Քաղաքականություն

Հայաստանը ձգտելու է  «որակապես նոր մակարդակի» հարաբերություններ կառուցել Ռուսաստանի հետ։ Sputnik Армения-ի փոխանցմամբ, այս մասին հայտարարել է ՀՀ վարչապետ Նիկոլ Փաշինյանը։ «2018 թվականի «թավշյա հեղափոխությունից» հետո ես ասել եմ, որ մեր նպատակն է՝ կառուցել նոր որակի և մակարդակի հարաբերություններ»,- նշել է Փաշինյանը։ Նա նաև ասել է, որ Հայաստանի և Ռուսաստանի հարաբերություններում որևէ բացասական երևույթ տեղի չի ունեցել։ ՀՀ վարչապետը նաև հերքել է այն մեղադրանքները, իբրև թե ՀՀ կառավարությունը ղեկավարում են, այսպես կոչված, «սորոսականները»։ «Հայկական կառավարությունում չկան «սորոսականներ», կան «փաշինյանականներ»։ Խնդրում եմ, որպեսզի բոլորը դա ի գիտություն ընդունեն»,- ընդգծել է ՀՀ վարչապետը։

Պաշտպանության բանակը շարունակում է վստահորեն կատարել իր առջև դրված մարտական խնդիրը՝ բոլոր ուղղություններով ձախողելով թշնամու գրոհները:

Երեկ Վարդենիսի ուղղությամբ ավիացիոն հարվածներից հետո  այս և Հայաստանի սահմանների որևէ այլ ուղղությամբ ակտիվ մարտական գործողություններ չեն ընթացել:

Սեպտեմբերի 29-ի առավոտյան, Ադրբեջանի «Գյանջա» օդանավակայանում տեղակայված Թուրքիայի Հանրապետության ռազմաօդային ուժերին պատկանող F-16 կործանիչներից մեկի կողմից խոցվել է ՀՀ տարածքում գտնվող ռազմական և քաղաքացիական օբյեկտների վրա ադրբեջանական հարձակումները հետ մղելու նպատակով ՀՀ օդային տարածքում՝ Վարդենիսի շրջանում, մարտական խնդիրները կատարող ՀՀ ԶՈւ ռազմաօդային ուժերի ՍՈւ-25 գրոհիչը:

Բագրատ Եսայանը ֆեյսբուքյան իր էջում գրում է․ «Մինչ Արցախում ամբողջ հայությունը կենաց մահու պատերազմ է մղում թուրքադրբեջանական հրոսակների դեմ, Հաղթելու անկոտրում կամք ու վճռականություն դրսևորելով, որոշ սորոսածռական տականքներ «պատերազմում» են Պուտինի դեմ, ամեն ջանք գործադրում են հայ-ռուսական առանց այն էլ խաթարված հարաբերությունները վերջնական փչացնելու ուղղությամբ։ Ո՞վ կարող է բացատրել, սա պարզ դավաճանությո՞ւն է, թե՞ սրանք ուղեղի ինչ–որ յուրահատուկ հիվանդությամբ են տառապում։ Ամեն դեպքում, հասարակությունից սրանց մեկուսացումը դառնում է կենսական խնդիր»։

Եկեղեցիների Համաշխարհային Խորհրդի (ԵՀԽ) գործող գլխավոր քարտուղար Հայր Իոան Սաուկան խորը մտահոգություն է հայտնել  Լեռնային Ղարաբաղի տարածաշրջանում վերսկսված և շատ լուրջ լարման կապակցությամբ, ինչն առաջացել է Ադրբեջանի զինված ուժերի հարձակումից հետո՝ հանգեցնելով բազմաթիվ զոհերի, այդ թվում՝ քաղաքացիական անձանց շրջանում,  և դա կարող է սադրել լայնածավալ զինված հակամարտություն տարածաշրջանում։

ՀՀ պաշտպանության նախարարությունը հայտարարություն է տարածել․ կարևոր

Երեկ ադրբեջանական լրատվականները՝ հղում անելով իրենց ռազմական աղբյուրներին, գրել էին, թե ոչնչացվել է բունկեր, որտեղ հայ սպաներ, գեներալներ և հայկական զինված ուժերի բարձրաստիճան պաշտոնյաներ են եղել։ Նշվում էր, թե «մահացու» հարվածը հասցվել է Harop-ի կործանիչ ԱԹՍ-ով։

Հայաստանի Հանրապետության պաշտպանության նախարարությունը հրապարակել է Թուրքիայի զինված ուժերին պատկանող F-16 կործանիչի կողմից խոցված ՀՀ ԶՈւ ռազմաօդային ուժերի ՍՈւ-25 գրոհիչի լուսանկարները:

Դրամական աջակցություն ցուցաբերել պետությանը, ճշգրիտ ու ժամանակին կատարենք հարկային պարտավորությունները:
Հարգանքով վերաբերվել մեր դաշնակիցներին և բարեկամ պետություններին՝ չտրվելով սադրանքներին»:

168 TV ԼՐԱՀՈՍ

«Այս պահին մարտերը շարունակվոմ են: Արցախի ՊԲ ստորաբաժանումները առանձին հատվածներում իրականացնում են պատժիչ գործողություններ։ Ոչնչացվել են հակառակորդի մեծ թվով կենդանի ուժ, սպառազինություն և ռազմական տեխնիկա, այդ թվում՝ «ՏՕՍ-1Ա» ծանր հրանետային համակարգ»։

Ադրբեջանի ագրեսիան նախապես ծրագրված է եղել:

Նիկոլ Փաշինյանը Վլադիմիր Պուտինի հետ հեռախոսազրույցի ընթացքում չի քննարկել ղարաբաղյան հակամարտությանը Ռուսաստանի միջամտության հարցը։ Այս մասին ռուս լրագրողների հետ հանդիպման ընթացքում հայտարարել է Հայաստանի վարչապետ Նիկոլ Փաշինյանը։ «Մենք ՌԴ նախագահի հետ չենք քննարկել ղարաբաղյան հակամարտությանը Ռուսաստանի միջամտության հարցը։ Մենք նաև չունենք 102-րդ ռուսական ռազմաբազայի պոտենցիալն օգտագործելու կարիքը, թեպետ անհրաժեշտության դեպքում` դրա համար կան բոլոր իրավաբանական հիմքերը»,- ըստ aravot.am–ի՝ նշել է վարչապետը։

Վրաստանում Հայաստանի դեսպանությունը հայտարարություն է տարածել, որ մեդիա տիրույթում նկարներ են տարածվում, որտեղ Թբիլիսիի հեռուստաաշտարակը և Խաղաղության կամուրջը Ադրբեջանի դրոշի գույներով են, որով, իբրև թե, Վրաստանն իր աջակցությունն է հայտնում Ադրբեջանին։

Ֆրանսիայի նախագահ Էմանուել Մակրոնը բանակցություններ կվարի ՌԴ նախագահ Վլադիմիր Պուտինի ու ԱՄՆ նախագահ Դոնալդ Թրամփի հետ՝ ուղղված Արցախյան հակամարտության գոտում իրավիճակի կարգավորմանը: Ռուսական ՏԱՍՍ-ի փոխանցմամբ՝ այս մասին Մակրոնը հայտարարել է Լատվիա կատարած այցի շրջանակում։

«Երեկ երեկոյան մենք արդեն տեղեկացրինք, որ Եվրոպական դատարանը կայացրել է որոշում ավելի վաղ ՀՀ-ի կողմից ներկայացված՝ Ադրբեջանի դեմ միջանկյալ միջոցի խնդրանքը բավարարելու վերաբերյալ: Իհարկե, հետևյալ բովանդակությամբ է կայացվել որոշումը, որը, կարծում եմ, ակնկալելի էր նաև մեզ համար, երբ մենք դիմում էինք ՄԻԵԴ պետության անունից՝ նաև հաշվի առնելով իրավիճակի սրությունը, լայնամասշտաբ բնույթը: Որոշման մեջ կոչ է արվում թե Ադրբեջանին, նաև Հայաստանին՝ զերծ մնալ այնպիսի միջոցների կիրառումից, որոնք կառաջացնեն կոնվենցիայով երաշխավորված քաղաքացիական բնակչության իրավունքների խախտումներ»,- միասնական տեղեկատվական կենտրոնում այսօր տեղի ունեցած ասուլիսի ժամանակ ասաց Մարդու իրավունքների եվրոպական դատարանում (ՄԻԵԴ) ՀՀ կառավարության ներկայացուցիչ Եղիշե Կիրակոսյանը՝ անդրադառնալով ՄԻԵԴ երեկ կայացված որոշմանը:

«Արցախի սահմանի երկայնքով մարտերը շարունակվում են։ Հակառակորդը չի հրաժարվում իր նպատակներից, քանի որ ինչ-որ տեղ դարձել է իր ավանտյուրաների գերին։ Այսինքն՝ այդքան զոհեր տալով և տեխնիկայի կորուստ տալով, չեն կանգնում, ուզում են կանգնեցնել ամեն ինչ, բայց չեն կարողանում, որովհետև պետք է պատասխան տան հասարակության առջև, թե ինչի համար են սկսել այդ ավանտյուրան, որը նման հետևանքներ է ունենում՝ առանց ցանկալի արդյունքների»,- այս մասին 168.am-ի հետ զրույցում ասաց Արցախի նախագահի արտաքին հարաբերությունների գծով խորհրդական Դավիթ Բաբայանը։

Ուրուգվայի Արևելյան Հանրապետության Ներկայացուցիչների պալատի պատգամավոր Պեդրո Խիսդոնյանը «Twitter»-ում անդրադարձել է Ադրբեջանի զինված ուժերի սադրանքի հետևանքով հայ-ադրբեջանական սահմանին ստեղծված լարվածությանը:

ՀՀ արդարադատության նախկին նախարար Գևորգ Դանիելյանը ֆեյսբուքյան իր էջում գրում է․ «Եթե որոշվել է դիմել ՄԻԵԴ, ապա փաստերի տրամաբանությունը թելադրում է, որ նոր դիմումով որպես պատասխանող հարկ է ճանաչել ռազմական գործողությունների իրական դերակատարին՝ Թուրքիային, իսկ ապացույցների հարցում, թերևս, առանձնակի խնդիր չկա (դրանք արդեն հրապարակվում են իրավասու կառույցների կողմից)։

