշ կազմակերպ
«Ասեմ նաեւ՝ իմանաք, որ ազգը միավորելը նաեւ Սերժ Սարգսյանի նպատակային ծրագիրն է, եւ մենք բարձր ենք գնահատում Տեր-Պետրոսյանի այդ կեցվածքը, միայն իրական պետական գործիչը կարող է մի կողմ դնել բոլոր կարգի նախկին ու ներկա տարաձայնությունները եւ միասնության նման կոչ անել: Համոզված եմ, որ մի գեղեցիկ օր էլ այդ միասնությանը կմիանա մեծարգո երկրորդ նախագահ Ռոբերտ Քոչարյանը` իր հերթին ազգային միասնականությամբ վարակելով բոլորին. Աստված սիրում է երրորդություն»:
«Ժողովուրդ» թերթի տեղեկություններով՝ ապրիլի 11-ին Սերժ Սարգսյանն առավոտյան ացելել է ՀՀ պաշտպանության նախարարություն եւ ողջ օրն անցկացրել է այս գերատեսչությունում: Նույն տեղեկությունների համաձայն՝ Սերժ Սարգսյանը ՊՆ-ից մեկնել է միայն ուշ երեկոյան: Ակնհայտ է, որ այդ այցելությունը սովորական չի եղել:
ՀՔԱՎ-ի խաղաղասիրական ծրագրերի համակարգող Արմինե Սադիկյանը երեկ տեղեկացրեց, որ իրենց մոտ առկա են Եղնիկների զորամասում ու Ջրականում (Ջաբրայիլ) ծառայող ևս 10 զինվորների տվյալներ, որոնց մասին 10 օր տեղեկություններ չկան:
«Մենք շատ զավեշտական դրսեւորումների ենք հանդիպում, այնպես որ՝ դա էլ չէր զարմացնի։ Իրոք, դա հայտնի փաստ է։ Բայց հայտնի փաստ է նաեւ այն, որ Տեր-Պետրոսյանը փորձում էր համագործակցել Ռոբերտ Քոչարյանի կամ Ռոբերտ Քոչարյանին սատարող ուժերի հետ, որպեսզի պայքարի Սերժ Սարգսյանի դեմ։ Հիմա էլ, Սերժ Սարգսյանին համարելով համախոհ, ողջ մեղքը բարդեց, փաստորեն, Ռոբերտ Քոչարյանի վրա»։
«ՉԻ»-ն ուշ երեկոյան կապ հաստատեց Արծրուն Հովհաննիսյանի հետ՝ պարզելու՝ նորություններ կա՞ն արդյոք զինծառայողի վերաբերյալ: Վերջինս մեզ ասաց, որ դեռեւս անհայտ է զինվորի ճակատագիրը: Խոսքը կապիտանի, վաշտի հրամանատար Արգիշտի Գաբոյանի մասին է, որն Արթիկի շրջանի Մեծ Մանթաշ գյուղից է: Արգիշտին 23 տարեկան է»:
«Թուրքիան այժմ ներգրավված է միջնորդավորված պատերազմում, որտեղ աջակցում է ադրբեջանական կողմին, սա շատ է բարդացնում իրավիճակը ամբողջ տարածաշրջանում, քանի որ Թուրքիան, ստացվում է, ներգրավված է մի քանի կոնֆլիկտներում՝ քաղաքացիական պատերազմ քուրդերի հետ, միջնորդավորված պատերազմ Սիրիայում եւ հիմա էլ սա»:
Ինչպես հայտնի է՝ մեկ շաբաթ առաջ հետաքննող լրագրողների ընկերակցության «Հետք» պարբերականը հրապարակեց ՀՀ գլխավոր հարկադիր կատարող, գեներալ-մայոր Միհրան Պողոսյանի` բիզնեսներին եւ, մասնավորապես, օֆշորային տարածքներում գրանցած ընկերությունների եւ դրանց գործունեության վերաբերյալ լրագրողական հետաքննության արդյունքները:
Միայն ռուսական զենքով կրակելու հրաման տալով՝ Ալիեւն աշխարհին ցույց տվեց, որ իրեն սատարում է Ռուսաստանը: Դա շատ վտանգավոր քաղաքականություն է: Հիմա պետք է մեր նախագահը անվտանգության խորհրդի նիստ հրավիրի եւ Ռուսաստանին բողոքի նոտա հղի այս անհասկանալի, զզվելի եւ ագրեսիվ քաղաքականության համար: Եվ չպետք է վախենալ: Ի՞նչ կարիք կա: Չես ուզում, կարող ենք ուրիշ տեղ գնալ:
«Հանցավոր» խմբի պատմության մեջ մի ուշագրավ հանգամանք էլ կա. այս գործով անցնող բոլոր հրապարակային գործիչները մի ընդհանրություն ունեն. նրանք երդվյալ ռուսամետներ են: Այս փաստն ի սկզբանե տարակուսանք էր առաջացնում: Ի վերջո, տարիներ շարունակ համոզմունք էր ձեւավորվել, որ ՀՀ ԱԱԾ-ն ընդամենը ՌԴ ազգային անվտանգության մարզային մասնաճյուղն է:
Միջազգային խոշոր լրատվամիջոցները ԼՂ հակամարտության բռնկումից ի վեր անդրադառնում են տարածաշրջանում տիրող իրավիճակին: «Ամերիկայի ձայնը» ներկայացրել է ԼՂ ներկայիս իրավիճակի շուրջ միջազգային խոշոր որոշ լրատվամիջոցներում և կազմակերպությունների մամուլում ապրիլի 7-ից 8-ը տպագրված անդրադարձները: ԱՄՆ-ի «The German Marshall Fund» հիմնադրամը հոդված է տեղադրել «Ինչո՞ւ պետք է Արևմուտքը մտահոգվի ԼՂ-ի համար և գործի» վերնագրով: Հոդվածը անդրադարձել է Եվրամիության կողմից «Ալևելյան հարևանություն» […]
Դե իհարկե, ո՞ւմ մտքով կանցներ, որ գիշեր-ցերեկ Ղարաբաղը գրավելու մասին խոսող Ադրբեջանը ժամանակակից զենքը գնում է հենց Ղարաբաղի դեմ օգտագործելու համար։ Ակնհայտ է, չէ՞, որ եթե պատառոտված շորերով հարբեցողը դողացող ձեռքերով անցորդներից հարյուրական դրամ է մուրում, հաստատ օրվա վերջում հավաքած փողով պաղպաղակներ է գնելու ու նվիրի երեխաներին։ Բա հո օղի չի՞ գնելու։
Հովիկ Աբրահամյան-Դմիտրի Մեդվեդեւ հանդիպումից հետո ճաշին՝ «Փարավոն» ռեստորանում, մասնակցել են նաեւ նախարարներ Վաչե Գաբրիելյանը, Դավիթ Հարությունյանը, Լեւոն Յոլյանը, առողջապահության եւ բնապահպանության նախարարները:
«Փաթթած ունեմ, թե ով ինչ ա ասում, ինչ ա խոսում, ես Ջաբրայիլի սահմանին եմ ու հայրենիքիս պարտքն եմ կատարում»:
«Գալով Հայաստան` Կարինեն ՀՀ տարածքից զանգահարել է Ադրբեջանի ծառայության աշխատակից Արմանին ու, ըստ երեւույթին, տեղեկություններ տրամադրել: Չի բացառվում, որ վերոնշյալ անձանց տրված տեղեկությունների արդյունքում էլ հակառակորդը կարողացավ վստահորեն հարձակում իրականացնել»:
Հարցին ի պատասխան՝ Լարիսա Ալավերդյանը հայտնեց, որ հայտնի է այս պահի դրությամբ գերիների թիվը, սակայն իրենք չունեն համապատասխան գործընթացն սկսելու պայմանները: Բանն այն է, որ պատկան մարմինները պետք է ՀԿ-ին տրամադրեն անհրաժեշտ տվյալները, որից հետո միայն գործին ընթացք կտրվի»:
«Ժողովուրդ»-ը ղարաբաղա-ադրբեջանական սահմանի վերջին զարգացումների շուրջ զրուցեց ազգությամբ չեխ ռազմական լրագրող, Եվրոխորհրդարանի պատգամավոր, ԵՄ-Հայաստան եւ ԵՄ-Ադրբեջան խորհրդարանական համագործակցության, ԵՄ-Վրաստան խորհրդարանական ասոցիացիայի հանձնաժողովների պատվիրակության, «Եվրանեսթ» խորհրդարանական վեհաժողովի պատվիրակության անդամ Յարոմիր Շտետինայի հետ:
«Ժամանակ» թերթի թղթակիցը Ղարաբաղից հաղորդել է, որ երեկ ղարաբաղա-ադրբեջանական հակամարտ զորքերի շփման գծի հյուսիսային հատվածում մինչև 15 մարդուց բաղկացած ադրբեջանական առանձին խմբեր փորձել են հարձակվել և գրավել հայկական կողմի երկու դիրքեր, ինչը հաջողությամբ չի պսակվել, և հակառակորդը հետ է շպրտվել»:
«Հայկական ժամանակ» թերթը գրում է. «Անթիլիասի կաթողիկոսության մամուլի ծառայությունից հայտնում են, որ առաջիկա օրերին տեղի է ունենալու Հայ առաքելական եկեղեցու երկու կաթողիկոսների այցը ԼՂՀ:
«Հրամատարի հրահանգին, որ թողնի՝ հեռանա, Քյարամը չի ենթարկվել, ասել է՝ չեմ կարող ձեզ թողնել եւ մինչեւ վերջին վայրկյանը հրամանատարի հետ կռիվ է տվել թշնամու դեմ: Դիրքում նրանից բացի մի զինվոր էլ է եղել, երեքով էլ մահացել են»,- պատմում են ապրիլի մեկի լույս երկուսի գիշերը Լեռնային Ղարաբաղում տեղի ունեցած թեժ մարտերում զոհված Քյարամ Սլոյանի մասին:
Երեկոյան տեղեկացանք, որ Մեդվեդեւի անվտանգության աշխատակիցներն արդեն Հայաստանում են:
