Վիկտորիա Բեքհեմը բացահայտել է արտաքինի հետ կապված իր գլխավոր բարդույթը
Բրիտանացի երգչուհի և դիզայներ Վիկտորիա Բեքհեմը բացահայտել է իր արտաքին տեսքի հետ կապված անսպասելի բարդույթը։ Նա այս մասին պատմել է Ինստագրամի իր էջում։
51-ամյա Բեքհեմը թողարկել է կոսմետիկայի իր սեփական ապրանքանիշի՝ Victoria Beckham Beauty-ի համար նոր տոնային կրեմ, որն էլ անձամբ գովազդել է։ Վերջինս հայտնել է, որ երկար ժամանակ ունեցել է բշտիկների խնդիր։
«Ես շատ էի ամաչում իմ մաշկի խնդիրների համար, ուստի այս բանաձևը չափազանց լավը ստացվեց»,- խոստովանել է Վիկտորիան:
Միաժամանակ երգչուհին հավելել է, որ նախընտրում է չեզոք երանգների դիմահարդարում և երկար տարիներ է՝ հրաժարվել է մաշկը գրգռող միջոցներից։