Որքանո՞վ են Գետաշենի, Շահումյանի ուղղությամբ առաջխաղացման հետ կապված սոցցանցերում պտտվող  լուրերը հավաստի: Լրագրողների հետ ճեպազրույցի ընթացքում ՀՀ ՊՆ ներկայացուցիչ Արծրուն Հովհաննիսյանն ասաց, որ այս պահին նպատակահարմար չէ մեկնաբանել կոնկրետ ուղղություններով  կոնկրետ գործողությունները, հատկապես որոնք վերաբերում են մեր զինված ուժերի հաջողություններին, առաջընթացներին:

«Комсомольская правда» ռադիոկայանի ուղիղ եթերում ՌԴ ԱԳՆ պաշտոնական ներկայացուցիչ Մարիա Զախարովան մանրամասնել է, թե ինչ քայլեր է ձեռնարկում Ռուսաստանն Արցախյան հակամարտության գոտում վերսկսված պատերազմը «հանգցնելու» համար։ Նա նշեց, որ ռուսական կողմի գլխավոր ուղերձը կայանում է նրանում, որ հայ-ադրբեջանական պատերազմ թույլ չտալն ընդհանուր խնդիր է։

Սիրիական Հմեյմիմում եւ Տարտուսում տեղակայված ռազմակայանները Ռուսաստանի համար շահավետ են ոչ միայն ռազմական եւ քաղաքական, այլեւ տնտեսական տեսակետից:

ԱԺ նախագահ Արարատ Միրզոյանը ֆեյսբուքյան իր էջում տարածել է այս լուսանկարը՝ գրելով․ «Մեր խաղաղապահն էլ ա ինքը, անկախապահն էլ, հայրենապահն էլ»։

«Դրանք չեն եղել նույն ինտենսիվությամբ, ինչ ընթանում էին երեկ: Բայց տեղ-տեղ, բնականաբար, եղել են հրետակածություններ: Վաղ առավոտյան Ադրբեջանի զինված ուժերը հյուսիսային ուղղությամբ անցել են լայնածավալ հարձակողական գործողությունների, մասնավորապես, ավիացիոն, հրթիռային և հրետանային հարվածներ են հասցրել: Այս պահին այդ ուղղությամբ ընթանում են մարտեր: Պետք է հստակ ֆիքսենք, որ կիրառվում են բազում միջոցներ, այդ թվում՝ հեռահար ճշգրիտ միջոցներ, ԱԹՍ-եր, մեծ քանակությամբ հրետանի:

ՀՀ ԱԳՆ–ն հայտարարություն է տարածել Թուրքիայի ԶՈՒ ներգրավվածության վերաբերյալ, որում ասված է․ «Սեպտեմբերի 29-ի առավոտյան, Ադրբեջանի «Գյանջա» օդանավակայանում տեղակայված Թուրքիայի Հանրապետության ռազմաօդային ուժերին պատկանող F-16 կործանիչներից մեկի կողմից խոցվել է ՀՀ տարածքում գտնվող ռազմական և քաղաքացիական օբյեկտների վրա ադրբեջանական հարձակումները հետ մղելու նպատակով ՀՀ օդային տարածքում՝ Վարդենիսի շրջանում, մարտական խնդիրները կատարող ՀՀ ԶՈւ ռազմաօդային ուժերի ՍՈւ-25 գրոհիչը:

Ֆրանսիայի նախագահ Էմանուել Մակրոնը հայտնել է, որ նախատեսում է Լեռնային Ղարաբաղում տիրող իրավիճակի հարցը քննարկել ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի հետ:

Արծրուն Հովհաննիսյանի և Եղիշե Կիրակոսյանի ասուլիսը՝ ՈՒՂԻՂ

Այսօր մեր զինվորն իր կյանքը զոհում է՝ «Արցախը Հայաստան է և՝ վերջ» պոպուլիստական լոզունգի պատճառով, ինչն առիթ դարձավ, որ ադրբեջանա-թուրքական տանդեմը միջազգային ամբիոններում այն ցիտելով, փորձեն լիգիտիմացնել այս թուրանական հարձակումը, նաև՝ բանակցություններից հրաժարվելու պատճառը։ Հասարակության հայացքը այսօր Արցախում հավաքված նախկին-ներկա ռազմաքաղաքական էլիտան է, այդ թվում՝ նաև «դավադիրները», ովքեր ամբիոններից չէ, որ հայտարարել են, թե պատրաստ են զոհվել Արցախի համար։ Եվ ժողովուրդը հավատում է նրանց։

Հայկական կողմը խաղաղ բանակցությունների միջոցով խնդրի լուծման կողմնակից է, սակայն մենք պատրաստ ենք ընդունել մեզ պարտադրված մարտահրավերները եւ այս իմաստով Հայաստանի, Արցախի (Լեռնային Ղարաբաղ) եւ ողջ հայության ներսում լիակատար միասնություն կա: